പാരിസ്:ഇന്ത്യൻ താരങ്ങള്‍ തമ്മിലേറ്റുമുട്ടിയ പാരിസ് ഒളിമ്പിക്‌സ് ബാഡ്‌മിന്‍റണിലെ പ്രീ ക്വാര്‍ട്ടര്‍ പോരില്‍ എച്ച് എസ് പ്രണോയി ക്കെതിരെ ലക്ഷ്യ സെന്നിന് അനായാസ ജയം. ലോക 13-ാം സീഡായ പ്രണോയിയെ നേരിട്ടുള്ള സെറ്റുകള്‍ക്കാണ് ലക്ഷ്യ കീഴ്‌പ്പെടുത്തിയത്. മത്സരത്തിന്‍റെ ഒരു ഘട്ടത്തില്‍ പോലും മലയാളി കൂടിയായ പ്രണോയിക്ക് ലക്ഷ്യ സെന്നിനെതിരെ വെല്ലുവിളി ഉയര്‍ത്താനായിരുന്നില്ല.
പാരിസിലെ ഇന്ത്യൻ പോരില്‍ പ്രണോയ് വീണു, ലക്ഷ്യ സെൻ ക്വാര്‍ട്ടറില്‍ - Lakshya Sen Beats HS Prannoy
Published : Aug 1, 2024, 8:02 PM IST
പാരിസ് ഒളിമ്പിക്‌സ് ബാഡ്‌മിന്‍റണിലെ പ്രീ ക്വാര്‍ട്ടറില്‍ ഏറ്റുമുട്ടി ഇന്ത്യന്‍ താരങ്ങള്‍. ലോക 13-ാം സീഡായ പ്രണോയിയെ തോല്‍പിച്ച് ലക്ഷ്യ സെന്‍ ജയം സ്വന്തമാക്കി.
ലക്ഷ്യ സെന്‍ (AP)
മത്സരത്തിന്‍റെ തുടക്കം മുതല്‍ ലക്ഷ്യ സെൻ ആയിരുന്നു ആധിപത്യം പുലര്‍ത്തിയത്. ആദ്യ സെറ്റിന്‍റെ അവസാനം തിരിച്ചടിക്കാനുള്ള ശ്രമം നടത്തിയെങ്കിലും പ്രണോയിക്ക് മുന്നേറാൻ സാധിച്ചിരുന്നില്ല. രണ്ടാം സെറ്റില്‍ പ്രണോയിയെ ചിത്രത്തില്‍ പോലും ഇല്ലാത്ത രീതിയിലാണ് ലക്ഷ്യ തകര്‍ത്തത്.സ്കോര്‍: 12-21, 06-21
Also Read:പാരിസ് ഒളിമ്പിക്‌സിലെ മെഡല്‍ നേട്ടം: മനു ഭാക്കര്‍ -സരബ്ജോത് സിങ് സഖ്യത്തെ അഭിനന്ദിച്ച് പ്രധാനമന്ത്രി