ಭಾನುವಾರ ಬಂತೆಂದರೆ ಮಾಂಸಪ್ರಿಯರ ಅಡುಗೆ ಮನೆ ವಿಚಾರ ಕೇಳಬೇಕಿಲ್ಲ. ಆದರೆ ಈ ಬಾರಿ ಚಿಕನ್, ಮಟನ್ ಅಡುಗೆ ಮಾಡುವ ಬದಲು, ಕಾಜು ಮಶ್ರೂಮ್ ಮಸಾಲಾ ಕರಿಯನ್ನೇಕೆ ಟ್ರೈ ಮಾಡಬಾರದು?. ಇಲ್ಲಿ ನಾವು ನೀಡುವ ಪಾಕವಿಧಾನವನ್ನು ಪ್ರಯತ್ನಿಸಿದರೆ, ಮತ್ತೆ ಮತ್ತೆ ಮಾಡುತ್ತಲೇ ಇರುವಿರಿ. ಏಕೆಂದರೆ ಇದು ಅದ್ಭುತ ರುಚಿ ನೀಡುತ್ತದೆ. ಹಾಗಂತ ಇದನ್ನು ಮಾಡುವುದೇನೂ ಕಷ್ಟವಲ್ಲ. ಈ ಕರಿಯನ್ನು ಅನ್ನ ಮಾತ್ರವಲ್ಲ ಚಪಾತಿ, ಪರೋಟಾ, ರೊಟ್ಟಿ.. ಹೀಗೆ ಯಾವುದೇ ಕಾಂಬಿನೇಷನ್ ಜೊತೆಗೂ ಸವಿಯಬಹುದು.
ಗ್ರೇವಿಗೆ ಬೇಕಾಗುವ ಪದಾರ್ಥಗಳು:
- ಟೊಮೆಟೊ - 3
- ಒಂದು ಸಣ್ಣ ತುಂಡು ಶುಂಠಿ
- ಗೋಡಂಬಿ - 1/4 ಕಪ್ (15 ನಿಮಿಷಗಳ ಕಾಲ ನೆನೆಸಿಡಿ)
- ಮೆಣಸಿನಕಾಯಿ-3
- ಬೆಳ್ಳುಳ್ಳಿ ಎಸಳು - 4
- ಏಲಕ್ಕಿ - 2
- ಲವಂಗ - 3
- ಒಣ ಮೆಣಸಿನಕಾಯಿ - 2
- ಕರಿ ಮೆಣಸು - 1/2 ಟೀ ಸ್ಪೂನ್
- ಮೊಸರು - 1/4 ಕಪ್
ಕರಿ ಮಾಡಲು ಬೇಕಿರುವ ಪದಾರ್ಥಗಳು:
- ಅಣಬೆ - 150 ಗ್ರಾಂ
- ಗೋಡಂಬಿ - 3/4 ಕಪ್
- ಎಣ್ಣೆ - ಬೇಕಾಗುವಷ್ಟು
- ಈರುಳ್ಳಿ - 1
- ಜೀರಿಗೆ - 1 ಟೀ ಸ್ಪೂನ್
- ಮೆಣಸಿನಕಾಯಿ - 1/2 ಟೀ ಸ್ಪೂನ್
- ಕಾಶ್ಮೀರಿ ಮೆಣಸಿನಕಾಯಿ - 2 ಟೀ ಸ್ಪೂನ್
- ಗರಂ ಮಸಾಲಾ - 1/2 ಟೀ ಸ್ಪೂನ್
- ಧನಿಯಾ ಪುಡಿ-1/2 ಟೀ ಸ್ಪೂನ್
- ಉಪ್ಪು - ಬೇಕಾಗುವಷ್ಟು
- ನೀರು - ಬೇಕಾಗುವಷ್ಟು
- ತುಪ್ಪ - 1 ಟೀ ಸ್ಪೂನ್
- ಕೊತ್ತಂಬರಿ ಸೊಪ್ಪು
- ನಿಂಬೆ ರಸ - ಸ್ವಲ್ಪ
ಈಗ ಕರಿ ಮಾಡುವ ವಿಧಾನ:
- ಮೊದಲು ಗ್ರೇವಿಗೆ ಬೇಕಾಗುವ ಪದಾರ್ಥಗಳನ್ನು ರುಬ್ಬಿಕೊಳ್ಳಬೇಕು. ಟೊಮೆಟೊ, ಒಂದು ತುಂಡು ಶುಂಠಿ, ಹಸಿರು ಮೆಣಸಿನಕಾಯಿ, ಬೆಳ್ಳುಳ್ಳಿ, ಲವಂಗ, ಏಲಕ್ಕಿ, ಕರಿ ಮೆಣಸು, ನೆನೆಸಿದ ಗೋಡಂಬಿ, ಒಂದು ಕಪ್ ಮೊಸರು, ಸ್ವಲ್ಪ ನೀರು ಸೇರಿಸಿ ನುಣ್ಣಗೆ ರುಬ್ಬಿಕೊಳ್ಳಿ.
- ನಂತರ ಸ್ಟವ್ ಆನ್ ಮಾಡಿ ಬಾಣಲೆ ಇಟ್ಟು ಎಣ್ಣೆ ಹಾಕಿ. 1/4 ಕಪ್ ಗೋಡಂಬಿ ಹಾಕಿ ಒಂದು ನಿಮಿಷ ಹುರಿಯಿರಿ. ಈಗ ಅರ್ಧಕ್ಕೆ ಕತ್ತರಿಸಿದ ಮಶ್ರೂಮ್ ಸೇರಿಸಿ. ಅಣಬೆ ಮತ್ತು ಗೋಡಂಬಿ ತಿಳಿ ಗೋಲ್ಡನ್ ಬ್ರೌನ್ ಆಗುವವರೆಗೆ ಫ್ರೈ ಮಾಡಿ. ನಂತರ ಅವುಗಳನ್ನು ಒಂದು ತಟ್ಟೆಯಲ್ಲಿ ತೆಗೆದುಕೊಂಡು ಪಕ್ಕಕ್ಕಿಡಿ .
- ಈಗ ಅದೇ ಎಣ್ಣೆಯಲ್ಲಿ ಜೀರಿಗೆ ಮತ್ತು ಈರುಳ್ಳಿ ತುಂಡುಗಳನ್ನು ಹಾಕಿ ಹೊಂಬಣ್ಣ ಬರುವವರೆಗೆ ಹುರಿಯಿರಿ. ನಂತರ ಮೆಣಸಿನಕಾಯಿ, ಕಾಶ್ಮೀರಿ ಮೆಣಸಿನಕಾಯಿ, ಗರಂ ಮಸಾಲ ಮತ್ತು ಕೊತ್ತಂಬರಿ ಪುಡಿ ಹಾಕಿ ಮಿಶ್ರಣ ಮಾಡಿ.
- ರುಬ್ಬಿದ ಗೋಡಂಬಿ ಮಿಶ್ರಣ ಸೇರಿಸಿ ಮತ್ತು ಎಣ್ಣೆ ಮೇಲಕ್ಕೆ ತೇಲುವವರೆಗೆ ಬೇಯಿಸಿ. ನಂತರ ನೀರು ಸೇರಿಸಿ ಮತ್ತು ಗ್ರೇವಿ ದಪ್ಪವಾಗುವವರೆಗೆ ಬೇಯಿಸಿ.
- ಈಗ ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಮತ್ತೆ ಬೇಯಿಸಿ.
- ಹುರಿದ ಗೋಡಂಬಿ, ಮಶ್ರೂಮ್ ಹಾಕಿ 5 ನಿಮಿಷ ಬೇಯಿಸಿ.
- ಈಗ ಒಂದು ಚಮಚ ತುಪ್ಪ ಮತ್ತು ಕೊತ್ತಂಬರಿ ಸೊಪ್ಪನ್ನು ಹಾಕಿ ಕಡಿಮೆ ಉರಿಯಲ್ಲಿ 2-3 ನಿಮಿಷ ಬೇಯಿಸಿರಿ.
- ಸ್ಟವ್ ಆಫ್ ಮಾಡುವ ಮೊದಲು ಸ್ವಲ್ಪ ನಿಂಬೆ ರಸ ಹಿಂಡುವುದು ಒಳ್ಳೆಯದು. ಈಗ ರೆಸ್ಟೋರೆಂಟ್ ಶೈಲಿಯ ಕಾಜು ಮಶ್ರೂಮ್ ಕರಿ ಸಿದ್ಧ.
ಇದನ್ನೂ ಓದಿ:ಆಹಾರ ಪೊಟ್ಟಣದ ಮೇಲೆ ಸಕ್ಕರೆ, ಉಪ್ಪಿನಂಶದ ಮಾಹಿತಿ ಮುದ್ರಣ ಕಡ್ಡಾಯ - Packaged Food Items
