ಹುಬ್ಬಳ್ಳಿಯಿಂದ ಸಂಚರಿಸುವ ವಂದೇ ಭಾರತ್ ರೈಲುಗಳಲ್ಲಿ ಪ್ರಯಾಣಿಕರ ಸಂಖ್ಯೆ ಗಣನೀಯ ಹೆಚ್ಚಳ

ಧಾರವಾಡ-ಬೆಂಗಳೂರು ಹಾಗೂ ಹುಬ್ಬಳ್ಳಿ-ಪುಣೆ ನಡುವೆ ಸಂಚರಿಸುವ ವಂದೇ ಭಾರತ ರೈಲುಗಳಲ್ಲಿ ಸಂಚರಿಸುವ ಪ್ರಯಾಣಿಕರ ಸಂಖ್ಯೆ ಗಣನೀಯವಾಗಿ ಹೆಚ್ಚಳವಾಗಿದೆ. ಈ ಕುರಿತು ನಮ್ಮ ಹುಬ್ಬಳ್ಳಿ ಪ್ರತಿನಿಧಿ ಹೆಚ್​​ ಬಿ ಗಡ್ಡದ ನೀಡಿರುವ ವಿಶೇಷ ವರದಿ ಇಲ್ಲಿದೆ

ಹುಬ್ಬಳ್ಳಿ:ಕಡಿಮೆ ಸಮಯದಲ್ಲಿ ಪ್ರಯಾಣಿಸಲು ಅನುವಾಗುವಂತೆ ಭಾರತೀಯ ರೈಲ್ವೆ, ವಂದೇ ಭಾರತ್ ಎಂಬ ವೇಗದ ರೈಲುಗಳನ್ನು ಪರಿಚಯಿಸಿದೆ. ವಾಣಿಜ್ಯ ‌ನಗರಿ ಹುಬ್ಬಳ್ಳಿ-ಧಾರವಾಡ ನಡುವೆ ಎರಡು ವಂದೇ ಭಾರತ್ ರೈಲುಗಳು‌ ಸಂಚಾರ ನಡೆಸುತ್ತಿದ್ದು, ಎರಡೂ ರೈಲುಗಳಿಗೆ ಪ್ರಯಾಣಿಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ.

ಧಾರವಾಡ-ಬೆಂಗಳೂರು ಹಾಗೂ ಹುಬ್ಬಳ್ಳಿ-ಪುಣೆ ವಂದೇ ಭಾರತ್ ರೈಲುಗಳಲ್ಲಿ ಸಂಚರಿಸುವ ಪ್ರಯಾಣಿಕರ ಸಂಖ್ಯೆ ಗಣನೀಯವಾಗಿ ಹೆಚ್ಚಳವಾಗುತ್ತಿದೆ. ದಿನದಿನಕ್ಕೆ ‌ಪ್ರಯಾಣಿಕರು ವಂದೇ ಭಾರತ್‌ದತ್ತ ಒಲವು ತೋರುತ್ತಿದ್ದು, ಶೇ.85ರಿಂದ ಶೇ.100ರಷ್ಟು ಸೀಟುಗಳು ಭರ್ತಿಯಾಗಿ ಉತ್ತಮ ಆದಾಯ ಬರುತ್ತಿದೆ.

ಈ ಕುರಿತು ನೈರುತ್ಯ ರೈಲ್ವೆ ಮುಖ್ಯ ಸಾರ್ವಜನಿಕ ಸಂಪರ್ಕ ‌ಅಧಿಕಾರಿ ಡಾ.ಮಂಜುನಾಥ ಕನಮಡಿ ಈಟಿವಿ ಭಾರತಕ್ಕೆ ಪ್ರತಿಕ್ರಿಯಿಸಿದ್ದು, ''ಕರ್ನಾಟಕದಲ್ಲಿ 10 ವಂದೇ ಭಾರತ್ ರೈಲುಗಳು ಸಂಚಾರ ನಡೆಸುತ್ತಿವೆ. ಇದರಲ್ಲಿ ನೈರುತ್ಯ ರೈಲ್ವೆಯ 8 ವಂದೇ ಭಾರತ ರೈಲುಗಳಿದ್ದು, ಹುಬ್ಬಳ್ಳಿಯಿಂದ ಎರಡು ವಂದೇ ಭಾರತ್ ರೈಲು ಸಂಚಾರ ಮಾಡುತ್ತಿವೆ. ಧಾರವಾಡ-ಬೆಂಗಳೂರು, ಹುಬ್ಬಳ್ಳಿ-ಪುಣೆಗೆ ರೈಲುಗಳಿವೆ‌‌‌. ಇವುಗಳಲ್ಲಿ ಧಾರವಾಡ-ಬೆಂಗಳೂರು ನಡುವೆ ಒಂದೂವರೆ ವರ್ಷದಿಂದ ರೈಲುಗಳು ಸಂಚಾರ ನಡೆಸುತ್ತಿದ್ದು, ಏಪ್ರಿಲ್​ನಿಂದ ಡಿಸೆಂಬರ್​ವರೆಗೆ ಸುಮಾರು 23 ಕೋಟಿ ಆದಾಯ ಗಳಿಸಿದೆ. ಇದರಲ್ಲಿ 2,25,000 ಜನ ಪ್ರಯಾಣ ಬೆಳೆಸಿದ್ದಾರೆ. ಧಾರವಾಡ-ಬೆಂಗಳೂರು ಶೇ.88ರಷ್ಟಿದ್ದು, ಬೆಂಗಳೂರು -ಧಾರವಾಡ ಶೇ.84ರಷ್ಟು ಸೀಟುಗಳು ಭರ್ತಿಯಾಗಿವೆ‌. ವಾರಂತ್ಯ ಸೇರಿ ಎರಡೂ ಕಡೆಯಿಂದಲೂ ಪ್ರಯಾಣಿಕರಿಂದ ಉತ್ತಮ ಸ್ಪಂದನೆ ಸಿಕ್ಕಿದೆ'' ಎಂದು ಮಾಹಿತಿ ನೀಡಿದರು.

ಹುಬ್ಬಳ್ಳಿ-ಪುಣೆ ವಂದೇ ಭಾರತ ರೈಲು ಸೇವೆಯಿಂದ ನೈರುತ್ಯ ರೈಲ್ವೆಯು ಕಳೆದ ನಾಲ್ಕು ತಿಂಗಳಲ್ಲಿ 4.5 ಕೋಟಿ ರೂ ಆದಾಯ ಗಳಿಸಿದೆ. ಇಲ್ಲಿಯವರೆಗೂ 34 ಸಾವಿರ ಜನ ಪ್ರಯಾಣಿಸಿದ್ದಾರೆ. ಹುಬ್ಬಳ್ಳಿ-ಪುಣೆ ಒಂದು ಕಡೆಯಿಂದ ಶೇ.76ರಷ್ಟು ಸೀಟುಗಳು ಭರ್ತಿಯಾಗಿವೆ. ಅದೇ ರೀತಿ ‌ಪುಣೆ-ಹುಬ್ಬಳ್ಳಿ ಶೇ.82ರಷ್ಟು ಸೀಟು ಭರ್ತಿಯಾಗಿವೆ. ಕಳೆದ ಡಿಸೆಂಬರ್ ತಿಂಗಳಲ್ಲಿ ಶೇ.88ರಷ್ಟು ಸೀಟು ಭರ್ತಿಯಾಗುವ ಮೂಲಕ ಕಳೆದ 4 ತಿಂಗಳಲ್ಲಿ ಅತೀ ಹೆಚ್ಚು ಪ್ರಯಾಣಿಕರು‌ ಸಂಚಾರ ನಡೆಸಿದ್ದಾರೆ ಎಂದರು.

ಹುಬ್ಬಳ್ಳಿ-ಪುಣೆ ನಡುವೆ ವಂದೇ ಭಾರತ್ ರೈಲು ಸಂಚಾರ ಸೆಪ್ಟೆಂಬರ್ ‌ತಿಂಗಳಲ್ಲಿ ಆರಂಭವಾಗಿದ್ದು, ತಿಂಗಳಿಂದ ತಿಂಗಳಿಗೆ ಪ್ರಯಾಣಿಕರ ಸಂಖ್ಯೆ ಹೆಚ್ಚಿದೆ. ತಿಂಗಳಾಂತ್ಯದಲ್ಲಿ ಅತೀ ಹೆಚ್ಚು ಪ್ರಯಾಣಿಕರು ಪ್ರಯಾಣಿಸುತ್ತಿದ್ದು, ಕೆಲವೊಮ್ಮೆ ಹುಬ್ಬಳ್ಳಿ-ಬೆಂಗಳೂರು ಶೇ‌.100‌ರ ಗಡಿ ದಾಟಿದೆ ಎಂದು ಮಾಹಿತಿ ನೀಡಿದರು.

ಧಾರವಾಡ- ಬೆಂಗಳೂರು
ತಿಂಗಳುವಾರು ಟ್ರಿಪ್	ಅಕ್ಟೋಬರ್-26 ಟ್ರಿಪ್
ಒಟ್ಟು ಸೀಟು	13780
ಸೀಟು ಭರ್ತಿ	12068
ಪ್ರಯಾಣಿಕರ ಶೇಕಡಾವಾರು ಫಲಿತಾಂಶ	87.57

ಬೆಂಗಳೂರು-ಧಾರವಾಡ
ತಿಂಗಳುವಾರು ಟ್ರಿಪ್	ನವೆಂಬರ್ 26 ಟ್ರಿಪ್
ಒಟ್ಟು ಸೀಟು	13780
ಭರ್ತಿಯಾದ ಸೀಟು	12607
ಪ್ರಯಾಣಿಕರ ಶೇಕಡಾವಾರು ಫಲಿತಾಂಶ	91.48

ಧಾರವಾಡ- ಬೆಂಗಳೂರು
ತಿಂಗಳುವಾರು ಟ್ರಿಪ್	26 ಟ್ರಿಪ್
ಒಟ್ಟು ಸೀಟು	13780
ಭರ್ತಿಯಾದ ಸೀಟು	13197
ಪ್ರಯಾಣಿಕರ ಶೇಕಡಾವಾರು ಫಲಿತಾಂಶ	95.76

ಬೆಂಗಳೂರು-ಧಾರವಾಡ
ತಿಂಗಳುವಾರು ಟ್ರಿಪ್	ಡಿಸೆಂಬರ್ 26 ಟ್ರಿಪ್
ಒಟ್ಟು ಸೀಟು	13780
ಭರ್ತಿಯಾದ ಸೀಟು	13781
ಪ್ರಯಾಣಿಕರ ಶೇಕಡಾವಾರು ಫಲಿತಾಂಶ	100

ಧಾರವಾಡ - ಬೆಂಗಳೂರು
ತಿಂಗಳುವಾರು ಟ್ರಿಪ್	ಡಿಸೆಂಬರ್ -26 ಟ್ರಿಪ್
ಒಟ್ಟು ಸೀಟು	13780
ಭರ್ತಿಯಾದ ಸೀಟು	13325
ಪ್ರಯಾಣಿಕರ ಶೇಕಡಾವಾರು ಫಲಿತಾಂಶ	96.79

ಹುಬ್ಬಳ್ಳಿ-ಪುಣೆ
ತಿಂಗಳುವಾರು ಟ್ರಿಪ್	ಅಕ್ಟೋಬರ್‌ - ಟ್ರಿಪ್ 13
ಒಟ್ಟು ಸೀಟು	6890
ಭರ್ತಿಯಾದ ಸೀಟು	4479
ಆದಾಯ	₹ 50,86,301
ಪ್ರಯಾಣಿಕರ ಶೇಕಡಾವಾರು ಫಲಿತಾಂಶ	65

ಪುಣೆ-ಹುಬ್ಬಳ್ಳಿ
ತಿಂಗಳುವಾರು ಟ್ರಿಪ್	13 ಟ್ರಿಪ್
ಒಟ್ಟು ಸೀಟು	6890
ಭರ್ತಿಯಾದ ಸೀಟು	5755
ಆದಾಯ	₹11,44,283
ಪ್ರಯಾಣಿಕರ ಶೇಕಡಾವಾರು ಫಲಿತಾಂಶ	83.87

ಹುಬ್ಬಳ್ಳಿ-ಪುಣೆ
ಟ್ರಿಪ್	13 ಟ್ರಿಪ್
ಒಟ್ಟು ಸೀಟು	6890
ಭರ್ತಿಯಾದ ಸೀಟು	5839
ಆದಾಯ	₹ 65,95,414
ಪ್ರಯಾಣಿಕರ ಶೇಕಡಾವಾರು ಫಲಿತಾಂಶ	84.74

ಪುಣೆ - ಹುಬ್ಬಳ್ಳಿ
ಟ್ರಿಪ್	13 ಟ್ರಿಪ್
ಭರ್ತಿಯಾದ ಸೀಟು	6174
ಒಟ್ಟು ಸೀಟು	6890
ಆದಾಯ	₹67,04,680
ಪ್ರಯಾಣಿಕರ ಶೇಕಡಾವಾರು ಫಲಿತಾಂಶ	89.90

ಹುಬ್ಬಳ್ಳಿ-ಪುಣೆ
ಟ್ರಿಪ್	13 ಟ್ರಿಪ್
ಒಟ್ಟು ಸೀಟು	6890
ಭರ್ತಿಯಾದ ಸೀಟು	6050
ಆದಾಯ	₹ 67,74,263
ಪ್ರಯಾಣಿಕರ ಶೇಕಡಾವಾರು ಫಲಿತಾಂಶ	87.86

ಪುಣೆ-ಹುಬ್ಬಳ್ಳಿ
ಟ್ರಿಪ್	13
ಒಟ್ಟು ಸೀಟು	6890
ಭರ್ತಿಯಾದ ಸೀಟು	6752
ಆದಾಯ	₹75,09,738
ಪ್ರಯಾಣಿಕರ ಶೇಕಡಾವಾರು ಫಲಿತಾಂಶ	97.99

ಇದನ್ನೂ ಓದಿ:ಮಹಾಕುಂಭ ಮೇಳಕ್ಕೆ ತೆರಳುವವರಿಗೆ ಗುಡ್ ನ್ಯೂಸ್: ಮೈಸೂರು-ವಾರಾಣಸಿ ಎಕ್ಸ್​​ಪ್ರೆಸ್‌ ರೈಲಿಗೆ ಹೆಚ್ಚುವರಿ ಬೋಗಿ - MYSURU VARANASI EXPRESS TRAIN