പൊലീസ് യുവാവിനെ രക്ഷിക്കുന്നു (ETV Bharat)
ഹനമകൊണ്ട :തെലങ്കാനയിലെ ഹനമകൊണ്ടയിൽ വിചിത്രമായ സംഭവത്തിന് സാക്ഷ്യം വഹിച്ച് നാട്ടുകാരും പൊലീസും. ഹനുമകൊണ്ട ടൗണില്‍ രണ്ടാം ഡിവിഷനിലെ റെഡ്ഡിപുരം കോവേലകുണ്ടയിൽ തിങ്കളാഴ്‌ച രാവിലെ 7 മുതൽ ഉച്ചയ്ക്ക് 12 വരെ ഒരാൾ വെള്ളത്തില്‍ ഉറങ്ങിക്കിടന്നു. ഇത് മൃതദേഹമാണെന്ന് കരുതിയ നാട്ടുകാർ പൊലീസിനെ വിവരം അറിയിച്ചു.
സംഭവമറിഞ്ഞ് സ്ഥലത്തെത്തിയ പൊലീസ് നാട്ടുകാരുടെ സഹായത്തോടെ മൃതദേഹമാണെന്ന് കരുതിയ മനുഷ്യനെ കൈപിടിച്ച് പുറത്തെടുക്കുകയായിരുന്നു. വെള്ളത്തിൽ നിന്ന് ശരീരം വലിച്ചെടുക്കുന്നതിനിടയില്‍ അയാള്‍ പെട്ടെന്ന് ഉറക്കത്തിൽ നിന്ന് ഉണർന്നു. ഇതോടെ പൊലീസുകാരും നാട്ടുകാരും ഞെട്ടി.