ହାଇଦ୍ରାବାଦ:ଆସୁଛନ୍ତି ବାପ୍ପା । ଆସନ୍ତା ସେପ୍ଟେମ୍ବର 7ରେ ଏହା ସମଗ୍ର ଦେଶରେ ଗଣେଶ ପୂଜା ଧୁମଧାମରେ ପାଳନ ହେବାକୁ ଯାଉଛି । ଯାହାକୁ ନେଇ ସବୁଠି ପ୍ରସ୍ତୁତି ଜୋରସୋରରେ ଆରମ୍ଭ ହୋଇସାରିଲାଣି । ଏପରି ସମୟରେ ବର୍ତ୍ତମାନ ସଲମାନ ଖାନ ଫ୍ୟାନ୍ସଙ୍କୁ ଗଣେଶ ପୂଜା ନେଇ ଇକୋ ଫ୍ରେଣ୍ଡଲି ହେବାକୁ ଅନୁରୋଧ କରିଛନ୍ତି । ଅଭିନେତା ମୁମ୍ୱାଇରେ ଆୟୋଜିତ ଏକ ଇଭେଣ୍ଟରେ ସାମିଲ ହୋଇଥିଲେ । ଏହି ଇଭେଣ୍ଟରେ ଅଭିନେତ୍ରୀ ସୋନାଲି ବ୍ରେନ୍ଦ୍ରେ ମଧ୍ୟ ସାମିଲ ହୋଇଥିବା ବେଳେ 'ହମ ସାଥ ସାଥ ହେ'ର ଯୋଡ଼ି ସଲମାନ ଏବଂ ସୋନାଲିଙ୍କୁ ପ୍ରାୟ 25 ବର୍ଷ ପରେ ଏକାଠି ଦେଖିବାକୁ ମିଳିଛି । ଇଭେଣ୍ଟର ଅନେକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି ।
ଇକୋ ଫ୍ରେଣ୍ଡଲି ଗଣେଶ ଆଣିବାକୁ ସଲମାନ ଖାନ ପରାମର୍ଶ
ଏହି ସମୟରେ ସଲମାନ କହିଛନ୍ତି, ''ସେ ପ୍ରତିବର୍ଷ ଗଣେଶ ପୂଜା ତାଙ୍କ ଘରେ ପାଳନ କରନ୍ତି। ଆମ ପରିବାରରେ ଯେତେବେଳେ ଆମେ ଗଣେଶ ପୂଜାରେ ଗଣେଶ ଜୀଙ୍କ ପ୍ରତିମୂର୍ତ୍ତି ଆଣିଥାଉ, ଏହା ଇକୋ ଫ୍ରେଣ୍ଡଲି ଗଣେଶ ଜୀଙ୍କୁ ଆଣୁ। ଏହି ପର୍ବ ଏତେ ଶୁଦ୍ଧ, ଏଥିରେ ଗଣେଶ ଜୀ କାହିଁକି ଅଶୁଦ୍ଧ? ସେମାନେ ମଧ୍ୟ ଶୁଦ୍ଧ ହେବା ଉଚିତ୍, ଠିକ୍? ଏହା ସହିତ ସେ ଫ୍ୟାନ୍ସଙ୍କୁ ଇକୋ ଫ୍ରେଣ୍ଡଲି ଗଣେଶ ମୂର୍ତ୍ତି ଘରକୁ ଆଣିବାକୁ ପରାମର୍ଶ ଦେଇଛନ୍ତି ଯାହା ଦ୍ୱାରା ବିସର୍ଜନ ସମୟରେ ପରିବେଶ ପ୍ରଦୂଷିତ ନହେଉ।''
25 ବର୍ଷ ପରେ ଏକାଠି ନଜର ଆସିଲେ ସଲମାନ-ସୋନାଲି
ଭାଇରାଲ ଭି଼ଡିଓରେ ଦେଖିବାକୁ ମିଳିଛି ଯେ, ସୋନାଲି ବେନ୍ଦ୍ରେ ଇଭେଣ୍ଟରେ ପହଞ୍ଚିବା ସମୟରେ ସଲମାନ ଛିଡ଼ା ହୁଅନ୍ତି ଏବଂ ହଗ୍ କରୁଥିବା ନଜର ଆସିଛନ୍ତି । ଏହି ଭିଡିଓ ସାମ୍ନାକୁ ଆସିବା ପରେ ଫ୍ୟାନ୍ସ ଏହାକୁ ବେଶ ପସନ୍ଦ କରିଛନ୍ତି । ଅନେକ 'ହମ ସାଥ ସାଥ ହେ'ର ଯୋଡ଼ି ପ୍ରେମ-ପ୍ରୀତି ପୁଣି ଫେରିଛନ୍ତି ବୋଲି କହିଛନ୍ତି । ଏଥିସହ 'ୱାଣ୍ଟେଡ୍'ର ତାଙ୍କର ଲୋକପ୍ରିୟ ଗୀତ 'ଜଲୱା'ରେ ଡ୍ୟାନ୍ସ ଏବଂ କୁନି ଫ୍ୟାନଙ୍କୁ ହଗ୍ କରି ସମସ୍ତଙ୍କ ମନ ଜିତିଥିଲେ ସଲମାନ । ଏହି କାର୍ଯ୍ୟକ୍ରମରେ ସଲମାନ ଖାନ ବ୍ଲୁ ଟି-ସାର୍ଟ ଏବଂ ପିନ୍ଧିଥିବା ବେଳେ ଡେନିମ ଜିନ୍ସରେ ନଜର ଆସିଥିଲେ ଏବଂ ସୋନାଲି ଏକ ୱାଇଟ ସାଲୱାର ସୁଟରେ ସୁନ୍ଦର ଦେଖାଯାଉଥିଲେ । ଏହି କାର୍ଯ୍ୟକ୍ରମରେ ପ୍ରସିଦ୍ଧ ଗାୟକ କୈଳାସ ଖୈର ମଧ୍ୟ ଯୋଗ ଦେଇଥିଲେ।
ଏହା ମଧ୍ୟ ପଢନ୍ତୁ:ଇଦରେ ଫ୍ୟାନ୍ସଙ୍କୁ ଭେଟି, ନୂଆ ଫିଲ୍ମ ଟାଇଟଲ୍ ଘୋଷଣା କଲେ ଭାଇଜାନ
ସଲମାନ ଖାନଙ୍କ ୱାର୍କପ୍ରଣ୍ଟ ବିଷୟରେ କହିବାକୁ ଗଲେ,
ସଲମାନ ଖାନ ଖୁବଶୀଘ୍ର ଫିଲ୍ମ 'ସିକନ୍ଦର' ସହ ଫେରୁଛନ୍ତି । 'ସିକନ୍ଦର' ଆକ୍ସନ୍ ଏବଂ ରୋମାଞ୍ଚରେ ପରିପୂର୍ଣ୍ଣ । ସଲମାନ ଏହି ଫିଲ୍ମ ପାଇଁ ନିର୍ମାତା ସାଜିଦ ନାଦିଆଡୱାଲା ଏବଂ ସାଉଥ ଚଳଚ୍ଚିତ୍ରର ନିର୍ଦ୍ଦେଶକ ଆର ମୁରୁଗାଦୋସଙ୍କ ସହ ହାତ ମିଳାଇଛନ୍ତି । ଏହା ଏକ ପାନ୍ ଇଣ୍ଡିଆ ଚଳଚ୍ଚିତ୍ର, ଦର୍ଶକମାନେ ଏହି ଚଳଚ୍ଚିତ୍ରରେ ସଲମାନ ଖାନଙ୍କ ଏକ ଭିନ୍ନ ଅବତାର ଦେଖିବାକୁ ପାଇବେ । ଆର ମୁରୁଗାଦୋସଙ୍କ ସହ ସଲମାନ ପ୍ରଥମ ଥର ପାଇଁ କାମ କରୁଥିବା ବେଳେ ସାଜିଦଙ୍କ ସହ 10 ବର୍ଷ ପରେ ଏକାଠି ହୋଇଛନ୍ତି । ତେବେ ଏହି ଫିଲ୍ମ ଆସନ୍ତାବର୍ଷ 2025 ଇଦରେ ରିଲିଜ ହେବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
