തിരുവനന്തപുരം: കുവൈറ്റിലെ തൊഴിലാളി ക്യാമ്പിലുണ്ടായ തീപിടിത്തത്തിൽ 23 മലയാളികളുടെ മരണം സ്ഥിരീകരിച്ച് നോർക്ക. 46 ഇന്ത്യക്കാരെയാണ് ഇതുവരെ തിരിച്ചറിഞ്ഞത്. അപകടത്തില്‍പ്പെട്ട മൂന്ന് പേരെ കൂടി തിരിച്ചറിയാനുണ്ട്. ഇതിൽ രണ്ട് പേർ മലയാളികളാണെന്നാണ് സൂചന.
മരിച്ചവരുടെ മൃതദേഹം നാട്ടിലെത്തിക്കാനുള്ള ശ്രമങ്ങൾ തുടരുകയാണ്. ചാർട്ടേഡ് വിമാനങ്ങളിലാകും മൃതദേഹങ്ങൾ നാട്ടിലെത്തിക്കുക. ഏത് വിമാനത്താവളത്തിലേക്കാണ് മൃതദേഹം എത്തുകയെന്നത് തീരുമാനമായിട്ടില്ല. എന്നാല്‍ മൃതദേഹങ്ങളുമായുള്ള പ്രത്യേക വിമാനം കൊച്ചിയിലെത്തിയേക്കുമെന്നും സൂചനകളുണ്ട്.