कार्तिक आर्यन स्टारर 'भूल भुलैया 3'चा टीझर आणि ट्रेलर लवकरच होईल रिलीज - Bhool Bhulaiyaa 3

Bhool Bhulaiyaa 3 : कार्तिक आर्यन अभिनीत 'भूल भुलैया 3'चा टीझर आणि ट्रेलर हा अनेकांना पाहायचा आहे. आता याबद्दल कार्तिकनं एका कार्यक्रमात अपडेट दिली आहे. वाचा कार्तिकनं काय माहिती दिली.

मुंबई Bhool Bhulaiyaa 3 :अनीस बज्मी दिग्दर्शित 'भूल भुलैया 3' हा चित्रपट सध्या खूप चर्चेत आहे. या चित्रपटाची घोषणा झाल्यापासून कार्तिक आर्यनचे चाहते 'भूल भुलैया 3'च्या प्रत्येक अपडेटबद्दल उत्सुक आहेत. या चित्रपटाद्वारे कार्तिक पुन्हा एकदा 'रुह बाबा'च्या भूमिकेत धमाका करण्यासाठी सज्ज झाला आहे. या चित्रपटाची शूटिंग खूप दिवसांपासून सुरू आहे. अनेकदा कार्तिक चित्रपटाच्या सेटवरील फोटो आणि व्हिडिओ चाहत्यांबरोबर शेअर करत असतो. दरम्यान या चित्रपटाच्या टीझर आणि ट्रेलरबद्दल एक अपडेट समोर आली आहे. या चित्रपटाची शूटिंग कोलकाता, मध्य प्रदेश आणि मुंबईत झाली आहे.

'भूल भुलैया 3'च्या टीझर आणि ट्रेलरबद्दल अपडेट : अलीकडे एका कार्यक्रमात कार्तिकनं आगामी चित्रपट 'भूल भुलैया 3'बद्दल चर्चा केली. यामध्ये त्यानं सांगितलं की, या चित्रपटाच्या पोस्ट प्रॉडक्शनचं काम पूर्ण झालय. काही दिवसांनी टीझर रिलीज होत असल्यानं चाहत्यांना फारशी वाट पाहावी लागणार नसल्याचं त्यानं म्हटलं. 'भूल भुलैया 3'चा टीझर खूप छान असल्याचं देखील त्यानं यावेळी सांगितलं. 'भूल भुलैया 3'ला अंतिम टच देण्याचं काम सुरू आहे आणि काही गाणी देखील प्रेक्षकांच्या भेटीस येणार असल्याची त्यानं माहिती दिली. 'भूल भुलैया 3' हा चित्रपट या दिवाळीत चित्रपटगृहांमध्ये प्रदर्शित होणार आहे.

'भूल भुलैया 3' चित्रपटाबद्दल : या चित्रपटात विद्या बालन मंजुलिकाच्या भूमिकेत पुनरागमन करत आहे. 'भूल भुलैया 3'मध्ये माधुरी दीक्षित देखील असणार आहे. या चित्रपटामध्ये विजय राज, राजपाल यादव, संजय मिश्रा, राजेश शर्मा, अश्विनी काळसेकर, तृप्ती डिमरी आणि मनीष वाधवा यांच्या देखील विशेष भूमिका असणार आहेत. 'भूल भुलैया 3' चित्रपटाची निर्मिती टी-सीरीज फिल्म्स आणि सिने वन स्टुडिओ करत आहे. या चित्रपटाला प्रीतम चक्रवर्ती यांनी संगीत दिलं आहे. 'भूल भुलैया 3' चित्रपटाची कहाणी आकाश कौशिक आणि अनीस बज्मी यांनी लिहिली आहे. उल्लेखनिय बाब म्हणजे 'भूल भुलैया ' हा चित्रपट 2007मध्ये रिलीज झाला होता, यामध्ये अक्षय कुमार आणि विद्या बालन मुख्य भूमिकेत होते. यानंतर 'भूल भुलैया 2' हा चित्रपट 2022मध्ये प्रदर्शित झाला होता. यात कार्तिक आर्यन आणि कियारा अडवाणी प्रमुख भूमिकेत होते. हे दोन्ही चित्रपट बॉक्स ऑफिसवर हिट ठरले होते.

हेही वाचा :