बेलफास्ट Sri Lanka Women vs Ireland Women : आयर्लंड महिला राष्ट्रीय क्रिकेट संघ विरुद्ध श्रीलंका महिला राष्ट्रीय क्रिकेट संघ यांच्यातील पहिला एकदिवसीय सामना बेलफास्ट येथील सिव्हिल सर्व्हिस क्रिकेट क्लब इथं सुरु आहे. चमारी अथापट्टूच्या नेतृत्वाखालील श्रीलंका संघ नक्कीच सर्वोत्तम क्रिकेट खेळत आहे. तर गॅबी लुईसच्या नेतृत्वाखाली आयरिश संघ एकदिवसीय मालिकेत आत्मविश्वासानं उतरेल अशी आशा असेल. हा सामना पाहण्यासाठी भारतात लाइव्ह टेलिकास्टचा पर्याय उपलब्ध नाही, (where to watch sri lanka women vs ireland women's national cricket team) मात्र फॅनकोडवर लाईव्ह स्ट्रीमिंग उपलब्ध आहे ही चाहत्यांसाठी आनंदाची बाब आहे. जिथे चाहत्यांना मॅच पास घेऊन लाईव्ह टेलिकास्टचा आनंद घेता येईल. या सामन्यात आयर्लंड महिला संघानं नाणेफेक जिंकत प्रथम गोलंदाजीचा निर्णय घेतलाय. (scotland women vs netherlands women)
श्रीलंकेनं केली प्रथम फलंदाजी : यानंतर प्रथम फलंदाजीचं आमंत्रण मिळाल्यानंतर श्रीलंकेच्या महिलांनी शानदार फलंदाजी करत 50 षटकांत 8 बाद 260 धावा केल्या. यात विश्मी गुणारत्नेनं शकत झळकावलं. तिनं अवघ्या 98 चेंडूत 9 चौकार आणि 3 षटकारांसह 101 धावा केल्या. तिच्याशिवाय हैसिनी परेरानंही 46 धावांचं योगदान दिलं. तर आर्यलॅंडकडून ओर्ला प्रेंनडर्गेस्टनं 3 विकेट घेतल्या. आता आयरिश महिलांचा हा सामना जिंकत तिन सामन्यांच्या मालिकेत आघाडी घेण्याचा प्रयत्न असेल. यापूर्वी झालेल्या दोन सामन्यांच्या टी 20 मालिकेत दोन्ही संघानं एक-एक सामना जिंकत मालिका बरोबरीत राखली होती.