ହାଇଦ୍ରାବାଦ:ସାଉଥ ଷ୍ଟାର ରାମ ଚରଣ ଏବଂ ଅଭିନେତ୍ରୀ କିଆରା ଆଡଭାନୀଙ୍କ ଅଭିନୀତ ଫିଲ୍ମ 'ଗେମ ଚେଞ୍ଜର' ଆଜି ଜାନୁଆରୀ ୧୦ ତାରିଖରେ ସିନେମା ହଲରେ ମୁକ୍ତିଲାଭ କରିଛି । ଆନ୍ଧ୍ରପ୍ରଦେଶର କିଛି ପ୍ରେକ୍ଷାଳୟରେ 'ଗେମ ଚେଞ୍ଜର'ର ସ୍ୱତନ୍ତ୍ର ଶୋ' ଆରମ୍ଭ ହୋଇଥିଲା, ଯେଉଁଥିରେ ପ୍ରଥମ ଶୋ' ରାତି ୧ଟାରେ ଥିଲା । ପ୍ରଥମ ଦିନର ପ୍ରଥମ ଶୋ’ ଦେଖିବାକୁ ହଲରେ ଭିଡ଼ ଜମିଥିବା ବେଳେ ବର୍ତ୍ତମାନ ଫିଲ୍ମ ଦେଖି ନିଜ ପ୍ରତିକ୍ରିୟା ଦେଇଛନ୍ତି ଦର୍ଶକ, ଫ୍ୟାନ୍ସ ଏବଂ ସମାଲୋଚକ । ସୋସିଆଲ ମିଡିଆରେ ଫିଲ୍ମକୁ ନେଇ ମିଶ୍ରିତ ପ୍ରତିକ୍ରିୟା ମିଳୁଛି । ପ୍ରଥମ ଦିନରେ ଫିଲ୍ମ ଲୋକଙ୍କ ମନ ଜିଣିଲା କି ନାହିଁ ? ଜାଣନ୍ତୁ...
'ଗେମ ଚେଞ୍ଜର' ରିଭ୍ୟୁ
ଟ୍ରେଡ ଆନାଲିଷ୍ଟ ମନୋବାଲା ବିଜୟବାଲନ ଫିଲ୍ମକୁ 4 ରେଟିଂ ଦେବା ସହ ପୋଷ୍ଟରେ ଲେଖିଛନ୍ତି, “ଶଙ୍କର ଏକ ଉଲ୍ଲେଖନୀୟ ଚଳଚ୍ଚିତ୍ର ସହ କମବ୍ୟାକ କରିଛନ୍ତି। ଏହା ଏକ ଚମତ୍କାର ସିନେମାଟିକ୍, ଉତ୍କୃଷ୍ଟ ପ୍ରଦର୍ଶନ ଏବଂ ଶ୍ରେଷ୍ଠ ବୈଷୟିକ ଉପାଦାନଗୁଡ଼ିକର ମିଶ୍ରଣ ଏହି ଫିଲ୍ମ । ରାମ ଚରଣଙ୍କ ଅଭିନୟ ଦମଦାର ରହିଛି। କିଆରା ଆଡଭାନୀ ଏବଂ ଅଞ୍ଜଳି ସେମାନଙ୍କର ଭୂମିକା ବହୁତ ଭଲ ଭାବରେ ନିର୍ବାହ କରିଛନ୍ତି। ବଡ଼ ପରଦାରେ ଗୀତ ଏବଂ ଦୃଶ୍ୟ ଦେଖିବା ଏକ ଆନନ୍ଦଦାୟକ ଅନୁଭବ। ଗେମ୍ ଚେଞ୍ଜରକୁ ଏକ "ପ୍ରଭାବଶାଳୀ ବାଣିଜ୍ୟିକ ମନୋରଞ୍ଜନକାରୀ ।"
ସେହିପରି ଫିଲ୍ମର ସବୁଠାରୁ ଚର୍ଚ୍ଚିତ ମୁଖ୍ୟ ଘଟଣାଗୁଡ଼ିକ ମଧ୍ୟରୁ ଗୋଟିଏ ହେଉଛି ରାମ ଚରଣଙ୍କ ଦମଦାର ପରିଚୟ ଦେଉଥିବା ସିନ । ରାମ ଚରଣ ତାଙ୍କର ଦମଦାର ସ୍କ୍ରିନ ଉପସ୍ଥିତି ସହ ବଡ଼ ପରଦାରେ ରାଜ୍ କରୁଥିବାରୁ ଫ୍ୟାନ୍ସ ଏହାକୁ ପ୍ରଶଂସା କରିଛନ୍ତି। ଜଣେ ଫ୍ୟାନ୍ସ ଟ୍ୱିଟ୍ କରିଛନ୍ତି, 'ପ୍ରଥମ ଅର୍ଦ୍ଧ ୪.୫/୫ । ଏପର୍ଯ୍ୟନ୍ତ, ମଜା, ମସଲା, ମନୋରଞ୍ଜନକାରୀ ଥିଲା । ବହୁତ ଭଲ। ଆମ ପାଇଁ ଏ ହିଁ ଶଙ୍କର ।