हैदराबाद iQOO 13 launched in India : Vivo ची सब-ब्रँड कंपनी iQOO आपला फ्लॅगशिप फोन iQOO 13 भारतात 3 डिसेंबरला लॉंच करणार आहे. हा स्मार्टफोन ऑक्टोबरमध्येच चीनमध्ये लॉंच करण्यात आला होता. iQOO 13 क्वालकॉमची अत्याधुनिक स्नॅपड्रॅगन 8 एलिट चिप वापरणारा हा पहिला स्मार्टफोन आहे. iQOO 13 Android 15 वर चालतो. यात तुम्हाला 50-megapixel ट्रिपल रियर कॅमेरा सेटअप मिळणार आहे. जर तुम्हीही नवीन फोन घेण्याचा विचार करत असाल, तर iQOO 13 चे फीचर्स, स्पेसिफिकेशन्स आणि किंमत जाणून घ्या…
iQOO 13 तपशील आणि वैशिष्ट्ये :कंपनीनं QOO 13 च्या वैशिष्ट्यांबाबत अनेक टीजर जारी केले आहेत. हा फोन स्नॅपड्रॅगन 8 एलिट चिपसेटवर चालणारा पहिला कंपनीचा फोन असेल. हा स्मार्टफोन कंपनीच्या Q2 चिपद्वारे समर्थित आहे. हा स्मार्टफोन Q10 LTPO AMOLED डिस्प्लेसह येतो, ज्यामध्ये 2K रिझोल्यूशन आणि 144Hz रीफ्रेश दर आहे. फोनला धूळ आणि पाण्यापासून बचावासाठी IP68 आणि IP69 रेटिंग आहे.
50-मेगापिक्सलचा ट्रिपल रिअर कॅमेरा :iQOO 13 मध्ये 50-मेगापिक्सलचा ट्रिपल रिअर कॅमेरा सेटअप मिळेल. ज्यामध्ये सोनी IMX 921 सेन्सरसह 50-मेगापिक्सेलचा प्राथमिक कॅमेरा, 50-मेगापिक्सेलचा सोनी पोर्ट्रेट सेन्सर आणि 50-मेगापिक्सेलचा अल्ट्रा-वाइड कॅमेरा समाविष्ट आहे. यासोबतच यात 32-मेगापिक्सलचा सेल्फी सेन्सर देखील आहे. फोनच्या भारतीय व्हेरिएंटमध्ये 6,000mAh बॅटरी आहे, जी 120W फास्ट चार्जिंगला सपोर्ट करते.
iQOO 13 ची किंमत : अधिकृत लॉंचच्या काही दिवस आधी, एका टिपस्टरनं या फोनच्या किंमतीबद्दल माहिती दिली होती. सोशल मीडिया प्लॅटफॉर्म X (पूर्वीचं Twitter) वर टिपस्टर मुकुल शर्मा (@stufflistings) यांनी दावा केला आहे की iQOO 13 च्या बेस व्हेरिएंट (12GB RAM + 256GB स्टोरेज) ची किंमत भारतात 55 हजार रुपयांपेक्षा कमी असेल. हा स्मार्टफोन iQOO ई-स्टोअर आणि Amazon वर विक्रीसाठी उपलब्ध असेल. iQOO या आगामी फोनसाठी ऑफर देखील मिळू शकते.
हे वाचलंत का :
- Vivo S20 आणि Vivo S20 Pro शक्तिशाली फीचर्ससह लाँच
- स्टिकर तयार करणं झालं सोपं : तु्म्हाला व्हॉट्सॲपवप स्टिकर तयार करता येणार
- 1 जानेवारीपासून BMW मोटरसायकल महाग होणार, जाणून घ्या किती वाढणार किमत
