Uddhav Thackeray : "...आणखी एक ठाकरे चोरण्याचा प्रयत्न"; मनसे-भाजपा युतीवरुन उद्धव ठाकरेंचा भाजपावर हल्लाबोल

Uddhav Thackeray On MNS BJP Alliance : मनसे अध्यक्ष राज ठाकरे (Raj Thackeray) हे 'एनडीए'मध्ये सहभागी होण्याच्या चर्चांनी जोर धरलाय. यावरुनच आता ठाकरे गटाचे अध्यक्ष उद्धव ठाकरे (Uddhav Thackeray) यांनी भाजपावर जोरदार टीका केलीय.

नांदेड Uddhav Thackeray On MNS BJP Alliance : महाराष्ट्र नवनिर्माण सेनेचे अध्यक्ष राज ठाकरे (Raj Thackeray) यांनी मंगळवारी (19 मार्च) दिल्लीत केंद्रीय गृहमंत्री अमित शाह (Amit Shah) यांची भेट घेतली. त्यामुळं लवकरच महाराष्ट्र नवनिर्माण सेना आणि भाजपा यांची युती होण्याची शक्यता वर्तवली जात आहे. या पार्श्वभूमीवर बोलताना ठाकरे गट प्रमुख उद्धव ठाकरे (Uddhav Thackeray) यांनी भाजपावर जोरदार टीका केलीय. तसंच भाजपा अजून एक ठाकरे चोरण्याचा प्रयत्न करतोय, असा घणाघातही त्यांनी केलाय.

नेमकं काय म्हणाले उद्धव ठाकरे? : मराठवाडा दौऱ्यावर असलेले राज्याचे माजी मुख्यमंत्री तथा शिवसेना ठाकरे गटाचे प्रमुख उद्धव ठाकरे यांनी नांदेडच्या सभेत बोलत असताना भाजपावर सडकून टीका केली. "भाजपाचं बियाणं बोगस आहे, म्हणून त्यांच्यावर बाहेरून माणसं घेण्याची वेळ आलीय. तसंच महाराष्ट्रात मोदींच्या नावानं नाही तर ठाकरे नावानं मतं मिळतात, हे त्यांना समजलंय. त्यामुळं ते आणखी एक ठाकरे चोरण्याचा प्रयत्न करताय", अशी जळजळीत टीका उद्धव ठाकरे यांनी केली.

बाळासाहेबांचा फोटो चोरला : पुढं ते म्हणाले की, "महाराष्ट्रात ठाकरे यांच्या नावानं मतं भेटत असल्यानं भाजपानं सुरुवातीला बाळासाहेबांचा फोटो चोरला. आज आणखी एक ठाकरे चोरण्याचा प्रयत्न करत आहेत. 2009 आणि 2014 मध्ये मोदींनी जाहीर केलेल्या जाहीरनाम्याची पडताळणी करा, योजनांचा किती जणांना लाभ मिळाला हे विचारा. प्रधानमंत्री आवास नाही आभास योजना आहे. पीक विमा योजनेत शेतकऱ्यांच्या उत्पन्नात दुपटीनं वाढ झाली का?", असा खोचक सवाल त्यांनी केला. तसंच भाजपाचं घर पेटवणारं हिंन्दुत्व आहे, तर आमचं हिंन्दुत्व घरातील चुल पेटवणारं असल्याचंही ठाकरे म्हणाले.

हेही वाचा -