मुंबई - Saif Ali Khan :हिंदी चित्रपटसृष्टीचा सुंदर अभिनेता सैफ अली खाननं अनेक दमदार चित्रपटांमध्ये काम केलं आहे. शर्मिला टागोर यांचा मुलगा असण्याबरोबर तो पतौडी घराण्याचा 10 वा नवाब आहे. अलीकडेच आपल्या वैयक्तिक आणि व्यावसायिक आयुष्यामुळे चर्चेत असलेल्या सैफ अली खानचा एक व्हिडिओ सोशल मीडियावर समोर आला आहे, ज्यामध्ये त्याचा रॉयल लूक दिसत आहे. याशिवाय सैफ करोडोच्या संपत्तीचा मालकही आहे. आता सैफचा व्हायरल होत असलेला व्हिडिओ हा अनेकांना आवडत आहे. या व्हिडिओमध्ये त्यानं क्रीम रंगाच्या शेरवानीसह पगडी घातलेली आहे. या लूकमध्ये तो खूप सुंदर दिसत आहे.
सैफ अली खानचा व्हिडिओ व्हायरल : या व्हिडिओमध्ये सैफ मलिकाया आझम म्हणत आहे. याशिवाय त्याला काही जण कुठे जात असल्याचं विचारत आहे. सैफच्या या व्हिडिओवर अनेकजण कमेंट्स करत आहेत. एका चाहत्यानं या व्हिडिओवर कमेंट करत म्हटलं, ''पतौडी घराण्याचा नवाब सुंदर दिसत आहे.'' दुसऱ्या एकानं लिहिलं,'' सैफ तुझे लूक खूप सुंदर दिसत आहे, कुठे जात आहे.'' आणखी एकानं लिहिलं '' सैफचा अंदाज खूप अनोखा आहे, सुंदर दिसत आहे.'' याशिवाय काहीजण या व्हिडिओवर हार्ट आणि फायर इमोजी पोस्ट करत आहेत. या व्हिडिओमध्ये सैफ रॉयल गाडीमध्ये बसलेला आहे. त्यामुळे त्याचा हा अंदाज पाहण्यासारखा आहे.