ହାଇଦ୍ରାବାଦ: ଓଲିଉଡରେ ବାଜିଲା ସାହନାଇ । ବିବାହ ବନ୍ଧନରେ ବାନ୍ଧି ହେଲେ ଓଡ଼ିଆ ଅଭିନେତ୍ରୀ ଏଲିନା ସାମନ୍ତରାୟ । ଦୀର୍ଘ ଦିନର ଡେଟିଂ ପରେ ବୟଫ୍ରେଣ୍ଡ ଅନୁରାଗ ପଣ୍ଡାଙ୍କ ସାତ ଜନ୍ମର ସାଥୀ କରିଛନ୍ତି ଏଲିନା । ଇଣ୍ଡୋନେସିଆର ବାଲିରେ ସିକ୍ରେଟ ବିବାହ କରିଛନ୍ତି ଏଲିନା । ଗତକାଲି (ନଭେମ୍ୱର 17)ରେ ସେ ବିବାହ କରିଥିବା ବେଳେ ସୋସିଆଲ ମିଡିଆରେ ବାହାଘରର ସୁନ୍ଦର ଫଟୋ ସେୟାର କରି ସମସ୍ତଙ୍କୁ ସରପ୍ରାଇଜ ଦେଇଛନ୍ତି । ଏହି ଫଟୋ ଏବେ ସୋସିଆଲ ମିଡିଆରେ ଖୁବ ଭାଇରାଲ ହେଉଥିବା ବେଳେ ଓଲିଉଡ ସେଲିବ୍ରିଟି ସମେତ ଫ୍ୟାନ୍ସ ଉଭୟଙ୍କୁ ବିବାହର ଶୁଭକାମନା ଜଣାଉଛନ୍ତି ।
ଡେଷ୍ଟିନେସନ ବିବାହ କଲେ ଏଲିନା
ଇଣ୍ଡୋନେସିଆର ବାଲିରେ ଅନୁରାଗଙ୍କ ସହ ସିକ୍ରେଟ ଭାବେ ଡେଷ୍ଟିନେସନ ବିବାହ କରିଛନ୍ତି ଏଲିନା । ପରିବାର ଏବଂ ସମ୍ପର୍କୀୟଙ୍କ ଉପସ୍ଥିତିରେ ଦମ୍ପତି ହିନ୍ଦୁ ରୀତିନୀତିରେ ବିବାହ କରିଛନ୍ତି । ବର୍ତ୍ତମାନ ଏହି ଦମ୍ପତିଙ୍କ ବିବାହ ଫଟୋ ସାମ୍ନାକୁ ଆସିଛି । ଏଲିନା ଏବଂ ଅନୁରାଗ ସୋସିଆଲ ମିଡିଆ ଇନଷ୍ଟାଗ୍ରାମରେ ବିବାହର ଫଟୋ ସେୟାର କରିଛନ୍ତି । ଏହି ଫଟୋ ସେୟାର କରି ସେ କ୍ୟାପସନରେ ଲେଖିଛନ୍ତି, ''ଅନୁରାଗ ଏବଂ ଏଲିନା 17.11.2024 ।'' ବିବାହରେ ଏଲିନା ସ୍କାଏ ବ୍ଲୁ ରଙ୍ଗର ଲେହେଙ୍ଗା ପିନ୍ଧିଥିବା ବେଳେ ଅନୁରାଗ କ୍ରିମ ରଙ୍ଗର ଶେରୱାନିରେ ନଜର ଆସିଛନ୍ତି । ଉଭୟ ଖୁବ ସୁନ୍ଦର ଦେଖାଯାଉଛନ୍ତି । ଏହି ଫଟୋ ସାମ୍ନାକୁ ଆସିବା ପରେ ଏବେ ଉଭୟଙ୍କୁ ଛୁଟୁଛି ଶୁଭେଚ୍ଛାର ସୁଅ ।
ଛୁଟୁଛି ଶୁଭେଚ୍ଛାର ସୁଅ
ଏଲିନା ଓ ଅନୁରାଗଙ୍କ ସହ ବିବାହ ଫଟୋ ସେୟାର କରି ସମସ୍ତଙ୍କୁ ସରପ୍ରାଇଜ ଦେଇଛନ୍ତି । ସେଲିବ୍ରିଟି ସମେତ ଫ୍ୟାନ୍ସ ଉଭୟଙ୍କୁ ଶୁଭକାମନା ଜଣାଉଛନ୍ତି । ଅଭିନେତ୍ରୀ ଲିପ୍ସା ମିଶ୍ରଙ୍କ ଠାରୁ ଆରମ୍ଭ କରି ଅର୍ଚ୍ଚିତା ସାହୁ, ପ୍ରକୃତି ମିଶ୍ର, ରିୟା ଦେ, ଏଲି ପାଢୀ, ବାବୁସାନ ମହାନ୍ତି ଯାଏଁ ତାରକା ଏହି ଦମ୍ପତିଙ୍କୁ ନୂଆ ଇନିଂସ ପାଇଁ ଶୁଭକାମନା ଜଣାଇଛନ୍ତି । ସେହିପରି ଅନେକ ଫ୍ୟାନ୍ସ ମଧ୍ୟ ଶୁଭେଚ୍ଛା ଜଣାଇଛନ୍ତି ।