क्रूझर टायझरची विशेष आवृत्ती लाँच, क्रूझर टायझरमध्ये काय आहे खास?

Toyota नं आपली क्रॉसओवर SUV Toyota Taisor ची मर्यादित आवृत्ती लॉन्च केलीय. ही कार फक्त सणासुदीच्या मर्यादीत काळासाठी विकली जाईल.

हैदराबाद :Toyota Taisor ही मुळात मारुती Fronx ची रिबॅज केलेली आवृत्ती आहे. 2024 च्या सणाच्या हंगामासाठी या कारच्या मर्यादित आवृत्ती विकल्या जाणार आहेत. Toyota Taisor ची ही मर्यादित आवृत्ती 20 लाख 160 रुपयांपेक्षा जास्त किमतीच्या विशेष ॲक्सेसरीजसह ऑफर केली जात आहे. या ॲक्सेसरीज सबकॉम्पॅक्ट क्रॉसओवर एसयूव्हीची एकूण शैली वाढवण्याचं काम करतात. हे लक्षात घेण्यासारखे आहे की Toyota Taisor Limited Edition ऑक्टोबर 2024 अखेरपर्यंत उपलब्ध आहे आणि ती फक्त टर्बो-पेट्रोल व्हेरिएंटसह खरेदी केली जाऊ शकते.

Toyota Taisor Limited Edition : च्या बाह्य ॲक्सेसरीजमध्ये ग्रे आणि रेड कलरमध्ये फ्रंट आणि रियर स्किड प्लेट्स आणि ग्रिल आणि हेडलाइट्ससाठी क्रोम गार्निशचा समावेश आहे. यामध्ये डोअर व्हिझर, साइड बॉडी क्लेडिंग, डोअर सिल गार्ड आणि 3D मॅट्स आणि आतील दरवाजांवर वेलकम लाइट्स देखील मिळतात. या सर्व ॲक्सेसरीज डिलिव्हरीच्या वेळी डीलरशिपमध्ये बसवल्या जातील.

कोणती वैशिष्ट्ये उपलब्ध आहेत : टोयोटा टायझरमध्ये 9 इंच टचस्क्रीन इन्फोटेनमेंट सिस्टम, 6-स्पीकर साउंड सिस्टम, हेड्स अप डिस्प्ले, वायरलेस फोन चार्जर आणि ऑटोमॅटिक एसी यांसारखी वैशिष्ट्ये देण्यात आली आहेत. यात पॅडल शिफ्टर्स (केवळ AT मध्ये) आणि क्रूझ कंट्रोल देखील मिळतो. Taisor मध्ये 6 एअरबॅग्ज, इलेक्ट्रॉनिक स्टॅबिलिटी कंट्रोल (ESC), 360 डिग्री कॅमेरा आणि रियर पार्किंग सेन्सर सुरक्षा वैशिष्ट्ये आहेत.

Toyota Taisor ला पॉवरट्रेन पर्याय : कंपनीनं या कारसोबत दोन इंजिन पर्याय दिले आहेत. यात पहिलं 1.2-लिटर नैसर्गिकरित्या एस्पिरेटेड पेट्रोल इंजिन आहे, जे 88bhp पॉवर आणि 113 न्यूटन मीटरचा टॉर्क प्रदान करतं. यासोबत 5-स्पीड मॅन्युअल आणि ऑटोमॅटिक गिअरबॉक्सचा पर्याय उपलब्ध आहे. दुसरं इंजिन 1-लिटर टर्बो पेट्रोल इंजिन आहे, जे 98bhp पॉवर आणि 148 न्यूटन मीटरचा टॉर्क प्रदान करतं. या इंजिनसोबत 5-स्पीड मॅन्युअल आणि 6-स्पीड ऑटोमॅटिक गिअरबॉक्स जोडलेले आहेत. आम्ही तुम्हाला सांगतो की Toyota Taisor मध्ये 1.2-लीटर नैसर्गिकरित्या एस्पिरेटेड पेट्रोल इंजिनसह CNG व्हेरिएंटचा पर्याय देखील आहे. CNG वर, हे इंजिन 76bhp चा पॉवर आणि 98.5 न्यूटन मीटरचा टॉर्क प्रदान करते. हे फक्त 5-स्पीड मॅन्युअल ट्रान्समिशनसह येते.

Toyota Taisor ची किंमत : Toyota आपली Taisor 7.74 लाख ते Rs 13.04 लाख (एक्स-शोरूम) या किमतीत विकतेय. ही कार मार्केटमध्ये मारुती फ्रॉन्क्सला थेट स्पर्धा देतेय. यासोबतच ही कार Hyundai Exter आणि Tata Panch सारख्या मायक्रो SUV तसंच Tata Nexon, Maruti Brezza, Kia Sonet आणि Hyundai Venue सारख्या subcompact SUV सोबत देखील स्पर्धा करते.

'हे' वाचलंत का :