Thondekai Chutney Recipe:ಟೊಮೆಟೊ, ಸೌತೆಕಾಯಿ, ಈರುಳ್ಳಿ ಸೇರಿದಂತೆ ವಿವಿಧ ಚಟ್ನಿಗಳನ್ನು ಅನೇಕರು ಮನೆಯಲ್ಲಿ ತಯಾರಿಸುತ್ತಾರೆ. ಈ ಸಲ ನಾವು ನಿಮಗಾಗಿ ಹೊಸದೊಂದು ಆಹಾರದ ಬಗ್ಗೆ ತಿಳಿಸುತ್ತೇವೆ. ಅದುವೇ 'ತೊಂಡೆಕಾಯಿ ಚಟ್ನಿ'. ಹಾಗಾದ್ರೆ, ಇದೀಗ ಶೇಂಗಾದ ಕಾಂಬಿನೇಷನ್ನಲ್ಲಿ ಟೇಸ್ಟಿ ತೊಂಡೆಕಾಯಿ ಚಟ್ನಿ ಮಾಡುವುದು ಹೇಗೆ ಅನ್ನೋದನ್ನು ಕಲಿಯೋಣ.
ನಾವು ತಿಳಿಸಿದ ನಿಮಯದ ಪ್ರಕಾರ, ಅಡುಗೆ ಮಾಡಿದರೆ ರುಚಿಯು ಹೆಚ್ಚಿರುತ್ತದೆ. ಈ ತೊಂಡೆಕಾಯಿ ಚಟ್ನಿಯನ್ನು ಬಿಸಿ ಚಪಾತಿ, ಜೋಳದ ರೊಟ್ಟಿ ಮತ್ತು ಅನ್ನ ತುಂಬಾ ಚೆನ್ನಾಗಿರುತ್ತದೆ. ಫ್ರಿಡ್ಜ್ನಲ್ಲಿಟ್ಟರೆ ಎರಡು ವಾರಗಳವರೆಗೆ ಶೇಖರಣೆ ಮಾಡಿ ಇಡಬಹುದು. ಈಗ ತಡಮಾಡದೆ ರುಚಿಕರವಾದ ತೊಂಡೆಕಾಯಿ ಚಟ್ನಿ ಮಾಡುವುದು ಹೇಗೆ ಎಂಬುದನ್ನು ನೋಡೋಣ.
ತೊಂಡೆಕಾಯಿ ಚಟ್ನಿಗೆ ಬೇಕಾಗುವ ಪದಾರ್ಥಗಳು:
- ತೊಂಡೆಕಾಯಿಗಳು- 1/4 ಕೆಜಿ
- ಪಲ್ಲಿಲು - ಕಾಲು ಕಪ್
- ಹಸಿ ಮೆಣಸಿನಕಾಯಿ - 10
- ಬೆಳ್ಳುಳ್ಳಿ ಎಸಳು - 6
- ಈರುಳ್ಳಿ - 1
- ಟೊಮೆಟೊ - 2
- ಹುಣಸೆಹಣ್ಣು - ನಿಂಬೆ ಗಾತ್ರದಷ್ಟು ತೆಗೆದುಕೊಳ್ಳಿ
- ಎಣ್ಣೆ - 3 ಟೀಸ್ಪೂನ್
- ರುಚಿಗೆ ತಕ್ಕಷ್ಟು ಉಪ್ಪು
- ಕೊತ್ತಂಬರಿ ಪುಡಿ
- ಜೀರಿಗೆ - ಟೀಸ್ಪೂನ್
ಚಟ್ನಿ ಸಿದ್ಧಪಡಿಸುವ ವಿಧಾನ:
- ಮೊದಲು ತೊಂಡೆಕಾಯಿಗಳನ್ನು ತೊಳೆಯಿರಿ. ನಂತರ ತೆಳುವಾದ ತುಂಡುಗಳಾಗಿ ಕತ್ತರಿಸಿ.
- ನಂತರ ಒಲೆಯ ಮೇಲೆ ಕಡಾಯಿ ಇಡಿ. ಎರಡು ಚಮಚ ಎಣ್ಣೆ ಹಾಕಿ ಬಿಸಿ ಮಾಡಿ ಇಟ್ಟುಕೊಳ್ಳಬೇಕಾಗುತ್ತದೆ. ಎಣ್ಣೆ ಬಿಸಿಯಾದ ನಂತರ ಶೇಂಗಾ, ಹಸಿಮೆಣಸಿನಕಾಯಿ ಮತ್ತು ಕೊತ್ತಂಬರಿ ಸೊಪ್ಪನ್ನು ಹುರಿಯಿರಿ.
- ಶೇಂಗಾ ಹುರಿದ ಬಳಿಕ ಅವುಗಳನ್ನು ತಟ್ಟೆಯಲ್ಲಿ ತೆಗೆದುಕೊಳ್ಳಿ.
- ಒಲೆಯ ಮೇಲಿನ ಬಾಣಲೆಗೆ ಸ್ವಲ್ಪ ಎಣ್ಣೆ, ಜೀರಿಗೆ ಹಾಕಿ ಹುರಿಯಿರಿ. ಬಳಿಕ ಕತ್ತರಿಸಿದ ತೊಂಡೆಕಾಯಿ ತುಂಡುಗಳು ಮತ್ತು ಸ್ವಲ್ಪ ಅರಿಶಿನ ಸೇರಿಸಿ ಫ್ರೈ ಮಾಡಿ.
- ಅವುಗಳು ಸ್ವಲ್ಪ ಬೆಂದ ನಂತರ ಟೊಮೆಟೊ ಮತ್ತು ಹುಣಸೆಹಣ್ಣು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.
- ಬಾಣಲೆಯನ್ನು ಮುಚ್ಚಿ ಮತ್ತು ಮಿಶ್ರಣವನ್ನು 10 ನಿಮಿಷಗಳ ಕಾಲ ಕುದಿಸಿ, ನಂತರ ಸ್ಟವ್ ಆಫ್ ಮಾಡಿ.
- ನಂತರ ಹುರಿದ ಶೇಂಗಾದ ಮಿಶ್ರಣ ಜೊತೆಗೆ ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ, ನಂತರ ಇದನ್ನು ಬೇಯಿಸಿದ ತೊಂಡೆಕಾಯ ಮಿಶ್ರಣವನ್ನು ಹಾಕಿ ರುಬ್ಬಿಕೊಳ್ಳಿ.
- ಕೊನೆಯಲ್ಲಿ ಈರುಳ್ಳಿ ಚೂರುಗಳನ್ನು ಹಾಕಿ ಮಿಕ್ಸ್ ಮಾಡಿಕೊಳ್ಳಿ.
- ಹೀಗೆ ಸರಳವಾಗಿ ಮಾಡಿದರೆ ತುಂಬಾ ರುಚಿಕರವಾದ ತೊಂಡೆಕಾಯಿ ಚಟ್ನಿ ಸೇವಿಸಲು ಸಿದ್ಧ
- ಈ ಚಟ್ನಿಯನ್ನು ರೊಟ್ಟಿ, ಚಪಾತಿ ಮತ್ತು ಬಿಸಿ ಅನ್ನದೊಂದಿಗೆ ತಿಂದರೆ ರುಚಿ ಅದ್ಭುತ
- ನಿಮಗೆ ಇಷ್ಟವಾದರೆ ಒಮ್ಮೆ ಟ್ರೈ ಮಾಡಿ ನೋಡಿ.
| ಇವುಗಳನ್ನೂ ಓದಿ |