ചെന്നൈ:അൾട്ടിമേറ്റ് ടേബിൾ ടെന്നീസ് പരമ്പര ചെന്നൈയിലെ നെഹ്‌റു ഇൻഡോർ സ്റ്റേഡിയത്തിൽ പുരോഗമിക്കുന്നു. ഇന്നലെ ബെംഗളൂരു സ്‌മാഷേഴ്‌സും പുനേരി പൾട്ടനും കടുത്ത മത്സരം കാഴ്‌ചവച്ചു. മത്സരത്തില്‍ 10-5ന് ബെംഗളൂരു ടീം വിജയിച്ചു. ആദ്യ പുരുഷ സിംഗിൾസിൽ ബെംഗളൂരുവിന്‍റെ ജോൺ ചന്ദ്രയും പുനേരിയുടെ അങ്കുർ ഭട്ടാചാര്യയും ഏറ്റുമുട്ടി. 2-1ന് ജയിച്ച് അങ്കുർ പുനെരി ടീമിന്‍റെ പോയിന്‍റ് ഉയര്‍ത്തി.
എന്നാൽ പിന്നീടുള്ള മത്സരങ്ങളിൽ പൂനെയ്ക്ക് തിരിച്ചടി നേരിട്ടു. വനിതാ സിംഗിൾസിൽ മണിക പത്രയും ഹൈക്ക മുഖർജിയും ഏറ്റുമുട്ടി. ഇതിൽ ബെംഗളൂരു ടീം 2-1ന് ജയിച്ചു. പിന്നാലെ മിക്‌സഡ് ഡബിൾസ് വിഭാഗത്തിൽ ബെംഗളൂരുവിന്‍റെ റോബിൾസ്-മാണിക സഖ്യവും പൂനെയുടെ അനിർബൻ-ബജോർ സഖ്യത്തെ നേരിട്ടു. ഒടുവിൽ 2-1ന് റോബിൾസ്-മാനിക്ക ജയിച്ചു. പിന്നീട് പൂനെയ്ക്ക് തിരിച്ചുവരാനായില്ല. മികച്ച പ്രകടനത്തോടെ ബെംഗളൂരു ടീം പോയിന്‍റ് നിലയില്‍ മുന്നേറി. വനിതാ സിംഗിൾസ് മത്സരത്തിൽ ലില്ലി ഷാങ്ക് - യാഷിനി ശിവശങ്കർ ഏറ്റുമുട്ടി.