ತೂಕ ನಿರ್ವಹಣೆಗೆ ಸಹಾಯ ಮಾಡುವ ಸ್ನ್ಯಾಕ್ಸ್​​ಗಳಿವು; ಇದರಿಂದ ಆರೋಗ್ಯ ಕೂಡ ವೃದ್ಧಿ!

ದೇಹದ ತೂಕ ನಿರ್ವಹಣೆಯಲ್ಲಿ ಸ್ನ್ಯಾಕ್ಸ್​​​ನಲ್ಲಿ ಯಾವುದನ್ನು ಸೇವನೆ ಮಾಡುತ್ತೇವೆ ಎಂಬುದು ಪ್ರಮುಖ ಅಂಶವಾಗಿರುವ ಹಿನ್ನೆಲೆ ಎಚ್ಚರಿಕೆಯ ಆಯ್ಕೆ ಅಗತ್ಯ.

ನ್ಯೂಯಾರ್ಕ್​: ಊಟದ ನಡುವೆ ಹಸಿವಾದಾಗ ಸೇವಿಸುವ ಸ್ನ್ಯಾಕ್ಸ್​​​ಗಳು ತೂಕ ಹೆಚ್ಚಳದಲ್ಲಿ ಪ್ರಮುಖ ಪಾತ್ರವನ್ನು ವಹಿಸುತ್ತದೆ. ಇದೇ ಕಾರಣಕ್ಕೆ ಕುರುಕಲು, ಅನಾರೋಗ್ಯಕರ ಸ್ನ್ಯಾಕ್ಸ್​​​ ಸೇವಿಸುವ ಬದಲಾಗಿ ಈ ಟ್ರೀನಟ್ಸ್​ ಸೇವನೆ ಆರೋಗ್ಯಕ್ಕೆ ಪ್ರಯೋಜನ ನೀಡುತ್ತದೆ ಎಂದು ಅಧ್ಯಯನವೊಂದು ತಿಳಿಸಿದೆ

ಪಿಸ್ತಾ, ಬಾದಾಮಿಯಂತಹ ಒಣಹಣ್ಣುಗಳು ಹೊಟ್ಟೆಯ ಕೊಬ್ಬನ್ನು ಹೆಚ್ಚಿಸುವುದಿಲ್ಲ. ಅಲ್ಲದೇ, ಇದು ತೂಕ ನಿರ್ವಹಣೆಯಲ್ಲೂ ಸಹಾಯ ಮಾಡಿ, ದೇಹಕ್ಕೆ ಶಕ್ತಿಯ ಮೂಲವಾಗಿ ಕಾರ್ಯ ನಿರ್ವಹಿಸುತ್ತದೆ ಎಂದು ಅಧ್ಯಯನವು ತಿಳಿಸಿದೆ. ಈ ಒಣ್ಣ ಹಣ್ಣುಗಳಲ್ಲಿ ಹೆಚ್ಚಿನ ಕ್ಯಾಲೋರಿ ಮತ್ತು ಕೊಬ್ಬಿನ ಅಂಶಗಳಿವೆ. ಇದರಿಂದ ತೂಕ ಹೆಚ್ಚಳವಾಗುತ್ತದೆ ಎಂಬುದು ಅನೇಕರಲ್ಲಿ ಇರುವ ತಪ್ಪು ಕಲ್ಪನೆಯಾಗಿದೆ. ಆದರೆ, ಅನೇಕ ಅಧ್ಯಯನಗಳು ತಿಳಿಸುವಂತೆ ಈ ಒಣ್ಣಗಳನ್ನು ನಿತ್ಯ ಸೇವಿಸುವುದರಿಂದ ಪೋಷಕಾಂಶಗಳು ಲಭ್ಯವಾಗುವುದರ ಜೊತೆಗೆ ಅನೇಕ ಪ್ರಯೋಜನಗಳಿವೆ.

ಅಮೆರಿಕದ ವಾಂಡರ್ಬಿಲ್ಟ್ ವಿಶ್ವವಿದ್ಯಾಲಯ ವೈದ್ಯಕೀಯ ಕೇಂದ್ರದ ಸಂಶೋಧಕರು ಇದಕ್ಕಾಗಿ 84ಜನರನ್ನು ಅಧ್ಯಯನಕ್ಕೆ ಒಳಪಡಿಸಿದ್ದಾರೆ. 22 ರಿಂದ 36 ವರ್ಷದ ವಯೋಮಾನದ ಇವರಲ್ಲಿ ಅಧಿಕ ರಕ್ತದೊತ್ತಡ, ಅಧಿಕ ರಕ್ತದ ಗ್ಲುಕೋಸ್​, ಅಧಿಕ ದೇಹದ ಕೊಬ್ಬಿನಂತಹ ಒಂದಲ್ಲ ಒಂದು ಸಮಸ್ಯೆ ಪತ್ತೆಯಾಗಿದೆ. ಇವರಲ್ಲಿ ಒಂದು ಗುಂಪಿಗೆ ನಿತ್ಯ ಸ್ನ್ಯಾಕ್ಸ್​​ ಆಗಿ ಒಂದು ಔನ್ಸ್​ ಅಷ್ಟು ಉಪ್ಪು ರಹಿತ ಪಿಸ್ತಾ ಮತ್ತೊಂದು ಗುಂಪಿಗೆ ಕಾರ್ಬೋಹೈಡ್ರೇಟ್​​ ಸ್ನ್ಯಾಕ್ಸ್​​ ಅನ್ನು 16 ವಾರಗಳ ಕಾಲ ದಿನಕ್ಕೆ ಎರಡು ಬಾರಿ ನೀಡಲಾಯಿತು.

ಅವರ ಆಹಾರ ಪದ್ಧತಿ ಮತ್ತು ಜೀವನಶೈಲಿಯಲ್ಲಿ ಯಾವುದೇ ಬದಲಾವಣೆ ಮಾಡದೇ ಸಂಶೋಧಕರು ಗಮನಿಸಿದಾಗ ಮಹಿಳೆಯರಲ್ಲಿ ಶೇ 67ರಷ್ಟು ಮತ್ತು ಪುರಷರಲ್ಲಿ ಶೇ 42ರಷ್ಟು ಚಯಾಪಚಯ ಸಿಂಡ್ರೋಮ್​ ಅಪಾಯ ಕಡಿಮೆ ಆಗಿದೆ. ದಿನದಲ್ಲಿ ಎರಡು ಬಾರಿ ಒಂದು ಔನ್ಸ್​ನಷ್ಟು ಪಿಸ್ತಾ ಸೇರಿದಂತೆ ಒಣ ಹಣ್ಣಿನ ಮಿಶ್ರಣ ಸೇವಿಸುವವರ ಶಕ್ತಿಯಲ್ಲಿ ಅಥವಾ ತೂಕದ ನಿರ್ವಹಣೆಯಲ್ಲಿ ಯಾವುದೇ ಬದಲಾವಣೆ ಕಂಡು ಬಂದಿಲ್ಲ.

ಅಷ್ಟೇ ಅಲ್ಲದೆ, ಅಧ್ಯಯನದ ಅವಧಿಯಲ್ಲಿ ಕಾರ್ಬೋಹೈಡ್ರೇಟ್​​ ಸ್ನ್ಯಾಕ್ಸ್​​​ ಸೇವನೆ ಮಾಡುವವರಿಗೆ ಹೋಲಿಕೆ ಮಾಡಿದಾಗ ಒಣಹಣ್ಣು ಸೇವನೆ ಮಾಡುವವರಲ್ಲಿ ಸಾಮರ್ಥ್ಯದ ಹೆಚ್ಚಳ ಕಂಡು ಬಂದಿದೆ. ಅವರ ತೂಕ ಅಥವಾ ಕೊಬ್ಬಿನಲ್ಲಿ ಹೆಚ್ಚಳ ಕಂಡು ಬಂದಿಲ್ಲ. ಪಿಸ್ತಾ ದೇಹದ ತೂಕವನ್ನು ಹೆಚ್ಚಿಸಲು ಸಹಾಯ ಮಾಡಿಲ್ಲ ಎಂದು ಸಂಶೋಧನೆ ತಿಳಿಸಿದೆ. ಈ ಅಧ್ಯಯನವನ್ನು ಜರ್ನಲ್​​ ನ್ಯೂಟ್ರಿಯೆಂಟ್ಸ್​​ನಲ್ಲಿ ಪ್ರಕಟಿಸಲಾಗಿದೆ.

ಇದನ್ನೂ ಓದಿ: ಈ ಅಡುಗೆ ಎಣ್ಣೆ ಬಳಕೆ ಮಾಡುವ ಮುನ್ನ ಇರಲಿ ಎಚ್ಚರ; ಏಕೆಂದರೆ?