Chhota Bheem Teaser: 'छोटा भीम एंड द कर्स ऑफ दमयान'चा टीझर प्रदर्शित ; पाहा व्हिडिओ

Chhota Bheem Teaser: 'छोटा भीम एंड द कर्स ऑफ दमयान'चा टीझर हा रिलीज करण्यात आला आहे. हा चित्रपट 24 मे 2024 रोजी थिएटरमध्ये प्रदर्शित होणार आहे.

मुंबई - Chhota Bheem Teaser: मुलांच्या आवडत्या कार्टून शो 'छोटा भीम'चा पहिला ॲक्शन चित्रपट रुपेरी पडद्यावर काही दिवसात पाहायला मिळणार आहे. या चित्रपटाच्या निर्मात्यानं आज, 14 मार्च रोजी ' 'छोटा भीम एंड द कर्स ऑफ दमयान'चा टीझर लॉन्च केला आहे. या टीझरनं चाहत्यांना प्रभावित केलं आहे. 'छोटा भीम एंड द कर्स ऑफ दमयान'नं कार्टून शोमधील पात्र मोठ्या पडद्यावर आणले आहेत. अनुपम खेर यांनी गुरुवारी त्यांच्या अधिकृत इंस्टाग्राम अकाउंटवर 'छोटा भीम एंड द कर्स ऑफ दमयान' टीझर शेअर करत कॅप्शनमध्ये लिहिलं, 'छोटा भीम आता मोठ्या पडद्यावर येणार आहे. ढोलकपूरचे रक्षण करण्यासाठी भीम आणि त्याच्या बेधडक टोळीत सामील व्हा. 'छोटा भीम एंड द कर्स ऑफ दमयान' 24 मे 2024 रोजी थिएटरमध्ये प्रदर्शित होणार आहे.''

'छोटा भीम एंड द कर्स ऑफ दमयान'चा टीझर रिलीज :'छोटा भीम एंड द कर्स ऑफ दमयान' टीझरबद्दल बोलायचं झालं तर या चित्रपटाचा टीझर हा 1.09 मिनिटांचा आहे. या चित्रपटामध्ये जबरदस्त व्हिएफएक्स हेवी शॉट्स आहेत, जे आकर्षक दिसत आहेत. 'छोटा भीम एंड द कर्स ऑफ दमयान' चित्रपटाच्या टीझरमध्ये अनुपम खेर यांची झलकही पाहायला मिळाली आहे. टीझरमध्ये आता भीमचे मित्र ढोलकपूर शहर वाचवताना दिसत आहे. 'छोटा भीम' लोकप्रिय कार्टून शो मोठ्या पडद्यावर आणल्याबद्दल लोकांनी निर्मात्यांचे कौतुक केलं आहे. राजीव चिल्का यांनी या चित्रपटाचे दिग्दर्शन आणि निर्मिती केली आहे. राजीव यांनी कृष्णा कार्टून आणि छोटा भीमसह अनेक व्यंगचित्रांचे निर्माते आहेत.

अनुपम खेर शेअर केला व्हिडिओ :'छोटा भीम एंड द कर्स ऑफ दमयान' हा चित्रपट रुपेरी पडद्यावर ' 24 मे रोजी प्रदर्शित होणार आहे. अनुपम खेर या चित्रपटामध्ये एका वेगळ्या अंदाजात दिसणार आहे. खेर यांनी शेअर केलेल्या पोस्टवर आता अनेकजण प्रतिक्रिया देत आहेत. एका चाहत्यानं या पोस्टवर लिहिलं, ''छोटा भीम एंड द कर्स ऑफ दमयान' हा चित्रपट मी माझ्या मुलाबरोबर नक्की पाहणार आहे.'' दुसऱ्या एकानं लिहिलं, ''मला या चित्रपटामधील छोटा भीम हा सुंदर वाटला आहे, मी हा चित्रपट पाहिल.''आणखी एकानं लिहिलं, ''छोटा भीम आता चित्रपटगृहामध्ये पाहिला मिळणार.'' अशा अनेक कमेंट्स या पोस्टवर येत आहेत. याशिवाय काहीजण या पोस्टवर हार्ट आणि फायर इमोजी पोस्ट करताना दिसत आहेत.

हेही वाचा :