मुंबई:भारतीय क्रिकेटपटू हार्दिक पांड्यापासून घटस्फोट घेतल्यानंतर अभिनेत्री-मॉडेल नताशा स्टॅनकोविच पुन्हा एकदा चर्चेत आली आहे. नताशानं अलीकडील फोटो आणि व्हिडिओंद्वारे पुन्हा एकदा लोकांचं लक्ष वेधून घेतलं आहे. सोशल मीडियावर सोमवारी, 21 ऑक्टोबर रोजी व्हायरल झालेल्या व्हिडिओत नताशा मुंबईत तिचा मित्र अलेक्झांडर ॲलेक्सबरोबर लेट नाईट डिनरसाठी गेली होती. दोघेही जेवणानंतर रेस्टॉरंटमधून बाहेर पडताना स्पॉट झाले. याशिवाय नताशा तिची कार ड्रायव्ह करतानाचे फोटो देखील सोशल मीडियावर समोर आले आहेत .
नताशा स्टॅनकोविच आणि तिचा मित्र अलेक्झांडर ॲलेक्स झाले एकत्र स्पॉट :एका व्हायरल झालेल्याव्हिडिओत नताशा पापाराझींकडे पाहूण सुंदर अशी स्माईल देत आहे. आता तिचे सोशल मीडियावर व्हिडिओ यूजर्सनं पाहिल्यानंतर अनेकजण तिला ट्रोल करत आहेत. काही यूजर्स हार्दिकमुळे नताशाला फेम मिळाल्याचं म्हणताना दिसत आहेत. दरम्यान नताशाच्या लूकबद्दल बोलायचं झालं तर यावेळी तिनं पांढरी टी-शर्टसह काळ्या रंगाचा कोट आणि पँट परिधान केला होता. लूकला आणखी सुंदर बनविण्यासाठी तिनं चश्मा घातला होता. याशिवाय तिनं आपले केस मोकळे सोडले होते. दुसरीकडे नताशाचा मित्र अलेक्झांडरनं पांढरी टी-शर्ट आणि निळी पॅंट घातली होती.