കാത്തിരിപ്പുകൾ അവസാനിക്കുന്നു; ഇന്ത്യൻ 2 ബിഗ് സ്‌ക്രീലേക്ക്, ഇനി 4 ദിവസം മാത്രം - INDIAN 2 RELEASE DATE

കമൽഹാസൻ നായകനാകുന്ന ഇന്ത്യൻ-2 ജൂലൈ 12-ന് റിലീസിനെത്തും. മൂന്ന് വ്യത്യസ്‌ത ഭാഷകളിലാണ് ചിത്രം ലോകമെമ്പാടും പ്രദർശനത്തിനെത്തുന്നത്.

ഉലകനായകൻ കമൽഹാസൻ നായകനാകുന്ന ഇന്ത്യൻ-2 നാല് ദിവസത്തിനുള്ളിൽ ബിഗ് സ്‌ക്രീനിൽ. ഏറെ പ്രതീക്ഷയോടെയാണ് ഇന്ത്യൻ 2-വിന് വേണ്ടി ആരാധകർ കാത്തിരിക്കുന്നത്. എസ് ഷങ്കർ രചനയും സംവിധാനവും നിർവഹിച്ച ഈ സിനിമാറ്റിക് മാസ്‌റ്റർപീസ്, ലോകമെമ്പാടുമുള്ള പ്രീ-റിലീസ് ഇവന്‍റുകളോടെ ജൂലൈ 12 ന് വെള്ളിത്തിരയിൽ എത്തും.

1996-ലെ തമിഴ് ബ്ലോക്ക്ബസ്റ്റർ 'ഇന്ത്യൻ' സിനിമയുടെ രണ്ടാം ഭാഗം ബിഗ് ബജറ്റിൽ താരനിപിഢമായാണ് ഇറങ്ങുന്നത്. സൂപ്പര്‍ ഹിറ്റായ വിക്രമിന് ശേഷം, കമൽ ഹാസന്‍റെ വരാനിരിക്കുന്ന ചിത്രത്തിന് വ്യവസായത്തിൽ വളരെയധികം പ്രാധാന്യമുണ്ട്. കമൽഹാസനെ കൂടാതെ എസ്‌ജെ സൂര്യ, കാജൽ അഗർവാൾ, പ്രിയാ ഭവാനി ശങ്കർ, രാകുൽ പ്രീത് സിംഗ്, സിദ്ധാർഥ് തുടങ്ങിയ വമ്പന്‍ താരനിരയാണ് ചിത്രത്തില്‍ അണിനിരക്കുന്നത്.

മൂന്ന് വ്യത്യസ്‌ത ഭാഷകളിൽ ഈ ചിത്രം ലോകമെമ്പാടും പ്രദർശനത്തിനെത്താൻ നാല് ദിവസങ്ങൾ മാത്രമേ ബാക്കിയുള്ളൂവെങ്കിലും, ഇതുവരെ ബുക്കിംഗ് ആരംഭിച്ചിട്ടില്ല. കൂടാതെ, തുടർച്ച മൂന്ന് മണിക്കൂർ റൺടൈം ലോക്ക് ചെയ്‌തിട്ടുണ്ട്. തമിഴിലും ഹിന്ദിയിലും തെലുങ്കിലും റിലീസ് ചെയ്യാൻ ഷെഡ്യൂൾ ചെയ്‌തിരിക്കുന്ന ഇന്ത്യൻ-2 ഷങ്കറും അനിരുദ്ധ് രവിചന്ദറും തമ്മിലുള്ള ആദ്യ സഹകരണത്തെയും അടയാളപ്പെടുത്തുന്നു.