Royal Enfield Shotgun 650 Icon Edition: ರಾಯಲ್ ಎನ್ಫೀಲ್ಡ್ ಭಾರತೀಯ ಮಾರುಕಟ್ಟೆಯಲ್ಲಿ ಸೀಮಿತ ಎಡಿಷನ್ ಶಾಟ್‌ಗನ್ 650 ಬೈಕ್ ಅನ್ನು ಬಿಡುಗಡೆ ಮಾಡಿದೆ. ಬ್ರಿಟಿಷ್ ವಾಹನ ತಯಾರಕರು ಐಕಾನ್ ಮೋಟಾರ್‌ಸ್ಪೋರ್ಟ್ಸ್ ಸಹಯೋಗದೊಂದಿಗೆ ಹೊಸ ಮಾದರಿಯನ್ನು ಬಿಡುಗಡೆ ಮಾಡಿದ್ದಾರೆ.
ಶಾಟ್‌ಗನ್ 650 ಐಕಾನ್ ಎಡಿಷನ್ ಕೇವಲ 100 ಘಟಕಗಳನ್ನು ಮಾತ್ರ ತಯಾರಿಸಲಾಗಿದೆ. ಇದನ್ನು ಇಡೀ ಜಗತ್ತಿಗೆ ತಯಾರಿಸಲಾಗಿದೆ. ಈ 100 ಬೈಕ್‌ಗಳಲ್ಲಿ 25 ಬೈಕ್‌ಗಳನ್ನು ಭಾರತಕ್ಕಾಗಿ ಮೀಸಲಿಡಲಾಗಿದೆ. ಭಾರತದಲ್ಲಿ ರಾಯಲ್ ಎನ್ಫೀಲ್ಡ್ ಶಾಟ್‌ಗನ್ 650 ಐಕಾನ್ ಆವೃತ್ತಿಯ ಬೆಲೆಯನ್ನು 4.25 ಲಕ್ಷ ರೂ.ಗಳಲ್ಲಿಯೇ ಇರಿಸಲಾಗಿದೆ.
ವಿಶೇಷತೆಯೇನು?: ರಾಯಲ್ ಎನ್‌ಫೀಲ್ಡ್‌ನ ಸೀಮಿತ ಎಡಿಷನ್ ಬೈಕ್ ತ್ರೀ-ಟೋನ್ ಕಲರ್ ಸಂಯೋಜನೆಯೊಂದಿಗೆ ಬರುತ್ತದೆ. ಇದನ್ನು ಐಕಾನ್ ಮೋಟಾರ್‌ಸ್ಪೋರ್ಟ್ಸ್ ಕಸ್ಟಮೈಸ್ ಮಾಡಿದೆ. ಈ ಮೋಟಾರ್‌ಸೈಕಲ್ ಅನ್ನು EICMA 2024 ಮತ್ತು ಮೋಟೋವರ್ಸ್ 2024ರಲ್ಲಿ ಪ್ರದರ್ಶಿಸಲಾಯಿತು. ಶಾಟ್‌ಗನ್ 650ರ ಈ ಮಾದರಿಯ ಇತರ ಭಾಗಗಳನ್ನು ಹೈಲೈಟ್ ಮಾಡಲು ವಿಶೇಷವಾಗಿ ಚಿತ್ರಿಸಲಾಗಿದೆ. ಈ ಬೈಕ್ ಬ್ಲೂ ಶಾಕ್ ಅಬ್ಸಾರ್ಬರ್‌ಗಳು, ರೆಡ್ ಸೀಟ್ಸ್, ಗೋಲ್ಡ್ ವೀಲ್ಸ್ ಮತ್ತು ಬಾರ್-ಎಂಡ್ ಮಿರರ್ಗಳೊಂದಿಗೆ ಬರುತ್ತದೆ. ಈ ಎಲ್ಲಾ ಶಾಟ್‌ಗನ್ 650 ಮಾದರಿಗಳಿಗೆ ಬೈಕ್ನ ಬಣ್ಣಕ್ಕೆ ಹೊಂದಿಕೆಯಾಗುವ ರಾಯಲ್ ಎನ್ಫೀಲ್ಡ್ ಜಾಕೆಟ್ ಅನ್ನು ಸಹ ನೀಡಲಾಗುವುದು.
ಈ ಬೈಕ್ನ ಪವರ್: ಶಾಟ್‌ಗನ್ 650ರ ಈ ಐಕಾನ್ ಆವೃತ್ತಿಗೆ ಯಾಂತ್ರಿಕವಾಗಿ ಯಾವುದೇ ಬದಲಾವಣೆಗಳನ್ನು ಮಾಡಲಾಗಿಲ್ಲ. ಈ ಬೈಕಿನ ಎಂಜಿನ್ ಶಾಟ್‌ಗನ್ 650ರ ಪ್ರಮಾಣಿತ ಮಾದರಿಯಂತಿದೆ. ಈ ಮೋಟಾರ್‌ಸೈಕಲ್ 648 ಸಿಸಿ, ಪ್ಯಾರಲಲ್-ಟ್ವಿನ್ ಮೋಟಾರ್ ಹೊಂದಿದ್ದು, ಇದು 47 ಬಿಎಚ್‌ಪಿ ಪವರ್ ಮತ್ತು 52.3 ಎನ್‌ಎಂ ಟಾರ್ಕ್ ಉತ್ಪಾದಿಸುತ್ತದೆ.
ಈ ಬೈಕ್‌ಗಳ ನೋಂದಣಿ ಆರಂಭ: ಶಾಟ್‌ಗನ್ 650ರ ಐಕಾನ್ ಆವೃತ್ತಿಯು ಅದರ ಪ್ರಮಾಣಿತ ಮಾದರಿಗಿಂತ 66 ಸಾವಿರ ರೂ.ಗಳಷ್ಟು ಹೆಚ್ಚಾಗಿದೆ. ಭಾರತದಲ್ಲಿ ಶಾಟ್‌ಗನ್ 650 ಬೆಲೆ ರೂ. 3.59 ಲಕ್ಷದಿಂದ ಪ್ರಾರಂಭವಾಗುತ್ತದೆ. ಪ್ರೀಮಿಯಂ ಮಾದರಿಯ 25 ಘಟಕಗಳನ್ನು ಭಾರತಕ್ಕಾಗಿ ಇಟ್ಟುಕೊಳ್ಳಲಾಗಿದೆ. ಈ ರಾಯಲ್ ಎನ್ಫೀಲ್ಡ್ ಬೈಕ್ ಬುಕಿಂಗ್‌ಗಾಗಿ ನೋಂದಣಿ ಪ್ರಾರಂಭವಾಗಿದೆ. ಈ ಬೈಕ್ ಪಡೆಯುವ 25 ಜನರ ಫಲಿತಾಂಶವನ್ನು ಫೆಬ್ರವರಿ 12ರಂದು ರಾತ್ರಿ 8:30ಕ್ಕೆ ಘೋಷಿಸಲಾಗುತ್ತದೆ.
ಇದನ್ನೂ ಓದಿ: ಮಹೀಂದ್ರಾ ಹೊಸ ಎಲೆಕ್ಟ್ರಿಕ್ ಕಾರ್ಗಳ ರೇಟ್ ರಿವೀಲ್; ಫಸ್ಟ್ ಬುಕ್ ಮಾಡಿದವರಿಗೆ ಬಂಪರ್ ಆಫರ್!
