അമിത വേഗതയിലെത്തിയ കാർ ബൈക്കിടിച്ച് തെറിപ്പിച്ചു; കാറില്‍ തോക്കും മദ്യക്കുപ്പികളും - Mukkam Road Accident

മുക്കം ബസ് സ്‌റ്റാൻഡിന് സമീപത്ത് കൂടെ പോവുകയായിരുന്ന ബൈക്കിൽ എതിര്‍ ദിശയിലെത്തിയ കാർ ഇടിക്കുകയായിരുന്നു.

കോഴിക്കോട്:അമിത വേഗതയിലെത്തിയ കാർ ബൈക്കിലിടിച്ച് അപകടം. ബൈക്ക് യാത്രക്കാരായ കാരശ്ശേരി കല്‍പൂര്‍ സ്വദേശി സല്‍മാനും ഭാര്യക്കും പരിക്കേറ്റു. പൊലീസ് നടത്തിയ പരിശോധനയില്‍ കാറില്‍ നിന്ന് തോക്കും മദ്യക്കുപ്പികളും കണ്ടെത്തി.

മുക്കം ബസ് സ്‌റ്റാൻഡിന് സമീപം ഇന്നലെ രാത്രി 9 മണിയോടെയാണ് അപകടമുണ്ടായത്. എതിര്‍ ദിശയിൽ നിന്നും അമിതവേഗത്തിൽ വന്ന കാർ ബൈക്കിൽ ഇടിക്കുകയായിരുന്നു. ഇടിയുടെ ആഘാതത്തിൽ ബൈക്ക് യാത്രികർ റോഡിലേക്ക് തെറിച്ചുവീണു.

ഇടിവി ഭാരത് കേരളം ഇനി വാട്‌സ്‌ആപ്പിലും

ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.

അപകടമുണ്ടാക്കിയ ശേഷം രക്ഷപ്പെടാന്‍ ശ്രമിച്ച കാര്‍ നാട്ടുകാര്‍ തടഞ്ഞുവെച്ച് മുക്കം പൊലീസില്‍ ഏല്‍പ്പിച്ചു. കാറിലുണ്ടായിരുന്നവര്‍ മദ്യപിച്ചിരുന്നതായാണ് നിഗമനം. പരിക്കേറ്റവരെ മുക്കത്തെ സ്വകാര്യ ആശുപത്രിയില്‍ പ്രവേശിപ്പിച്ചിട്ടുണ്ട്. അപകടത്തിന്‍റെ സിസിടിവി ദൃശ്യങ്ങള്‍ പുറത്തുവന്നു.