OnePlus 13, OnePlus 13R प्रतिक्षा संपली, 'या' तारखेला करणार धमाका

OnePlus 13, OnePlus 13R लवकरच भारतात लॉंच होणार आहे. या फोनची अपेक्षित किंमत, स्पेसिफिकेशन जाणून घेऊया...

हैदराबादOnePlus 13 Series India Launch :चिनी स्मार्टफोन ब्रँड OnePlus नं नवीनतम फ्लॅगशिप स्मार्टफोन सिरीज, OnePlus 13 ची अधिकृत लाँच तारीख जाहीर केली आहे. हा फोन 7 जानेवारी 2024 रोजी भारतासह जगभरात लॉंच होणार आहे. यात OnePlus Buds Pro 3 इयरबड्सची अपडेटेड आवृत्ती देखील असेल. OnePlus 13 सिरीजमध्ये OnePlus 13 आणि OnePlus 13R स्मार्टफोन्सचा समावेश असण्याची अपेक्षा आहे.

कंपनीच्या 11 व्या वर्धापन दिनानिमित्त, हा कार्यक्रम 7 जानेवारी 2025 रोजी रात्री 9:00 वाजता IST येथे होणार आहे. दोन्ही स्मार्टफोन Amazon आणि OnePlus India ई-स्टोअरद्वारे उपलब्ध असतील. कंपनीनं याबाबत 'X' वर पोस्ट केलीय. मात्र, त्यामध्ये लाँच कार्यक्रमाच्या स्थानाचे तपशील नमूद केलेले नाहीत. परंतु दरवर्षीप्रमाणे हा कार्यक्रम OnePlus च्या अधिकृत चॅनेलवर लाईव्ह-स्ट्रीम केला जाईल. उल्लेखनीय म्हणजे, OnePlus 13 स्मार्टफोन आधीच चीनमध्ये उपलब्ध आहे. 2024 मध्ये, कंपनीनं OnePlus 12, 12R आणि Buds 3 TWS इयरफोन लाँच केले होते.

OnePlus 13 ची किंमत (अपेक्षित) : OnePlus 13 ची किंमत सुमारे 65,000 रुपये असण्याची अपेक्षा आहे, जी iQOO 13 आणि Realme GT 7 Pro सारखीच आहे.

OnePlus 13 ग्लोबल व्हेरिएंट (अपेक्षित स्पेसिफिकेशन) : या स्मार्टफोनमध्ये 120Hz रिफ्रेश रेटसह 6.82-इंच क्वाड-एचडी+ LTPO AMOLED डिस्प्ले, 4,500 निट्सची पीक ब्राइटनेस आणि डॉल्बी व्हिजन सपोर्ट असण्याची अपेक्षा आहे. दोन्ही हँडसेट अँड्रॉइड 15 वर आधारित असू शकतात.

6,000 एमएएच बॅटरी (अपेक्षित ) : या फोनमध्ये 6,000 एमएएच बॅटरी असण्याची शक्यता आहे, जी 100 वॅट वायर्ड आणि 50 वॅट वायरलेस चार्जिंगला सपोर्ट करेल. फोनच्या हूडखाली, स्नॅपड्रॅगन 8 एलिट एसओसी, 24 जीबी पर्यंत एलपीडीडीआर 5एक्स रॅम आणि 1टीबी पर्यंत यूएफएस 4.0 स्टोरेज असण्याची शक्यता आहे.

कॅमेरा :या व्हेरिएंटमध्ये ट्रिपल कॅमेरा सेटअप असण्याची शक्यता आहे, ज्यामध्ये 50-मेगापिक्सेलचा मुख्य सेन्सर, 50 -मेगापिक्सेलचा अल्ट्रावाइड लेन्स आणि 3X ऑप्टिकल झूमसह 50 -मेगापिक्सेलचा पेरिस्कोप टेलिफोटो सेन्सरचा समावेश आहे. सेल्फी आणि व्हिडिओसाठी, यात 32-मेगापिक्सेलचा फ्रंट कॅमेरा असण्याची अपेक्षा आहे.

हे वाचलंत का :