जम्मू-काश्मीरमध्ये पुन्हा दहशतवादी हल्ला; उधमपूर येथील चकमकीत सीआरपीएफ अधिकाऱ्याला वीरमरण, तीन जवान जखमी - Udhampur Terror Attack

Udhampur Terror Attack : काश्मीरमधील उधमपूर जिल्ह्यात सीआरपीएफच्या पथकावर दहशतवाद्यांनी केलेल्या हल्ल्यात सीआरपीएफचा एक निरीक्षक अधिकारी हुतात्मा झाला आहे.

जम्मू-काश्मीर Udhampur Terror Attack : भारत आणि पाकिस्तानच्या सीमेवरील तणावाचं वातावरण अद्याप कायम आहे. गेल्या काही दिवसांपासून दहशतवाद्यांमध्ये आणि भारतीय जवानांमध्ये चकमक सुरू आहे. आज जम्मू-काश्मीरमधील उधमपूर येथे झालेल्या दहशतवादी हल्ल्यात केंद्रीय राखीव पोलीस दलाच्या (CRPF) एका निरीक्षक अधिकाऱ्याला वीरमरण आलंय. दुडू परिसरातील सीआरपीएफच्या ताफ्यावर दहशतवाद्यांकडून हा हल्ला करण्यात आला.

दहशतवाद्यांनी केलेल्या गोळीबारानंतर सुरक्षा दलातील जवानांनीही त्यांना चोख प्रत्युत्तर दिलं. यावेळी दहशतवादी आणि सुरक्षा दलांमध्ये गोळीबार झाला, अशी माहिती जम्मू-काश्मीर पोलिसांनी ट्विट करत दिलीय.