കണ്ണൂർ:കടന്നപ്പള്ളിയിലെ നാടക അവതരണം കഴിഞ്ഞ് രാത്രിയോടെയാണ് നാടക സംഘം കണ്ണൂരിൽ നിന്ന് മടങ്ങുന്നത്. ബത്തേരിയിലേക്കായിരുന്നു യാത്ര. കുത്തനെ ഉള്ള മലനിരകളും റോഡുകളും ഉള്ള പാത. വലിയ ബസുകൾക്ക് പോകാൻ സാധിക്കാത്ത ഇടുങ്ങിയ വഴിയാണ് മലയാംപടിയിലേത്. കുത്തനെയുള്ള ഇറക്കവും വളവുകളും ഉണ്ട്.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
ഗൂഗിൾ മാപ്പിന്‍റെ നിർദേശം അനുസരിച്ച് ഇടുങ്ങിയ വഴിയിലൂടെ യാത്ര ചെയ്‌തതാണ് അപകടകാരണമെന്ന് നാട്ടുകാര്‍ പറയുന്നു. മാപ്പിൽ കാണിച്ച എളുപ്പ വഴിയിലുടെയാണ് ബസ് കടന്നു പോയത്. മലയാംപടി എസ് വളവിലെത്തിയതും പെട്ടെന്ന് നിയന്ത്രണം വിട്ട ബസ് താഴ്‌ചയിലേക്ക് മറിഞ്ഞു.