ഹൈദരാബാദ്:സിറിയ, ഇറാഖ്, യെമൻ എന്നിവിടങ്ങളിലെ ഇറാൻ പിന്തുണയുള്ള സായുധ ഗ്രൂപ്പുകൾക്ക് നേരെ ആക്രമണം ശക്തമാക്കിയിരിക്കുകയാണ് അമേരിക്കയും ബ്രിട്ടനും. അതേസമയം ഇസ്രായേൽ ഗാസയിൽ ഹമാസിനെതിരായ ആക്രമണവുമായി മുന്നോട്ട് പോകുന്നുണ്ട്. ഈ മേഖലയിൽ ഇപ്പോൾ എന്താണ് സംഭവിക്കുന്നതെന്നും എന്തുകൊണ്ടാണ് ആക്രമണമുണ്ടാവുന്നതെന്നും അറിയാം (The United States and Britain have struck Iran-backed armed groups in Syria).
അമേരിക്കയുടെ ആക്രമണം:സിറിയ-ജോർദാൻ അതിർത്തിയിലെ യുഎസ് താവളത്തിൽ മൂന്ന് അമേരിക്കൻ സൈനികരെ ഇറാന്‍ പിന്തുണയോടെ സായുധ ഗ്രൂപ്പുകള്‍ കൊലപ്പെടുത്തിയതിന് പ്രതികാരമായാണ് ഇറാഖിലെയും സിറിയയിലെയും ഇറാൻ പിന്തുണയുള്ള സായുധ ഗ്രൂപ്പുകളെ വെള്ളിയാഴ്‌ച യുഎസ് ആക്രമിച്ചിരുന്നത്. അതേസമയം, ഇറാനുമായുള്ള സംഘർഷം പ്രത്യക്ഷ യുദ്ധമാക്കി മാറ്റാന്‍ ൃആഗ്രഹിക്കുന്നില്ലെന്ന് വാഷിംഗ്‌ടൺ വ്യക്തമാക്കിയിട്ടുണ്ട്.
ഇന്നുവരെ സായുധ ഗ്രൂപ്പുകള്‍ തിരിച്ചടിച്ചിടിക്കാത്തത് യുഎസുമായി സമ്പൂർണ്ണ യുദ്ധം ഇറാന്‍ പിന്തുണയുള്ള ഗ്രൂപ്പുകളും ആഗ്രഹിക്കുന്നില്ലെന്നാണ് സൂചിപ്പിക്കുന്നത്. ഇസ്ലാമിക് സ്‌റ്റേറ്റിനെതിരെ പോരാടാൻ യുഎസ് സൈന്യം പ്രദേശത്ത് സാന്നിധ്യം നിലനിർത്തുന്നുണ്ട്.
തീവ്രവാദികൾ രാജ്യത്തിൻ്റെ വടക്കൻ ഭാഗങ്ങളിൽ ഭൂരിഭാഗവും കീഴടക്കുകയും മതന്യൂനപക്ഷമായ യസീദികൾക്കെതിരെ വംശഹത്യ നടത്തുകയും ചെയ്‌തതിന് ശേഷം 2014 ൽ അവർ ഇറാഖിലേക്ക് മടങ്ങിയിരുന്നു. ഐഎസിനുമേൽ സമ്മർദ്ദം ചെലുത്താൻ കുർദിഷ് നേതൃത്വത്തിലുള്ള പോരാളികളുമായി ചേർന്ന് പ്രവർത്തിക്കുകയും ദീർഘകാല പാശ്ചാത്യ സഖ്യകക്ഷിയായ ജോർദാനിലും യുഎസ് സേന സിറിയയിലും നിലവിലുണ്ട്.
ഒക്‌ടോബർ 7-ന് ഇസ്രയേലിനെതിരായ ഹമാസിൻ്റെ ആക്രമണത്തിനും ഗാസയിൽ യുദ്ധം തുടങ്ങിയതിനും ശേഷം ഇറാനെയും അതിൻ്റെ ഇടപാടുകാരെയും കൂടുതൽ രൂക്ഷമാക്കുന്നതിൽ നിന്ന് പിന്തിരിപ്പിക്കാൻ യുഎസ് ഈ മേഖലയിലേക്ക് കൂടുതൽ യുദ്ധക്കപ്പലുകൾ എത്തിച്ചിട്ടുണ്ട്.