मुंबई- Pushpa 2 The Rule Teaser :अभिनेता अल्लू अर्जुनच्या आगामी 'पुष्पा: द रुल' या चित्रपटाचा टीझर त्याच्या वाढदिवसानिमित्त प्रदर्शित करण्यात आला होता. हा टीझर प्रेक्षकांना खूप आवडला आहे. या टीझरमधील अल्लू अर्जुनची शैली ही खूपच हटके आहे. आता सोशल मीडियावर 'पुष्पा: द रुल'चा टीझर ट्रेंड करत आहे. 'पुष्पा: द रुल'च्या टीझरला यूट्यूबवर अनेकजण पाहात आहेत. दरम्यान आज 9 एप्रिल रोजी माइथ्री मूवी मेकर्सनं आपल्या ऑफिशियल इंस्टाग्रामवर 'पुष्पा: द रुल'चं नवीन पोस्टर जारी करून एक अपडेट शेअर केली आहे. या पोस्टच्या कॅप्शनमध्ये त्यांनी लिहिलं, ''हे पुष्पराजचे जग आणि रहस्य आहे, आम्ही फक्त त्यात जगत आहोत.''
'पुष्पा 2 द रुल' चित्रपटाचा टीझर हिट :'पुष्पा 2 द रुल' टीझर 85 दशलक्ष रिअल टाइम व्ह्यू आणि 1.2 दशलक्ष लाईक्ससह यूट्यूबवर पहिल्या क्रमांकावर ट्रेंड करत असल्यामुळे अनेकजण खूश आहेत. अल्लूचे अनेक चाहते सोशल मीडियावर 'पुष्पा 2 द रुल' चित्रपटासंबंधित माहिती शेअर करताना सध्या दिसत आहेत. हा चित्रपट रुपेरी पडद्यावर 15 ऑगस्ट रोजी रिलीज होणार आहे. बॉक्स ऑफिसवर हा चित्रपट जबरदस्त कमाई करेल अशी अपेक्षा आता अनेकजण करत आहे. याशिवाय अल्लू अर्जुनला या चित्रपटाकडून खूप अपेक्षा आहेत. या चित्रपटाचं दिग्दर्शन सुकुमार यांनी केलंय.