ഗ്രാൻഡ്സ്ലാം മത്സരനേട്ടത്തില്‍ റോജർ ഫെഡററുടെ റെക്കോർഡ് തകര്‍ത്ത് ദ്യോക്കോവിച്ച്

ദ്യോക്കോവിച്ചിന്‍റെ ഗ്രാൻഡ്സ്ലാമിലെ 430-ാം മത്സര വിജയമാണിത്.

അഡ്‌ലെയ്‌ഡ്: ഓപ്പൺ എറയിൽ ഏറ്റവുമധികം ഗ്രാൻഡ്സ്ലാം മത്സരങ്ങൾ നേടിയ താരമെന്ന റോജർ ഫെഡററുടെ എക്കാലത്തെയും റെക്കോർഡ് നൊവാക് ദ്യോക്കോവിച്ച് തകർത്തു. ഓസ്‌ട്രേലിയൻ ഓപ്പണിൽ നാല് സെറ്റുകൾക്ക് 21-കാരനായ ഗ്രാൻഡ് സ്ലാം അരങ്ങേറ്റക്കാരൻ പോർച്ചുഗലിന്‍റെ ജെയിം ഫാരിയയെ പരാജയപ്പെടുത്തിയാണ് ദ്യോക്കോവിച്ച് അവിശ്വസനീയമായ നാഴികക്കല്ല് നേടിയത്.

ETV Bharat Kerala WhatsApp ചാനലിൽ ചേരാൻ ഈ ലിങ്കിൽ ക്ലിക്ക് ചെയ്യുക.

ദ്യോക്കോവിച്ചിന്‍റെ ഗ്രാൻഡ്സ്ലാമിലെ 430-ാം വിജയമാണിത്. ഫെഡററുടെ 429 എന്ന നേട്ടമാണ് താരം മറികടന്നത്. ദ്യോക്കോവിച്ച് തന്‍റെ കരിയറിലെ 17-ാം തവണയും സീസണിലെ ആദ്യ മേജറിന്‍റെ മൂന്നാം റൗണ്ടിലെത്തി. ഈ വർഷത്തെ ഓസ്‌ട്രേലിയൻ ഓപ്പണിൽ തന്‍റെ 25-ാം ഗ്രാൻഡ്സ്ലാം കിരീടവും 100-ാം ടൂർ കിരീടവുമാണ് ലോക ഏഴാം നമ്പർ താരം പിന്തുടരുന്നത്.

430th Grand Slam match. 379th Grand Slam win. One @DjokerNole 🃏
#AO2025 pic.twitter.com/xVFJOfVUY2

— #AusOpen (@AustralianOpen) January 15, 2025

എക്കാലത്തെയും മറ്റൊരു റെക്കോർഡ് തകർക്കാൻ ഭാഗ്യമുണ്ടായതായി മത്സരശേഷം ദ്യോക്കോവിച്ച് പറഞ്ഞു. ഗ്രാൻഡ് സ്ലാം ടൂർണമെന്‍റുകളുടെ പ്രാധാന്യം വര്‍ധിച്ചു. ഓരോ തവണയും ഏറ്റവും മികച്ചത് നൽകാൻ ഞാൻ ശ്രമിക്കുന്നു. 20 വർഷത്തിലേറെയായി ഞാൻ ഗ്രാൻഡ് സ്ലാമുകളിൽ ഉയർന്ന തലത്തിൽ മത്സരിക്കുന്നു.

ഗ്രാൻഡ് സ്ലാമുകൾ അവ നമ്മുടെ കായികരംഗത്തിന്‍റെ നെടുംതൂണുകളാണ്. കായികരംഗത്തിന്‍റെ ചരിത്രത്തിന് അവയെല്ലാം അർത്ഥമാക്കുന്നു. ടെന്നീസിന്‍റെ ആദ്യ ചിത്രം ഞാൻ കണ്ടത് വിംബിൾഡൺ ഫൈനൽ ആയിരുന്നു. ഗ്രാൻഡ് സ്ലാമുകൾ കായികരംഗത്തെ ഏറ്റവും പ്രധാനപ്പെട്ട ടൂർണമെന്‍റാണെന്ന് താരം പറഞ്ഞു.

ഓപ്പണിംഗ് റൗണ്ടിൽ 19 കാരനായ നിഷേഷ് ബസവറെഡ്ഡിയെ മറികടന്ന് 21 കാരനായ ജെയിം ഫാരിയയാണ് ദ്യോക്കോവിച്ച് തോല്‍പ്പിച്ചത്. എതിരാളിയെ 6-1, 6-7 (4), 6-3, 6-2 എന്ന സ്കോറിനാണ് താരം തോൽപ്പിച്ചത്.ഇന്ത്യയുടെ സുമിത് നാഗലിനെ ആദ്യ റൗണ്ടിൽ പരാജയപ്പെടുത്തിയ 26-ാം സീഡ് ടോമാസ് മച്ചാക്കാണ് ദ്യോക്കോവിച്ചിന്‍റെ അടുത്ത എതിരാളി.