ജയറാമിന്‍റെ ചക്കി ഇനി നവനീതിന്‍റെ സഖി ; മാളവിക ജയറാം വിവാഹിതയായി - Malavika Jayaram marriage

ചടങ്ങ് നടന്നത് ഗുരുവായൂര്‍ ക്ഷേത്രത്തില്‍ വച്ച്. പാലക്കാട് സ്വദേശി നവനീത് ഗീരീഷാണ് മാളവികയുടെ വരന്‍

തൃശൂര്‍ :നടൻ ജയറാമിൻ്റെ മകൾ മാളവിക ജയറാം വിവാഹിതയായി. ഇന്ന് രാവിലെ ഗുരുവായൂർ ക്ഷേത്രത്തിൽ വച്ചായിരുന്നു വിവാഹം. യുകെയിൽ ചാർട്ടേഡ് അക്കൗണ്ടൻ്റായി ജോലി ചെയ്യുന്ന പാലക്കാട് സ്വദേശിയായ നവനീത് ഗിരീഷ് ആണ് വരൻ.

ഇരുവരുടെയും കുടുംബാംഗങ്ങളും നടൻ സുരേഷ് ഗോപിയും മാത്രമാണ് ചടങ്ങിൽ പങ്കെടുത്തത്. ഈ വര്‍ഷം ജനുവരിയില്‍ കുടകില്‍ വച്ച് മാളവികയുടെയും നവനീതിന്‍റെയും വിവാഹനിശ്ചയം നടന്നിരുന്നു. നെന്മാറ കീഴേപ്പാട്ട് കുടുംബാംഗമായ ഗിരീഷ് മേനോന്‍റെയും വത്സയുടെയും മകനാണ് നവനീത് ഗിരീഷ്.