തൃശൂർ : മലയാളികളുടെ മനസ് കവർന്ന നിരവധി ഹിറ്റ് ഗാനങ്ങളുടെ സൃഷ്‌ടാവായ മോഹൻ സിത്താര ബിജെപിയിൽ ചേർന്നു. തൃശൂർ സ്വദേശിയായ മോഹൻ സിത്താരയെ ജില്ലാ പ്രസിഡൻ്റ് അഡ്വ കെ.കെ അനീഷ്‌കുമാർ പാർട്ടി അംഗത്വം നൽകി സ്വീകരിച്ചു. അദ്ദേഹത്തിന് മെമ്പർഷിപ്പ് നൽകികൊണ്ട് ബിജെപി ജില്ലാതല മെംബർഷിപ്പ് ക്യാമ്പയിനും ഇന്ന് തുടക്കം കുറിച്ചു.
തൃശൂർ ജില്ലയിൽ 7 ലക്ഷം പേരെ മെമ്പർമാരാക്കാനാണ് ബിജെപി ലക്ഷ്യമിടുന്നത്. ബിജെപി മണ്ഡലം പ്രസിഡന്‍റെ രഘുനാഥ് സി മേനോൻ, സംസ്ഥാന കമ്മറ്റിയംഗം മുരളി കൊളങ്ങാട്ട്, മണ്ഡലം ജനറൽ സെക്രട്ടറി സുശാന്ത് അയിനിക്കുന്നത്ത് എന്നിവരും ചടങ്ങിൽ പങ്കെടുത്തു.