ബഗുസാരായി :ബിഹാറിലെ ബഗുസാരായിയില്‍ പബ്‌ജി ഗെയിം കളിക്കുന്നതിനിടെ കൊലപാതകം. 14 വയസുകാരന്‍ 12കാരനെ വെടിവച്ച് കൊലപ്പെടുത്തി. ചേരിയബരിയാപൂര്‍ പൊലീസ് സ്റ്റേഷന്‍ പരിധിയില്‍ ബാസാഹിയിലെ ഔറയ്യ ഗ്രാമത്തില്‍ ഇന്ന് വൈകിട്ടായിരുന്നു സംഭവം.
ശ്രാവണ്‍ യാദവിന്‍റെ മകന്‍ അര്ജുന് കുമാര്‍ ആണ് കൊല്ലപ്പെട്ടത്. ഇതേഗ്രാമത്തിലെ രാജ്‌കുമാര്‍ യാദവ് എന്ന കുട്ടിയാണ് പിസ്റ്റള്‍ ഉപയോഗിച്ച് സുഹൃത്തിനെ കൊലപ്പെടുത്തിയത്. വൈകിട്ടോടെ രാജ്‌കുമാര്‍ അര്‍ജുനെ തന്‍റെ വീട്ടിലേക്ക് വിളിച്ചു വരുത്തിയിരുന്നു. ഇരുവരും പബ്‌ജി ഗെയിം കളിക്കുകയായിരുന്നു. ഇതിനിടെയാണ് തന്‍റെ കൈവശം സൂക്ഷിച്ചിരുന്ന പിസ്റ്റള്‍ ഉപയോഗിച്ച് രാജ്‌കുമാര്‍ അര്ജുന് നേരെ നിറയൊഴിച്ചത്.