नवी दिल्ली - 24 वा भारत रंग महोत्सव देशाची राजधानी दिल्लीमध्ये २८ जानेवारी ते १६ फेब्रुवारी २०२५ या कालावधीत पार पडणार आहे. सांस्कृतिक मंत्रालयाच्या अंतर्गत येणाऱ्या नॅशनल स्कूल ऑफ ड्रामा (एनएसडी) च्या माध्यमातून आयोजित हा कार्यक्रम भारत आणि परदेशातील नाट्यप्रेमींसाठी एक मैलाचा दगड ठरणार आहे. विविध प्रकारच्या सादरीकरणांसाठी ओळखला जाणारा हा महोत्सव कथाकथन आणि नाट्य अभिव्यक्तीच्या अनेक परंपरांचं एक प्रदर्शन आहे.
दिल्लीमध्ये होणाऱ्या या वर्षीच्या भारत रंग महोत्सवात ६५ भारतीय निर्मिती असलेली आणि १० आंतरराष्ट्रीय नाटकं सादर होणार आहेत. या महोत्सवात कालातीत क्लासिक्सपासून ते थेट समकालीन शैलीची नाटकांची परंपरा सादर होईल. हा महोत्सव म्हणजे भारत आणि जगभरातील उत्कृष्ट प्रतिभेला एकत्र आणणारा परंपरा आणि नाविन्यपूर्णतेचा संगम आहे.
युनायटेड किंग्डम, जपान, जर्मनी आणि श्रीलंका सारख्या देशांतील प्रसिद्ध नाट्य कलाकार आणि दिग्दर्शक या जागतिक व्यासपीठावरुन भारतातील सर्वात प्रसिद्ध नाट्यकर्मींशी यानिमित्तानं कलेची देवाण घेवाण करतील.
भारताचा आंतरराष्ट्रीय नाट्य महोत्सव २०२५ हा केवळ प्रदर्शनाहून अधिक आहे. हे एक संस्कृती आणि कल्पनांचं मिश्रण आहे. यानिमित्तानं भारतीय आणि आंतरराष्ट्रीय कलाकारांमध्ये संवाद आणि सहकार्य वाढवून, हा कार्यक्रम नाट्य कलेवरील नवीन दृष्टिकोन देण्याची एक संधी आहे. नवोदित नाट्यकर्मी आणि नाट्यप्रेमींसाठी, हा महोत्सव प्रेरणा आणि शिकण्यासाठीचा एक महत्त्वाचा स्रोत आहे.
या वर्षीच्या महोत्सवात कार्यशाळा, पॅनेल चर्चा आणि प्रशंसित नाट्यप्रेक्षकांच्या नेतृत्वाखालील संवादात्मक सत्रं देखील आयोजित केली जाणार आहेत. सहभागी नाट्य संस्था आणि सांस्कृतिक संघटनांद्वारे आयोजित केलेले हे कार्यक्रम अभिनय, दिग्दर्शन आणि कथाकथनाच्या गुंतागुंतींचा अभ्यास करतील, ज्यामुळे सहभागी प्रतिभावंत आणि प्रेक्षकांचा अनुभव समृद्ध होईल.
भारत रंग महोत्सवामागील प्रेरक शक्ती म्हणून, नॅशनल स्कूल ऑफ ड्रामा ही संस्था भारतातील नाट्यसृष्टीला एक महत्त्वाची सांस्कृतिक अभिव्यक्ती म्हणून प्रोत्साहन देण्यात महत्त्वाची भूमिका बजावत आहे. प्रतिभेला प्रोत्साहन देणं आणि नाट्य परंपरा जपणं या ध्येयासह, एनएसडीनं नाट्यसृष्टीला जनतेच्या जवळ आणण्यात महत्त्वाची भूमिका बजावली आहे. भारत रंग महोत्सवाच्या माध्यमातून एनएसडीनं नाट्यसृष्टीचा विस्तार केला आहे, त्याला विविध प्रेक्षकांशी जोडलं आहे आणि परफॉर्मिंग आर्ट्सबद्दल चा गौरव वाढवला आहे.
तुम्ही अनुभवी नाट्यप्रेमी असाल किंवा नाट्यविश्वात नवीन असाल, तर तुमच्यासाठी एनएसडी नाट्य महोत्सव नाट्यसृष्टीच्या जादूमध्ये एक अविस्मरणीय अनुभव देणारा ठरु शकतो. त्यामुळे यासाठी तुम्ही तुमचं नियोजन करु शकता. एका असाधारण सांस्कृतिक भव्यतेत स्वतःला सामील करण्यासाठी या महोत्सवाचं सक्षीदार बनू शकता.
