പാരീസ്: ജൂലെെ 22 ലോകത്ത് ഏറ്റവും ചൂടേറിയ ദിവസമെന്ന് യൂറോപ്യൻ യൂണിയന് കാലാവസ്ഥ നിരീക്ഷകർ. കഴിഞ്ഞ ദിവസങ്ങളില് യൂറോപ്പ്, ഏഷ്യ, വടക്കേ അമേരിക്ക എന്നിവയുടെ വലിയ ഭാഗങ്ങളില് പൊള്ളുന്ന താപനിലയാണ് അനുഭവിച്ചത്.
യൂറോപ്യൻ യൂണിയന്റെ കോപ്പർനിക്കസ് ക്ലൈമറ്റ് ചെയ്ഞ്ച് സർവീസിൽ നിന്നുള്ള പ്രാഥമിക കണക്കുകൾ പ്രകാരം ആഗോളതലത്തിൽ വച്ച് ഏറ്റവും ചൂടേറിയ ദിവസമായി ജൂലൈ 22. തിങ്കളാഴ്ചത്തെ ആഗോള ശരാശരി ഉപരിതല വായുവിന്റെ താപനില 17.15 ഡിഗ്രി സെൽഷ്യസ് (62.9 ഡിഗ്രി ഫാരൻഹീറ്റ്) ആയിരുന്നു. ഇത് 1940 വരെയുള്ള റെക്കോർഡുകളിലെ ഏറ്റവും ചൂടേറിയ ദിവസമാണ്.