ହାଇଦ୍ରାବାଦ: ପ୍ରିୟଙ୍କା ଚୋପ୍ରାଙ୍କ ପରେ, ରଣଦୀପ ହୁଡା ତାଙ୍କର ହଲିଉଡ ପ୍ରୋଜେକ୍ଟରେ ଜନ ସିନାଙ୍କ ସହ ନଜର ଆସିବେ । ଉଭୟ ହାଇ-ଅକ୍ଟେନ୍ ଆକ୍ସନ୍ ଫିଲ୍ମ 'ମ୍ୟାଚବକ୍ସ'ରେ ନଜର ଆସିବେ। ଏକ୍ସଟ୍ରାକ୍ସନ ୧ ଏବଂ ୨ର ସଫଳତା ପରେ, ରଣଦୀପ ଦ୍ୱିତୀୟ ଥର ପାଇଁ ନିର୍ଦ୍ଦେଶକ ସାମ୍ ହର୍ଗେଭଙ୍କ ସହ କାମ କରିବାକୁ ଯାଉଛନ୍ତି। ରଣଦୀପ ଫିଲ୍ମର ସୁଟିଂ ପାଇଁ ବୁଡାପେଷ୍ଟ ଚାଲିଯାଇଛନ୍ତି। ରଣଦୀପ ଖୁବ୍ ଶୀଘ୍ର କଳାକାର ଏବଂ ପ୍ରଡକ୍ସନ ଟିମ୍ରେ ଯୋଗଦେବେ। ପ୍ରିୟଙ୍କା ଜନ୍ ସେନାଙ୍କ ସହ 'ହେଡ୍ସ ଅଫ୍ ଷ୍ଟେଟ୍ସ'ରେ ନଜର ଆସିଥିଲେ ଏବେ ରଣଦୀପ ତାଙ୍କ ସହିତ ସ୍କ୍ରିନ୍ ସେୟାର କରିବାକୁ ଯାଉଛନ୍ତି।
ରଣଦୀପ ଏହି ଫିଲ୍ମ ପାଇଁ ଉତ୍ସାହିତ
'ସ୍ୱତନ୍ତ୍ର ବୀର ସାବରକର'ରେ ତାଙ୍କର ଚମତ୍କାର ଅଭିନୟ ପରେ, ରଣଦୀପ ହୁଡା ଏବେ ହଲିଉଡରେ ତାଙ୍କର ଅଭିନୟ ଦକ୍ଷତା ପ୍ରଦର୍ଶନ କରିବାକୁ ପ୍ରସ୍ତୁତ। ତାଙ୍କର ଶେଷ ହଲିଉଡ ରିଲିଜ ଥିଲା 'ଏକ୍ସଟ୍ରାକ୍ସନ୍' ଯାହା 2020 ମସିହାରେ ନେଟଫ୍ଲିକ୍ସରେ ରିଲିଜ୍ ହୋଇଥିଲା, ତେଣୁ ଏହା ହଲିଉଡରେ ତାଙ୍କର ଦ୍ୱିତୀୟ ବଡ଼ ଫିଲ୍ମ ହେବ। ଫିଲ୍ମର ସୁଟିଂ ବୁଡାପେଷ୍ଟରେ ଆରମ୍ଭ ହୋଇଛି। ଏ ବିଷୟରେ ନିଜର ଉତ୍ସାହ ସେୟାର କରି ରଣଦୀପ କହିଥିଲେ, 'ମୁଁ ପୁଣି ଥରେ ସାମ୍ ସହ କାମ କରିବାକୁ ଉତ୍ସାହିତ। ଏକ୍ସଟ୍ରାକ୍ସନ ପରେ ଆମେ ପୁଣି ଏକାଠି କାମ କରିବାକୁ ଯାଉଛୁ। ଆମେ ଅତୀତରେ ବହୁତ ଭଲ ସମୟ ବିତାଇଛୁ ଏବଂ ଭବିଷ୍ୟତରେ ମଧ୍ୟ ଶ୍ରେଷ୍ଠ ପ୍ରଦର୍ଶନ କରିବାକୁ ଆଶା କରୁଛି। ସାମ୍ ଉଚ୍ଚମାନର କାହାଣୀ କହିବା ଏବଂ କାର୍ଯ୍ୟରେ ଜଣେ ମାହିର। 'ବୁଡାପେଷ୍ଟରେ ଦଳରେ ଯୋଗ ଦେଇ ଖୁସି।'
ଏହା ମଧ୍ୟ ପଢନ୍ତୁ: 'ସ୍ୱତନ୍ତ୍ର ବୀର ସାବରକର' ଟ୍ରେଲର ରିଲିଜ, ବିନାୟକ ଦାମୋଦର ସାବରକରଙ୍କ ଭୂମିକାରେ ନଜର ଆସିବେ ରଣଦୀପ
ମ୍ୟାଚବକ୍ସ ବିଷୟରେ କହିବାକୁ ଗଲେ, ମ୍ୟାଚବକ୍ସ ହେଉଛି ମ୍ୟାଟେଲ୍ ଫିଲ୍ମସ୍ ଏବଂ ସ୍କାଏଡାନ୍ସ ଫିଲ୍ମସ୍ ଦ୍ୱାରା ନିର୍ମିତ ଏକ ଆପଲ୍ ଅରିଜିନାଲ୍ । ଏହା ବର୍ତ୍ତମାନ ବୁଡାପେଷ୍ଟରେ ସୁଟିଂ କରାଯାଉଛି । ଏହି ଫିଲ୍ମରେ ଜନ୍ ସେନା, ରଣଦୀପ ହୁଡା, ତେୟୋନା ପ୍ୟାରିସ୍, ଜେସିକା ବିଏଲ୍ ଏବଂ ସାମ୍ ରିଚାର୍ଡସନ୍ ଅଭିନୟ କରିଛନ୍ତି । ଏହି ଚଳଚ୍ଚିତ୍ରଟି ଏକ ଆଗାମୀ ଆମେରିକୀୟ ଆକ୍ସନ-ଆଡଭେଞ୍ଚର କମେଡି ଚଳଚ୍ଚିତ୍ର । ଏହି ସମୟରେ, ରଣଦୀପଙ୍କ ଆଗାମୀ ହିନ୍ଦୀ ଫିଲ୍ମ ହେଉଛି ଗୋପୀଚାନ୍ଦ ମାଲିନେନିଙ୍କ ଜାଟ୍, ଯେଉଁଥିରେ ସନ୍ନି ଦେଓଲ ମୁଖ୍ୟ ଭୂମିକାରେ ଅଭିନୟ କରୁଛନ୍ତି । 'ଜାଟ'କୁ ପୁଷ୍ପା 2 ନିର୍ମାତା ମୈଥ୍ରୀ ମୁଭି ମେକର୍ସ ପ୍ରଯୋଜନା କରୁଛନ୍ତି । ଏହା ବ୍ୟତୀତ ସେ ବିଶାଲ ଭରଦ୍ୱାଜଙ୍କ ଆଗାମୀ ଫିଲ୍ମର ସୁଟିଂ ମଧ୍ୟ କରିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
