ചാമരാജനഗര്‍ (കര്‍ണാടക) :ഭാര്യയുടെ ഇന്‍സ്റ്റഗ്രാം ആസക്തിയില്‍ മനംനൊന്ത് യുവാവ് ജീവനൊടുക്കി. കര്‍ണാകയയിലെ ചാമരാജനഗര്‍ ജില്ലയിലാണ് സംഭവം. പിജി പാല്യ സ്വദേശിയായ കുമാര്‍ (34) ആണ് ആത്മഹത്യ ചെയ്‌തത് (Karnataka man committed suicide on wife s Instagram reels addiction).
കുമാറിന്‍റെ ഭാര്യ ഇന്‍സ്റ്റഗ്രാം റീലുകള്‍ ചീത്രീകരിക്കുകയും അത് സോഷ്യല്‍ മീഡിയ വഴി പങ്കുവയ്‌ക്കുകയും ചെയ്യുന്നത് പതിവായിരുന്നു. ഇതേ ചൊല്ലി ദമ്പതിമാര്‍ തമ്മില്‍ പതിവായി വാക്കുതര്‍ക്കം ഉണ്ടായിരുന്നു. ഇന്‍സ്റ്റഗ്രാം റീലുകള്‍ക്ക് അടിമപ്പെട്ട ഭാര്യയെ കുമാര്‍ പലതവണ വിലക്കിയെങ്കിലും യുവതി വീണ്ടും റീലുകള്‍ ചിത്രീകരിക്കുകയും അവ പങ്കുവയ്‌ക്കുകയും ചെയ്യുന്നത് തുടര്‍ന്നു.