डिलिव्हरी अधिक जलद करण्यासाठी Amazon करतय स्मार्ट ग्लास विकसित

डिलिव्हरी अधिक जलद करण्यासाठी Amazon करतय स्मार्ट ग्लास विकसित करत आहे. यामुळं Amazon कंपनीला फायदा होण्याची शक्यता आहे.

हैदराबाद : डिलिव्हरी अधिक जलद करण्यासाठी ॲमेझॉन नवीन स्मार्ट ग्लास विकसित करत आहे. हे चष्मे त्यांच्या ड्रायव्हर्सना छोट्या स्क्रीनवर दिशानिर्देश देतील, ज्यामुळे त्यांना इमारती आणि आजूबाजूच्या परिसरात त्यांचे मार्ग शोधणे आणि डिलिव्हरी जलद करणं सोपं होईल, असं रॉर्टसच्या अहवालात म्हटलं आहे.

तंत्रज्ञानाचा वापर डिलिव्हरी ऑपरेशन्साठी : या स्मार्ट ग्लासच्या काचेला 'अमेलिया' असं कोड नाव देण्यात आलं असून हे चष्मे वितरकांना मार्गदर्शन करतील. हे चष्मे त्यांना अपार्टमेंट इमारतींच्या आत किंवा गेट्सच्या आसपास कुत्रे किंवा बंद फाटकांसारख्या अडथळ्यांबद्दल सवधान करु शकतात. Amazon या तंत्रज्ञानाचा वापर डिलिव्हरी ऑपरेशन्स ऑप्टिमाइझ करण्यासाठी आणि ग्राहकांना चांलगली सेवा देण्यासाठी करणार आहे.

स्मार्ट चष्मे कसं करणार काम :या चष्म्यांवर एक छोटा स्क्रीन असेल ज्यावर चालकांना मार्गाची माहिती मिळेल. हे चष्मे ड्रायव्हर्सना रिअल टाइममध्ये दिशानिर्देश देतील, त्यामुळं त्यांना त्यांचे फोन किंवा इतर उपकरणे पाहण्याची गरज भासणार नाही. यामुळं डिलिव्हरीचा वेळ कमी होईल. तसंच वाहनचालकांना स्थान शोधण्यासाठी जीपीएस वापरण्याची गरज राहणार नाहीय. त्यामुळं Amazon ला याचा मोठा फायदा होण्याची शक्यता आहे. हा प्रकल्प डिलिव्हरी खर्चात कपात करण्याचा प्रयत्न Amazon चा प्रयत्न अल्याचं बोललं जात आहे.

डिलिव्हरी व्हॅनमध्ये स्कॅनर वापरण्यास सुरुवात :ग्राहकांच्या दारात वस्तू पोहोचवणे हा प्रक्रियेचा सर्वात किचकट आणि खर्चिक भाग आहे. Amazon ची डिलिव्हरी किंमत गेल्या तिमाहीत $23.5 अब्ज झाली आहे, त्यामुळं ते अधिक कार्यक्षम होण्यासाठी नवं तंत्रज्ञान विकसित करत आहे. ड्रायव्हर्सना ग्राहकांचा पत्ता शोधण्यात मदत करण्यासाठी कंपनीनं डिलिव्हरी व्हॅनमध्ये स्कॅनर वापरण्यास सुरुवात केली आहे.

परंतु हे लक्षात घेण्यासारखं आहे की, हे स्मार्ट चष्मा अद्याप तयार नाहीत. चष्मा हलका आणि आरामदायी ठेवून दिवसभर टिकेल अशी बॅटरी तयार करण्यासारख्या समस्येवर Amazon ला काम करावं लागेल. कंपनीला अतिपरिचित क्षेत्र आणि वितरण स्थळांचे तपशीलवार नकाशे देखील गोळा करावे लागतील, ज्यासाठी काही वर्षे लागू शकतात. नवीन चष्मा Amazon च्या पूर्वीच्या Echo Frames वर आधारित आहे. हे स्मार्ट ग्लासेस ऑडिओ, अलेक्सा व्हॉइस कमांड सारख्या वैशिष्ट्यांसह येतात. अहवालात असंही समोर आले आहे की ॲमेझॉन 2026 पर्यंत समान स्क्रीनसह इको फ्रेम्सची नवीन आवृत्ती आणण्याची योजना आखत आहे. तथापि, हे चष्मे कधी लॉंच होतील याची शाश्वती नाही.

हे वाचलंत का :