കോഴിക്കോട്:മധുരത്തിന്‍റെ നാടായ കോഴിക്കോടിന് അതിമധുരമേകാൻ ദീപാവലി സ്വീറ്റ്സ് റെഡി. വടക്കേ ഇന്ത്യയിൽ ദീപാവലി വർണാഭമാകുമ്പോൾ അതിന്‍റെ അലയൊലികൾ നമുക്ക് കോഴിക്കോടിന്‍റെ മണ്ണിലും കാണാം. പതിറ്റാണ്ടുകളായി കോഴിക്കോട് സ്വന്തം നാടാക്കിയ ഗുജറാത്തികളും രാജസ്ഥാനികളും ദീപാവലി ഇത്തവണയും കളറാക്കും. അതിന് മധുരം പകരുന്നത് മുന്നാ റാമിന്‍റെ ദുർഗ്ഗ സ്വീറ്റ്സും ബാലാജി സ്വീറ്റ്സുമാണ്.
പതിനെട്ട് വർഷമായി കോഴിക്കോടുള്ള മുന്നാഭായിയുടെ മധുരക്കലവറയിൽ 40തിലേറെ വ്യത്യസ്‌ത മധുര പലഹാരങ്ങളന്ന് തയ്യാറായിക്കൊണ്ടിരിക്കുന്നത്. ഓറഞ്ച്, സ്റ്റോബറി, പിസ്‌ത, മിൽക്ക് കേക്കുകൾ. വൈറ്റ്, ഓറഞ്ച്, ചോക്ലേറ്റ്, പിസ്‌ത- സ്റ്റോബറി ബർഫികൾ, വിവിധ തരം പേടകൾ, മിൽക്ക് ഐറ്റംസ്, ഗീ പാക്ക്, ലഡു... അങ്ങിനെ നീളുന്നു മധുരത്തിലെ വർണ്ണ കാഴ്‌ച. ഇതിനെല്ലാം മുകളിൽ സ്ഥാനം പിടിച്ച ഒരു ഐറ്റം കൂടിയുണ്ട്. അതാണ് ഡ്രൈഫ്രൂട്ട് ബർഫി. ബദാമും അത്തിപ്പഴവും അണ്ടിപ്പരിപ്പും പാലും എല്ലാം ചേർന്ന വ്യത്യസ്‌ത ഐറ്റം.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക