കൊച്ചി:നടിയും ബിഗ്ബോസ് താരവുമായ ധന്യമേരി വര്‍ഗീസിന്‍റെ സ്വത്തുക്കള്‍ കണ്ടുകെട്ടി. ഫ്ലാറ്റ് തട്ടിപ്പ് കേസിലാണ് നടിയുടെയും കുടുംബത്തിന്‍റെയും തിരുവനന്തപുരം പേരൂര്‍ക്കടയിലുള്ള 1.56 കോടി രൂപയുടെ 13 സ്ഥലങ്ങള്‍ ഇഡി കണ്ടുകെട്ടിയത്. ജോണിന്‍റെ പിതാവ് ജേക്കബ് സാംസണ്‍ ആന്‍ഡ് സണ്‍സിന്‍റെ ഉടമസ്ഥതയിലുള്ളവയാണ് കണ്ടുകെട്ടിയ ഭൂമി.
ഇതുമായി ബന്ധപ്പെട്ട കേസില്‍ 2016 ല്‍ ധന്യയും, ഭര്‍ത്താവും നടനുമായ ജോണും അറസ്‌റ്റിലായിരുന്നു. ഫ്ലാറ്റ് നിര്‍മിച്ചു നല്‍കാമെന്ന് പറഞ്ഞ് വിദേശ മലയാളികളുള്‍പ്പെടെ നിരവധി പേരില്‍ നിന്നും പണം വാങ്ങിയ ശേഷം കാലാവധി കഴിഞ്ഞിട്ടും ഫ്ലാറ്റ് നിര്‍മിച്ച് നല്‍കാത്തതാണ് കേസ്.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.