अमरावतीGirl Kidnapping Case :अमरावती शहरातील फ्रेझरपुरा पोलीस ठाण्याच्या हद्दीत येणाऱ्या कलोती नगर परिसरात प्रणाली वैद्य यांचे सार्थक पाळणाघर आहे. 25 जानेवारीला नेहमीप्रमाणे तीन वर्षांच्या चिमुकलीला तिच्या आईनं सकाळी साडेनऊ वाजता पाळणाघरात सोडून ती कामानिमित्त बाहेर निघून गेली. दुपारी अडीच वाजताच्या सुमारास चिमुकलीचे वडील उज्वल रामलाल भालाधरे (35) हा मित्रासह पाळणाघरात एका मित्रासह आला. मला माझ्या मुलीला भेटायचे आहे असं त्याने पाळणा घराच्या संचालिका प्रणाली वैद्य यांना सांगितले. तुम्हाला मुलीला भेटता येणार नाही, असं प्रणाली वैद्य उज्वल भालाधरे यांना म्हणाल्या. मात्र उज्वल मलाधरे यांनी पाळणाघर संचालिकेला न जुमानता मुलीला खेचत पाळणाघराबाहेर आणले.
पोलीस ठाण्यात दिली तक्रार: उज्वल आणि त्याच्या मित्रानं तीन वर्षांच्या चिमुकलीला कुटीवर बसवून पळ काढला होता. यावेळी पोलिसात तक्रार दिली तर तुम्हाला पाहून घेईल, अशी धमकीदेखील त्यानं पाळणाघराच्या संचालिकेला दिली. या प्रकाराची माहिती पाळणाघराच्या संचालिका प्रणाली वैद्य यांनी चिमुकलीच्या आईला सांगितली. यानंतर थेट फ्रेझरपुरा पोलीस ठाणे गाठून झालेल्या प्रकाराची तक्रार दिली होती.