മുംബൈ:നടി സോനാക്ഷി സിൻഹയും സഹീർ ഇഖ്ബാലും വിവാഹിതരായി. വിവാഹ ചിത്രങ്ങൾ താരം ഇൻസ്‌റ്റഗ്രാമിൽ പങ്കുവെച്ചു. 'ഞങ്ങൾ ഇപ്പോൾ ഭാര്യയും ഭർത്താവുമാണ്', കുടുംബാംഗങ്ങളുടെയും അടുത്ത സുഹൃത്തുക്കളുടെയും സാന്നിധ്യത്തിൽ നടന്ന വിവാഹ ചടങ്ങിന് ശേഷം സോനാക്ഷിയും സഹീറും പറഞ്ഞു.
ഏഴ് വർഷം മുമ്പ് (23.06.2017) ഇതേ ദിവസമാണ് ഇരുവരും പരസ്‌പരം കണ്ടെതെന്ന് ഇരുവരും വിവാഹ ചിത്രങ്ങൾക്ക് അടിക്കുറിപ്പ് നൽകി. 'ഞങ്ങളുടെ സ്നേഹത്തെ അതിന്‍റെ ശുദ്ധമായ രൂപത്തിൽ ഞങ്ങൾ കണ്ടു, അത് മുറുകെ പിടിക്കാൻ ശ്രമിച്ചു. ആ സ്നേഹം എല്ലാ വെല്ലുവിളികളിലും വിജയങ്ങളിലും ഒന്നിച്ചിരിക്കാൻ സഹായിച്ചെന്നും താരങ്ങൾ പറഞ്ഞു. ഒരു സംയുക്ത ഇൻസ്‌റ്റഗ്രാം പോസ്‌റ്റിലൂടെയാണ് നവദമ്പതികൾ തങ്ങളുടെ വിവാഹ വാർത്ത പങ്കുവെച്ചത്. ഇവിടെ സ്നേഹം, പ്രത്യാശ, എല്ലാം പരസ്‌പരം മനോഹരമാണ്, ഇപ്പോൾ മുതൽ എന്നേക്കും," എന്നും ഇരുവരും അടിക്കുറിപ്പായി നൽകി.