मेरी ख्रिसमस...राज्यासह देशभरात ख्रिसमसचा जल्लोष, चर्चमध्ये आकर्षक रोषणाई

भारतात गोवा, महाराष्ट्र, तामिळनाडूसह अनेक राज्यांमध्ये ख्रिसमस सेलिब्रेशनचा उत्साह पाहायला मिळत आहे. अनेक ठिकाणी ख्रिसमस ट्रीसह आकर्षक विद्युत रोषणाई देखील करण्यात आली आहे.

मुंबई :राज्यासह देशभरात 'ख्रिसमस' (Christmas 2024) मोठ्या उत्साहात साजरा केला जात आहे. ख्रिश्चन बांधवांसाठी ख्रिसमस सण खूप खास आहे. ख्रिसमसच्या दिवशी मित्र-मंडळींना केक भरवून आनंद साजरा करतात. ख्रिसमसच्या निमित्तानं अनेक ठिकाणी ख्रिसमस ट्रीसह आकर्षक विद्युत रोषणाई देखील करण्यात आली आहे. भारतात गोवा, महाराष्ट्र, तामिळनाडूसह अनेक राज्यांमध्ये ख्रिसमस सेलिब्रेशनचा उत्साह पाहायला मिळत आहे.

मुंबईच्या माऊंट मेरी चर्चमध्ये ख्रिसमस सेलिब्रेशनचा उत्साह पाहायला मिळत आहे. माऊंट मेरी चर्च हे शहरातील सर्वात जुने चर्च आहे. ख्रिसमसच्या काळात येथे लोक मोठ्या संख्येनं प्रार्थना करण्यासाठी जमतात.

दिल्लीतील गोल दख्खाना येथे असलेल्या सेक्रेड हार्ट कॅथेड्रल चर्च रंगीबेरंगी दिव्यांनी सजवण्यात आलं आहे. चर्चसमोर विशाल ख्रिसमस ट्री लावण्यात आला आहे, जो दिल्लीतील जनतेचं लक्ष वेधून घेत आहे. ख्रिसमसच्या पूर्वसंध्येला मोठ्या संख्येनं लोक चर्चला भेट देत आहेत.

पुद्दुचेरीमध्ये ख्रिसमसच्या निमित्तानं सेक्रेड हार्ट बॅसिलिका चर्चमध्ये मध्यरात्री सामूहिक प्रार्थनेसाठी लोक जमले होते.

गोव्यातील पणजी येथील अवर लेडी ऑफ द इमॅक्युलेट कन्सेप्शन चर्चला आकर्षक विद्युत रोषणाई करून सजवण्यात आलं. गोव्यात ख्रिश्चन लोकांची संख्या मोठ्या प्रमाणात असल्यामुळं येथे ख्रिसमस सण धुमधडाक्यात साजरा केला जातो.

केरळच्या एर्नाकुलममध्ये सेंट फ्रान्सिस ऑफ असिसी रोमन कॅथोलिक मेट्रोपॉलिटन चर्चही ख्रिसमसच्या निमित्तानं सुंदरपणे सजवण्यात आलं आहे.

ओडिशामध्ये ख्रिसमसच्या निमित्तानं अवर लेडी ऑफ मोस्ट होली रोझरी चर्चमध्ये मध्यरात्रीच्या सामूहिक प्रार्थनेसाठी लोक जमले.

तामिळनाडूमध्ये ख्रिसमसच्या निमित्तानं अवर लेडी ऑफ मोस्ट होली रोझरी चर्चमध्ये मध्यरात्री सामूहिक प्रार्थनेसाठी लोक जमले. थुथुकुडी येथे थिरू इरुथया अंदावर चर्चच्या बाहेर मिरवणूक काढण्यात आली.

हेही वाचा