ଚଣ୍ଡିଗଡ:କଂଗ୍ରେସ ସହ ନୁହେଁ ଏକା ଲଢିବ ଆପ୍ । ହରିୟାଣା ବିଧାନସଭା ନିର୍ବାଚନରେ କଂଗ୍ରେସ-ଆମ ଆଦମି ପାର୍ଟି ଏକାଠି ଲଢିବା ଚର୍ଚ୍ଚାରେ ଆଜି ପୂର୍ଣ୍ଣଚ୍ଛେଦ ଟାଣିଛି ଆପ୍ । କଂଗ୍ରେସ ସହ ମେଣ୍ଟ ନୁହେଁ ବରଂ ଏକାକୀ ଲଢିବ ଦଳ । ଆଗକୁ ହରିୟାଣାରେ ବିଧାନସଭା ନିର୍ବାଚନ ଥିବାବେଳେ ଆଜି 20 ପ୍ରାର୍ଥୀଙ୍କ ତାଲିକା ଜାରି କରିଛି ଆମ ଆଦମି ପାର୍ଟି । ପୂର୍ବରୁ ଦଳ କଂଗ୍ରେସ ସହ ମେଣ୍ଟ କରି ରାଜନୀତି ମୈଦାନକୁ ଓହ୍ଲାଇବ ବୋଲି ଚର୍ଚ୍ଚା ହେଉଥିଲା । ହେଲେ ଦଳ ପ୍ରାର୍ଥୀ ତାଲିକା ଜାରି କରି ସବୁ ଚର୍ଚ୍ଚା ଉପରେ ବିରାମ ଲଗାଇଛି ।
20 ପ୍ରାର୍ଥୀ ତାଲିକା ଜାରି କଲା ଆପ୍:
ଆମ ଆଦମି ପାର୍ଟି ହରିୟାଣା ନିର୍ବାଚନ ପାଇଁ 20 ଯୋଦ୍ଧାଙ୍କୁ ମୈଦାନକୁ ଓହ୍ଲାଇଛି । ଅନୁରାଗ ଢାଙ୍ଗା କଲାୟତ ଆସନରୁ ଲଢିବାକୁ ଯାଉଥିବା ବେଳେ ଗୁରୁପାଲ ସିଂହ ନାରାୟଣଗଡରୁ ଲଢିବାକୁ ଯାଉଛନ୍ତି । ସେହିପରି ପୁଣ୍ଡରିରୁ ନରେନ୍ଦ୍ର ଶର୍ମାଙ୍କୁ ଟିକଟ ଦେଇଛି ଦଳ । ଘରୋଁଦାରୁ ଜୟପାଲ ଶର୍ମା, ଅସନ୍ଦରୁ ଅମନଦୀପ ଜୁଣ୍ଡଲା, ସମାଲଖାରୁ ବିଟ୍ଟୁ ପହଲବାନ, ଉଚାନକଲ୍ଲାରୁ ପବନ ଫୈଜି, ଡବବାଲିରୁ କୁଲଦୀପ ଗଦରାନା, ରାନିୟାରୁ ହାପି ରନିୟା, ଭିବାନିରୁ ଇନ୍ଦୁ ଶର୍ମା, ମହମରୁ ବିକାଶ ନେହେରା, ରୋହତକରୁ ବିଜେନ୍ଦ୍ର ହୁଡ୍ଡା, ବାହଦୁରଗଡରୁ କୁଳଦୀପ ଚିକାରା, ବାଦଲିରୁ ରଣବୀର ଗୁଲିୟା, ବେରି ସିଟରୁ ସୋନୁ ଅହଲାବତ ଶେରିୟା, ମହେନ୍ଦ୍ରଗଡରୁ ମନିଷ ଯାଦବ, ନାରନୋଲରୁ ରବିନ୍ଦ୍ର ମଟରୁ, ବାଦଶାହପୁରରୁ ବୀର ସିଂହ ସରପଞ୍ଚ, ସୋହନାରୁ ଧର୍ମେନ୍ଦ୍ର ଖଟାନା ଓ ବଲ୍ଲଭଗଡରୁ ରବିନ୍ଦ୍ର ଫୌଜିଦାରଙ୍କୁ ଟିକଟ ଦେଇଛି ଦଳ ।
ଏହା ମଧ୍ୟ ପଢନ୍ତୁ: କଂଗ୍ରେସରେ ଯୋଗଦେଲେ ରେସଲର ଭିନେଶ ଫୋଗାଟ ଓ ବଜରଙ୍ଗ ପୁନିଆ; ଲଢ଼ିବେ ହରିୟାଣା ବିଧାନସଭା ନିର୍ବାଚନ ! -