प्रयागराज : संगम शहर प्रयागराजमध्ये 'महाकुंभ 2025' ची सुरुवात व्हायला अवघे काही दिवस उरलेत. यंदा महाकुंभात संगम स्नानासोबतच कुंभ परिसरातील 12 ज्योतिर्लिंगांचंही दर्शन घेता येणार आहे. यासोबतच देशातील 5 प्रमुख तीर्थक्षेत्रांना भेट देण्याचा बहुमानही मिळेल.
144 वर्षांनंतर होत आहे महाकुंभ : वास्तविक 144 वर्षांनंतर होत असलेल्या महाकुंभाच्या अध्यात्मिकतेला आणि भव्यतेला नवी उंची देण्यासाठी प्रयागराजमध्ये महापालिकेनं भव्य उद्यान उभारले आहे. सुमारे 400 टन कचऱ्यापासून बनवलेल्या या अनोख्या पार्कमध्ये गंजलेले विजेचे खांब, ट्रक, कार, रिक्षा, पाइप, रेल्वे ट्रॅक यासारखी जुनी वाहनं वापरण्यात आली आहेत.
- 11 एकर जागेवर बांधले शिवालय पार्क : प्रयागराजच्या अरैलमधील हे अनोखे शिवालय पार्क महाकुंभनगरचे क्षेत्र असलेल्या 11 एकर जागेवर बांधण्यात आले आहे. 14 कोटी रुपये खर्चून बांधलेल्या या उद्यानाची रचना 22 कलाकार आणि 500 कामगारांनी केलीय. वेस्ट एंड वंडर थीमवर बांधलेलं हे उद्यान कला आणि स्वच्छतेचं प्रतीक आहे.
शिवालय पार्कचे तिकीट दर किती? : शिवालय पार्कचे तिकीट दर 50 रुपये आहे. पण, वीकेंडला याच तिकीटाची किंमत 100 रुपये असते. 3 वर्षांपेक्षा कमी वयाच्या मुलांसाठी प्रवेश विनामूल्य आहे. तसंच इथं मुलांसाठी स्वतंत्र झोनही तयार करण्यात आलाय. यामध्ये तुळशी व्हॅन आणि संजीवनी व्हॅन, फूड कोर्ट, रेस्टॉरंटचा समावेश आहे. याशिवाय भारताच्या नकाशाच्या सीमेवर प्रतिकात्मक नदी रेखाटण्यात आलीय. या नदीत बोटिंगही करता येते. नौकाविहार करून तुम्ही संपूर्ण देश आणि 12 ज्योतिर्लिंगांची परिक्रमा अनुभवू शकता. ही 12 ज्योतिर्लिंगं भारताच्या नकाशावर ज्या ठिकाणी आहेत त्याच ठिकाणी बांधण्यात आली आहेत. हा जलाशय 600 मीटर लांब आहे.
12 ज्योतिर्लिंगांना घालता येणार प्रदक्षिणा :
- सोमनाथ मंदिर (गिर सोमनाथ, गुजरात)
- मल्लिकार्जुन स्वामी मंदिर (श्रीशैलम, आंध्र प्रदेश)
- महाकालेश्वर मंदिर (उज्जैन, मध्य प्रदेश)
- ओंकारेश्वर मंदिर (खंडवा, मध्य प्रदेश)
- बैद्यनाथ मंदिर (देवघर, झारखंड)
- भीमाशंकर मंदिर (भीमाशंकर, महाराष्ट्र)
- रामनाथस्वामी मंदिर (रामेश्वरम, तामिळनाडू)
- नागेश्वर मंदिर (द्वारका, गुजरात)
- काशी विश्वनाथ मंदिर (वाराणसी, उत्तर प्रदेश)
- त्र्यंबकेश्वर मंदिर (नाशिक, महाराष्ट्र)
- केदारनाथ मंदिर (रुद्रप्रयाग, उत्तराखंड)
- घृष्णेश्वर मंदिर (औरंगाबाद, महाराष्ट्र)
शिवालय उद्यानात 'या' देवस्थानांना घालू शकता प्रदक्षिणा
- बैजनाथ मंदिर (बैजनाथ, हिमाचल प्रदेश)
- पशुपतीनाथ मंदिर (काठमांडू, नेपाळ)
- लिंगराज मंदिर (भुवनेश्वर, ओडिशा)
- वीरभद्र मंदिर (लेपाक्षी, आंध्र प्रदेश)
- किनारा मंदिर (महाबलीपुरम, तामिळनाडू)
- प्रत्येक मंदिराच्या गेटवर त्याचं नाव आणि वर्णनही लिहिलंय : शिवालय पार्कची सर्व मंदिरं भंगार लोखंडापासून बांधलेली आहेत. मंदिराच्या प्रवेशद्वारावर त्यांच्या नावाचा फलकही लावण्यात आलाय. जेणेकरून पर्यटकांना मंदिर ओळखण्यात कोणतीही अडचण येऊ नये. शिवालय उद्यानात बांधलेल्या मंदिरांचं सौंदर्य आणि कलात्मकता हे भारतीय वास्तुकलेचा अप्रतिम नमुना आहे.
हेही वाचा -
