ଚଣ୍ଡିଗଡ: ପଞ୍ଜାବର ପୂର୍ବତନ ଉପମୁଖ୍ୟମନ୍ତ୍ରୀ ତଥା ଶିରୋମଣି ଅକାଳି ଦଳର ମୁଖ୍ୟ ସୁଖବୀର ସିଂ ବାଦଲଙ୍କ ଉପରକୁ ଗୁଳିମାଡ । ପଞ୍ଜାବ ଅମୃତ ସହରର ସ୍ବର୍ଣ୍ଣମନ୍ଦିରରେ ସୁରକ୍ଷାକର୍ମୀ ଭାବେ କାମ କରୁଥିବା ବେଳେ ତାଙ୍କ ଉପରେ ଗୁଳିମାଡ ହୋଇଛି । ଏହି ମରଣାନ୍ତକ ଆକ୍ରମଣରୁ ଅଳ୍ପକେ ବର୍ତ୍ତି ଯାଇଛନ୍ତି ସୁଖବୀର । ସେପଟେ ଗୁଳି ଚଳାଇଥିବା ବ୍ୟକ୍ତି କାବୁ କରିନେଲେ ସେଠାରେ ଉପସ୍ଥିତ ଲୋକେ ।
ସ୍ବର୍ଣ୍ଣ ମନ୍ଦିରରେ ଫୁଟିଲା ଗୁଳି:
ଆଜି ସ୍ବର୍ଣ୍ଣ ମନ୍ଦିର ବାହାରେ ଫୁଟିଛି ଗୁଳି । ପଞ୍ଜାବର ପୂର୍ବତନ ଉପମୁଖ୍ୟମନ୍ତ୍ରୀ ସୁଖବୀର ସିଂଙ୍କ ଉପରକୁ ଗୁଳିମାଡ କରିଥିଲା ଦୁର୍ବୃତ୍ତ । ଏଥିରୁ ସେ ଅଳ୍ପକେ ବର୍ତ୍ତି ଯାଇଛନ୍ତି । ତେବେ ଗୁଳିମାଡ କରିଥିବା ବ୍ୟକ୍ତିର ପରିଚୟ ମିଳିଛି । ବ୍ୟକ୍ତି ଜଣକ ହେଲେ ନାରାୟଣ ସିଂ ଚଉରା । ଗୁଳିମାଡ ଦେଖିକି ତୁରନ୍ତ ସେଠାରେ ଉପସ୍ଥିତ ଲୋକେ ନାରାୟଣଙ୍କୁ କାବୁ କରିନେଇଥିଲେ । ତା ହାତରୁ ପିସ୍ତଲ ଛଡାଇ ନେଇଥିଲେ ।
ଗୁଳିମାଡରୁ ଅଳ୍ପକେ ବର୍ତ୍ତିଲେ ସୁଖବୀର:
ଏହି ଗୁଳିମାଡରୁ ଅଳ୍ପକେ ବର୍ତ୍ତି ଯାଇଛନ୍ତି ଶିରୋମଣି ଅକାଳି ଦଳର ସୁପ୍ରିମୋ ସୁଖବୀର । ଏହି ଗୁଳିମାଡରେ ତାଙ୍କର କିଛି କ୍ଷତି ହୋଇନଥିବା କହିଛନ୍ତି ଏଡିସିପି ହରପାଲ ସିଂହ । ସେ ଆହୁରି କହିଛନ୍ତି, ସୁରକ୍ଷାବ୍ୟବସ୍ଥା କଡାକଡି କରାଯାଇଛି । ସୁଟର ମନ୍ଦ ଉଦ୍ଦେଶ୍ୟ ରଖି ଗୁଳିଚାଳନା କରିଥିଲା ହେଲେ ସେ ତାହା ଯୋଜନାରେ ସଫଳ ହୋଇପାରିନାହିଁ ।