ಜನರ ಸುಕ್ಷತೆಗೆ ಕಾಳಜಿ, ಹೆಲ್ಮೆಟ್ ಉದ್ಯಮಕ್ಕೆ ಧುಮುಕುತ್ತಿರುವ ಬಾಲಿವುಡ್ ನಟ ಜಾನ್ ಅಬ್ರಹಾಂ! - John Plans to Helmet Brand

John Abraham Plans to Helmet Brand: ಬಾಲಿವುಡ್ ನಟ ಜಾನ್ ಅಬ್ರಹಾಂ ಹೊಸ ಹೆಲ್ಮೆಟ್ ಬ್ರಾಂಡ್ ಪ್ರಾರಂಭಿಸಲು ಯೋಜಿಸುತ್ತಿದ್ದಾರೆ. ಪಾಡ್‌ಕ್ಯಾಸ್ಟ್‌ನಲ್ಲಿ ಸಂಭಾಷಣೆ ಸಮಯದಲ್ಲಿ ನಟ ಈ ಮಾಹಿತಿಯನ್ನು ಬಹಿರಂಗಪಡಿಸಿದ್ದಾರೆ. ಹೆಲ್ಮೆಟ್ ತಯಾರಿಕೆ ಕುರಿತು ಮಾಹಿತಿ ಪಡೆಯಲು ಸ್ಪೇನ್ ಮತ್ತು ಇಟಲಿಯ ಹಲವು ಹೆಲ್ಮೆಟ್ ಕಂಪನಿಗಳಿಗೆ ಭೇಟಿ ನೀಡಿದ್ದೇನೆ ಎಂದಿದ್ದಾರೆ.

John Abraham Plans to Helmet Brand: ಬಾಲಿವುಡ್ ನಟ ಜಾನ್ ಅಬ್ರಹಾಂ ತಮ್ಮದೇ ಬ್ರಾಂಡ್‌ನ ಮೋಟಾರ್‌ಸೈಕಲ್ ಹೆಲ್ಮೆಟ್‌ಗಳನ್ನು ಬಿಡುಗಡೆ ಮಾಡಲು ಯೋಚಿಸುತ್ತಿದ್ದಾರೆ. ನಟ ಕಳೆದ ವಾರ ಡೀಪ್ ಡ್ರೈವ್ ಪಾಡ್‌ಕ್ಯಾಸ್ಟ್‌ನಲ್ಲಿ ಈ ಸುದ್ದಿಯನ್ನು ಬಹಿರಂಗಪಡಿಸಿದ್ದಾರೆ. ಈ ಪ್ರಾಡಕ್ಟ್​ ಮೂಲಕ ಸುರಕ್ಷತೆಗೆ ಆದ್ಯತೆ ನೀಡುವುದು ಅವರ ಅಂತಿಮ ಗುರಿಯಾಗಿದೆ ಎಂದು ಹೇಳಿದ್ದಾರೆ. "ನನ್ನ ಉದ್ದೇಶವು ತುಂಬಾ ಸರಳವಾಗಿದೆ. ನನ್ನ ಉದ್ದೇಶ ಸುರಕ್ಷತೆಯಾಗಿದೆ. ನಾನು ಉತ್ತಮವಾದ ಹೆಲ್ಮೆಟ್ ಖರೀದಿಸುವುದಕ್ಕಿಂತ ಸುರಕ್ಷಿತ ಹೆಲ್ಮೆಟ್ ಅನ್ನು ಪಡೆಯಲು ಸಾಧ್ಯವಿರುವ ಎಲ್ಲ ಪ್ರಮಾಣೀಕರಣ ನೀಡಲು ಯೋಚಿಸುತ್ತಿದ್ದೇನೆ‘‘ ಎಂದು ಮಾಹಿತಿ ನೀಡಿದರು.

• ಜಾನ್ ಅಬ್ರಹಾಂನ ಪ್ಲಾನ್​ ಏನು?

ಆಟೋಕಾರ್ ಇಂಡಿಯಾ ವರದಿಯ ಪ್ರಕಾರ, ಜಾನ್ ಅತ್ಯಾಸಕ್ತಿಯ ಮೋಟಾರ್ಸೈಕ್ಲಿಸ್ಟ್ ಮತ್ತು ಹೆಲ್ಮೆಟ್ ಅನ್ನು ತುಂಬಾ ಇಷ್ಟಪಡುತ್ತಾರೆ. ನನಗೆ ಹೆಲ್ಮೆಟ್ ಎಂದರೆ ತುಂಬಾ ಇಷ್ಟವಾಗಿದ್ದು, ಜನರು ಬಟ್ಟೆ ಕೊಳ್ಳುವ ರೀತಿಯಲ್ಲೇ ನಾನೂ ಹೆಲ್ಮೆಟ್ ಖರೀದಿಸುತ್ತೇನೆ ಎಂದರು. ಉತ್ಪಾದನಾ ಪ್ರಕ್ರಿಯೆಯನ್ನು ಚೆನ್ನಾಗಿ ಅರ್ಥಮಾಡಿಕೊಳ್ಳಲು ಸ್ಪೇನ್ ಮತ್ತು ಇಟಲಿಯ ಕೆಲವು ಉನ್ನತ ಮೋಟಾರ್‌ಸೈಕಲ್ ಹೆಲ್ಮೆಟ್ ಕಾರ್ಖಾನೆಗಳಿಗೆ ಭೇಟಿ ನೀಡಿದ್ದೇನೆ ಎಂದು ಜಾನ್​ ಹೇಳಿಕೊಂಡಿದ್ದಾರೆ.

ಹೆಲ್ಮೆಟ್ ಬಹು ಶೆಲ್ ಗಾತ್ರಗಳ ಬಳಕೆ ಒಳಗೊಂಡಂತೆ ಎಲ್ಲರಿಗೂ ಸೌಕರ್ಯಗಳಿಗೆ ಆದ್ಯತೆ ನೀಡುತ್ತದೆ ಎಂದು ಅವರು ಸಂಕ್ಷಿಪ್ತವಾಗಿ ಉಲ್ಲೇಖಿಸಿದ್ದಾರೆ. ಈ ವ್ಯವಹಾರಕ್ಕೆ ಬರಲು ಅವರ ಕಾರಣಗಳ ಬಗ್ಗೆ ಕೇಳಿದಾಗ, ನಟ ಇದನ್ನು ಮಾಡಲು ಬಯಸುತ್ತಾನೆ. ಏಕೆಂದರೆ ಇದು ತನ್ನ ವೃತ್ತಿ ಎಂದು ಭಾವಿಸುತ್ತಾನೆ ಎಂದರು. ವಿಶೇಷವಾಗಿ 2004 ರಲ್ಲಿ ಧೂಮ್ ಚಿತ್ರ ಬಿಡುಗಡೆಯಾದಾಗಿನಿಂದ ಜಾನ್ ಅವರ ಹೆಸರು ಯಾವಾಗಲೂ ಭಾರತದಲ್ಲಿ ಸೂಪರ್ ಬೈಕ್‌ಗಳೊಂದಿಗೆ ಸಂಬಂಧಿಸಿರುವುದು ಗಮನಾರ್ಹ.

ಜಾನ್​ ಹೊಸ ಯೋಚನೆಗೆ ಕಾರಣ ಇದು:ಭಾರತದ ಬೃಹತ್ ದ್ವಿಚಕ್ರ ವಾಹನ ಮಾರುಕಟ್ಟೆ ಮತ್ತು ನಮ್ಮ ಮೋಟಾರ್‌ಸೈಕಲ್ ಸುರಕ್ಷತೆಯ ಅಂಕಿ ಅಂಶಗಳನ್ನು ಗಮನಿಸಿದರೆ, ಜಾನ್ ಅಬ್ರಹಾಂ ಈ ಮಾರ್ಗವನ್ನು ಏಕೆ ಹೋಗಲು ಬಯಸುತ್ತಾರೆ ಎಂಬುದನ್ನು ಅರ್ಥಮಾಡಿಕೊಳ್ಳುವುದು ಸುಲಭ. ಇದಲ್ಲದೇ ಕೋಟ್ಯಂತರ ಅಭಿಮಾನಿಗಳ ನಡುವೆ ಅವರು ಅತ್ಯಂತ ಪ್ರಭಾವಿ ಧ್ವನಿಯಾಗಿರುವುದು ಕೂಡ ಮುಖ್ಯವಾದ ಅಂಶವಾಗುತ್ತದೆ. ಇದೆಲ್ಲವೂ ಆಶಾದಾಯಕವಾಗಿ ತೋರುತ್ತದೆಯಾದರೂ, ಅಂತಿಮ ಉತ್ಪನ್ನವು ಬರಲು ಇನ್ನೂ ಬಹಳ ಸಮಯ ತೆಗೆದುಕೊಳ್ಳುತ್ತದೆ ಎಂದು ಅಬ್ರಹಾಂ ದೃಢಪಡಿಸಿದ್ದಾರೆ.

ಕಳೆದ ಕೆಲವು ವರ್ಷಗಳಲ್ಲಿ, ಭಾರತದಲ್ಲಿ ಪ್ರೀಮಿಯಂ ಮೋಟಾರ್‌ಸೈಕಲ್ ವ್ಯಾಪಾರವು ವೇಗವಾಗಿ ಬೆಳೆಯುತ್ತಿದೆ ಮತ್ತು ಬೆಳೆದಿದೆ. ಈ ನಡುವೆ ಅನೇಕ ಬ್ರ್ಯಾಂಡ್‌ಗಳು ಭಾರತೀಯ ಮಾರುಕಟ್ಟೆಯನ್ನು ಪ್ರವೇಶಿಸುತ್ತಿವೆ. ಇತ್ತೀಚಿನ ನಿಯಂತ್ರಣ ಬದಲಾವಣೆಗಳು ಭಾರತದಲ್ಲಿ ಆಮದು ಮಾಡಿಕೊಂಡ ಹೆಲ್ಮೆಟ್‌ಗಳನ್ನು ಮಾರಾಟ ಮಾಡುವುದು ತುಂಬಾ ಕಷ್ಟಕರವಾಗಿದೆ. ಅವುಗಳು ಸ್ಥಳೀಯವಾಗಿ ತಯಾರಿಸಲ್ಪಟ್ಟಿಲ್ಲ ಮತ್ತು BIS ಸುರಕ್ಷತಾ ಮಾನದಂಡಗಳಿಗೆ ಪ್ರಮಾಣೀಕರಿಸಿಲ್ಲ ಎಂಬುದಾಗಿ ತಿಳಿದು ಬಂದಿದೆ.

ಓದಿ:ಭಾರತ ಸೇರಿ ಜಗತ್ತಿನಾದ್ಯಂತ ರಾಯಲ್ ಎನ್‌ಫೀಲ್ಡ್ ಗ್ಲೋಬಲ್​ ರಿಕಾಲ್​: ಕಾರಣವೇನು? - Royal Enfield Global Recall