How to Make Onion Chapati at Home:ಬಹುತೇಕರು ಚಪಾತಿ ಸೇವಿಸಲು ತುಂಬಾ ಇಷ್ಟಪಡುತ್ತಾರೆ. ತೂಕ ಇಳಿಸಿಕೊಳ್ಳಲು ಬಯಸುವವರು, ಬಿಪಿ, ಶುಗರ್ ನಿಯಂತ್ರಣದಲ್ಲಿಟ್ಟುಕೊಳ್ಳಲು ಬಯಸುವವರು ಕೂಡ ದಿನಕ್ಕೆ ಒಮ್ಮೆಯಾದರೂ ಈ ಚಪಾತಿ ಸೇವಿಸುತ್ತಾರೆ. ಇದರ ಜೊತೆಗೆ ಅನೇಕ ತಾಯಂದಿರು ತಮ್ಮ ಮಕ್ಕಳ ಲಂಚ್ ಬಾಕ್ಸ್ಗೆ ಚಪಾತಿಗಳನ್ನೇ ಕಟ್ಟುತ್ತಾರೆ. ಹೀಗಾಗಿ ಪ್ರತಿನಿತ್ಯ ಚಪಾತಿ ತಿನ್ನಲು ಬೇಸರವಾಗುತ್ತದೆ. ನೀವು ಚಪಾತಿಯ ಬದಲಿಗೆ ಬೇರೆ ಏನಾದರೂ ತಿನ್ನಲು ಬಯಸುತ್ತೀರಿ. ಅಂತಹವರು ಈರುಳ್ಳಿ ಚಪಾತಿಯನ್ನು ಟ್ರೈ ಮಾಡಬಹುದು. ಈ ಚಪಾತಿ ತುಂಬಾ ಸಾಫ್ಟ್ ಹಾಗೂ ಹೆಚ್ಚು ರುಚಿಕರವಾಗಿರುತ್ತದೆ. ಇವುಗಳ ರುಚಿ ಸಾಮಾನ್ಯ ಚಪಾತಿಗಿಂತ ಟೇಸ್ಟಿ ಆಗಿರುತ್ತದೆ. ಮುಖ್ಯವಾಗಿ ಚಪಾತಿಯೊಂದಿಗೆ ನೆಂಚಿಕೊಳ್ಳಲು ಪಲ್ಯ ಅಗತ್ಯವಿಲ್ಲ. ಈ ರೆಸಿಪಿ ತಯಾರಿಸಲು ಬೇಕಾಗುವ ಪದಾರ್ಥಗಳೇನು? ಸಿದ್ಧಪಡಿಸುವುದು ಹೇಗೆ ಎಂಬುದನ್ನು ತಿಳಿದುಕೊಳ್ಳೋಣ..
ಈರುಳ್ಳಿ ಚಪಾತಿಗೆ ಬೇಕಾಗುವ ಪದಾರ್ಥಗಳೇನು?
- ಗೋಧಿ ಹಿಟ್ಟು - 2 ಕಪ್
- ಹಸಿಮೆಣಸಿನಕಾಯಿ - 2
- ಈರುಳ್ಳಿ - 1
- ಈರುಳ್ಳಿ ಸೊಪ್ಪು (Scallion) - ಅರ್ಧ ಕಪ್
- ಉಪ್ಪು - ರುಚಿಗೆ ತಕ್ಕಷ್ಟು
- ಗರಂ ಮಸಾಲ - 1 ಟೀಸ್ಪೂನ್
- ಖಾರದ ಪುಡಿ - 1 ಟೀಸ್ಪೂನ್
ಈರುಳ್ಳಿ ಚಪಾತಿಗೆ ತಯಾರಿಸುವ ವಿಧಾನ:
- ಮೊದಲು ಈರುಳ್ಳಿ ಹಾಗೂ ಈರುಳ್ಳಿ ಸೊಪ್ಪು ಮತ್ತು ಹಸಿ ಮೆಣಸಿನಕಾಯಿಯನ್ನು ಸಣ್ಣಗೆ ಕತ್ತರಿಸಿ ಪಕ್ಕಕ್ಕೆ ಇರಿಸಿ.
- ಈಗ ಒಂದು ಬೌಲ್ ತೆಗೆದುಕೊಂಡು ಅದರೊಳಗೆ ಗೋಧಿ ಹಿಟ್ಟು, ಸಣ್ಣಗೆ ಕಟ್ ಮಾಡಿದ ಹಸಿಮೆಣಸಿನಕಾಯಿ, ಈರುಳ್ಳಿ ಮತ್ತು ಸ್ಪ್ರಿಂಗ್ ಈರುಳ್ಳಿ ಹಾಕಿ.
- ಅದರ ನಂತರ ರುಚಿಗೆ ತಕ್ಕಷ್ಟು ಉಪ್ಪು, ಗರಂ ಮಸಾಲ ಹಾಗೂ ಹಸಿಮೆಣಸಿನಕಾಯಿ ಹಾಕಿ.
- ಬಳಿಕ ಈರುಳ್ಳಿ ಪೀಸ್ಗಳನ್ನು ಹಿಸುಕಿ ಹಾಗೂ ಹಿಟ್ಟನ್ನು ಚೆನ್ನಾಗಿ ಮಿಶ್ರಣ ಮಾಡಿ.
- ನಂತರ ಸ್ವಲ್ಪ ನೀರನ್ನು ಚಪಾತಿ ಹಿಟ್ಟಿಗೆ ಹಾಕಿ. ಆದರೆ, ಇಲ್ಲಿ ಹಿಟ್ಟನ್ನು ಹೆಚ್ಚು ಸಮಯ ಒತ್ತಿದರೆ ಚಪಾತಿ ಮೃದು ಹಾಗೂ ರುಚಿಯಾಗಿರುತ್ತದೆ.
- ಹಿಟ್ಟನ್ನು ಒದ್ದೆಯಾದ ಬಟ್ಟೆಯಿಂದ ಮುಚ್ಚಿ ಹಾಗೂ 30 ನಿಮಿಷಗಳ ಕಾಲ ಪಕ್ಕಕ್ಕೆ ಇಡಿ.
- ಅರ್ಧ ತಾಸಿನ ಬಳಿಕ ಹಿಟ್ಟನ್ನು ಮತ್ತೆ ಮಿಶ್ರಣ ಮಾಡಿ ಹಾಗೂ ಸಣ್ಣ ಉಂಡೆಗಳಾಗಿ ಮಾಡಿಕೊಳ್ಳಿ.
- ಈಗ ಉಂಡೆಗಳನ್ನು ತೆಗೆದುಕೊಂಡು ಚಪಾತಿ ತಟ್ಟೆಯಲ್ಲಿ ಇಡಬೇಕಾಗುತ್ತದೆ ಮತ್ತು ಒಣ ಹಿಟ್ಟನ್ನು ಸಿಂಪಡಿಸಿ ಹಾಗೂ ಅದನ್ನು ರೌಂಡ್ ಆಗಿ ಚಪಾತಿಗಳನ್ನು ಮಾಡಿಕೊಳ್ಳಬೇಕಾಗುತ್ತದೆ.
- ನಂತರ ಒಲೆ ಆನ್ ಮಾಡಿಕೊಳ್ಳಬೇಕು, ಚಪಾತಿಗಳನ್ನು ಒಂದೊಂದಾಗಿ ಬೇಯಿಸಬೇಕಾಗುತ್ತದೆ. ತವೆಯ ಮೇಲೆ ಎರಡೂ ಬದಿಗಳಲ್ಲಿ ಒಂದು ನಿಮಿಷ ಫ್ರೈ ಮಾಡಿ.
- ಅದರ ನಂತರ ಎರಡೂ ಬದಿಗಳಲ್ಲಿ ಸ್ವಲ್ಪ ಎಣ್ಣೆಯನ್ನು ಹಾಕಿ ಫ್ರೈ ಮಾಡಿಕೊಳ್ಳಬೇಕಾಗುತ್ತದೆ. ಬೇಯಿಸಿದ ವಸ್ತುಗಳನ್ನು ಹಾಟ್ಬಾಕ್ಸ್ನಲ್ಲಿ ಹಾಕಿ ಇಟ್ಟುಕೊಳ್ಳಬೇಕಾಗುತ್ತದೆ.
- ಇದೇ ರೀತಿಯಾಗಿ ಎಲ್ಲಾ ಚಪಾತಿಗಳನ್ನು ಬೇಯಿಸಿಕೊಂಡರೆ ಸಾಕು, ತುಂಬಾ ಸಾಫ್ಟ್ ಆದ ಹಾಗೂ ತುಂಬಾ ರುಚಿಯಾಗಿರುವ ಈರುಳ್ಳಿ ಚಪಾತಿ ರೆಡಿಯಾಗುತ್ತದೆ.
- ಅವುಗಳನ್ನು ಪ್ರತ್ಯೇಕವಾಗಿ ಹಾಗೆ ಸೇವಿಸಿದರೂ ರುಚಿ ಚೆನ್ನಾಗಿರುತ್ತದೆ. ಕಾಂಬಿನೇಷನ್ ಬೇಕಿದ್ದರೆ ಮೊಸರಿಗೆ ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ಒಂದು ಚಮಚ ಜೀರಿಗೆ ಪುಡಿ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ. ಈ ಚಪಾತಿ ಜೊತೆಗೆ ಸೇವಿಸಿದರೆ ಸಖತ್ ಕಾಂಬಿನೇಷನ್ ಆಗಿರುತ್ತದೆ.
- ಅಷ್ಟೇ ಅಲ್ಲ, ಹಸಿ ಮೆಣಸಿನಕಾಯಿ ಚಟ್ನಿ ಕೂಡ ಇದರ ಜೊತೆಗೆ ಸೂಪರ್ ಆಗಿರುತ್ತದೆ.
ಇದನ್ನೂ ಓದಿ:ಹಿಟ್ಟು ಸಿದ್ಧಪಡಿಸುವಾಗ ಈ ಪದಾರ್ಥ ಸೇರಿಸಿ ನೋಡಿ: ಬಾಯಲ್ಲಿಟ್ಟರೆ ಬೆಣ್ಣೆಯಂತೆ ಕರಗುವ ಸೂಪರ್ ಸಾಫ್ಟ್ ಚಪಾತಿ ರೆಡಿ!
