കോണ്‍ഗ്രസ് സമരം മുതലെടുപ്പ് മാത്രമെന്ന് എല്‍ഡിഎഫ് ഇടുക്കി ജില്ലാ കണ്‍വീനര്‍
ഇടുക്കി : കാഞ്ഞിരവേലിയില്‍ കാട്ടാന ആക്രമണത്തില്‍ വയോധിക കൊല്ലപ്പെട്ട സംഭവത്തില്‍ രാഷ്ട്രീയ വിവാദങ്ങൾ ശക്തമാവുമായാണ്. കഴിഞ്ഞ ദിവസം കോതമംഗലത്ത് കോണ്‍ഗ്രസ് നടത്തിയ സമരത്തെ തള്ളി ഇടതുമുന്നണിനേതൃത്വം രംഗത്തെത്തി. രാഷ്ട്രീയ മുതലെടുപ്പ് നടത്താനുള്ള നീചമായ പ്രവര്‍ത്തനമാണ് കോണ്‍ഗ്രസിന്‍റെതെന്ന് എല്‍.ഡി.എഫ് ഇടുക്കി ജില്ലാ കണ്‍വീനര്‍ കെ.കെ ശിവരാമന്‍ പറഞ്ഞു.
വന്യമൃഗശല്യം പരിഹരിക്കാന്‍ അടിയന്തര നടപടി സ്വീകരിക്കണമെന്നും ശിവരാമന്‍ ആവശ്യപ്പെട്ടു. ഡീന്‍ കുര്യാക്കോസ് എംപിയും മാത്യു കുഴല്‍നാടന്‍ എം.എല്‍.എയും ജനങ്ങളെ അപമാനിക്കുകയാണ് ചെയതതെന്നും അദ്ദേഹം കൂട്ടിച്ചേര്‍ത്തു (Wild Elephant attack Idukki ; LDF Idukki District Convenor About UDF).