സംസ്ഥാന വ്യാപകമായി നാളെ എഐഎസ്എഫ് വിദ്യാഭ്യാസ ബന്ദ്

സംസ്ഥാനത്തെ കോളജുകളില്‍ മാത്രമാണ് വിദ്യാഭ്യാസ ബന്ദിന് ആഹ്വാനം ചെയ്‌തിരിക്കുന്നത്.

തിരുവനന്തപുരം: നാളെ (നവംബര്‍ 18) സംസ്ഥാന വ്യാപക ക്യാമ്പസ് വിദ്യാഭ്യാസ ബന്ദിന് ആഹ്വാനം ചെയ്‌ത് എഐഎസ്എഫ്. എഐഎസ്എഫിന്‍റെ പ്രതിഷേധ മാര്‍ച്ചില്‍ പൊലീസ് ജലപീരങ്കി പ്രയോഗിച്ചതില്‍ പ്രതിഷേധിച്ചാണ് ബന്ദ് പ്രഖ്യാപിച്ചത്. കേരള- കാലിക്കറ്റ് സർവകലാശാലകളുടെ നാലുവർഷ ബിരുദ കോഴ്‌സുകളിലേക്കുള്ള പരീക്ഷാഫീസ് വർധിപ്പിച്ച നടപടിക്കെതിരെ നടത്തിയ മാര്‍ച്ചിലാണ് സംഘര്‍ഷം ഉണ്ടായത്.

ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാം

പരീക്ഷാഫീസില്‍ കഴിഞ്ഞ വർഷത്തേക്കാൾ മൂന്നു ഇരട്ടിയോളം വർധനവാണ് ഉണ്ടായിരിക്കുന്നതെന്ന് എഐഎസ്എഫ് പറഞ്ഞു. വിദ്യാർഥികളെ വെല്ലുവിളിക്കുന്ന തരത്തിലാണ് ഈ ഫീസ് വർധനവ്. കേരള- കാലിക്കറ്റ് സർവകലാശാലയുടെ വിദ്യാർഥി വിരുദ്ധ നടപടി പ്രതിഷേധാർഹമാണെന്നും എഐഎസ്എഫ് ചൂണ്ടിക്കാട്ടി. വിദ്യാർഥികളുടെ അവകാശമാണ് വിദ്യാഭ്യാസം എന്ന് മനസിലാക്കി ഈ തീരുമാനം പുനപരിശോധിക്കണമെന്നും എഐഎസ്എഫ് സംസ്ഥാന എക്‌സിക്യൂട്ടീവ് പ്രസ്‌താവനയിലൂടെ ആവശ്യപ്പെട്ടു.