ಸ್ಯಾಂಡಲ್ವುಡ್ನ ನಟರಾಕ್ಷಸ ಡಾಲಿ ಧನಂಜಯ್ ಸರಣಿ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ತಮ್ಮ ಅಮೋಘ ಅಭಿನಯದಿಂದ ನಟರಾಕ್ಷಸ ಎಂಬ ಹೆಸರು ಸಂಪಾದಿಸಿರುವ ಇವರು ಈಗಾಗಲೇ ಹಲವು ಚಿತ್ರಗಳನ್ನು ಘೋಷಿಸಿದ್ದಾರೆ. ನಟನೆ ಜೊತೆಗೆ ನಿರ್ಮಾಣದಲ್ಲೂ ಗುರುತಿಸಿಕೊಂಡಿರುವ ಡಾಲಿಯ ಮುಂದಿನ ಚಿತ್ರ 'JC'.
ಕನ್ನಡ ಚಿತ್ರರಂಗದಲ್ಲಿ ತಮ್ಮದೇ ಬೇಡಿಕೆ ಹೊಂದಿರುವ ಡಾಲಿ ಧನಂಜಯ್ ಅವರ ಚಲನಚಿತ್ರ ನಿರ್ಮಾಣ ಸಂಸ್ಥೆ 'ಡಾಲಿ ಪಿಕ್ಚರ್ಸ್'. ಈ ಸಂಸ್ಥೆಯು ಹೊಸ ಪ್ರತಿಭೆಗಳಿಗೆ ಸಾಕಷ್ಟು ಅವಕಾಶ ನೀಡುತ್ತಾ ಬಂದಿದೆ. ಈವರೆಗೆ ಬಂದ ಸಿನಿಮಾಗಳನ್ನು ಗಮನಿಸಿದರೆ, ಹೊಸಬರೇ ಕಾಣಿಸಿಕೊಳ್ಳೋದು. ಚಿತ್ರರಂಗದಲ್ಲಿ ದುಡಿಯಬೇಕೆಂಬ ಆಸೆ ಹೊತ್ತು ಬರುವವರಿಗೆ ಮತ್ತು ಬಣ್ಣದ ಲೋಕದಲ್ಲಿ ಬೆಳೆಯುತ್ತಿರುವವರಿಗೆ 'ಡಾಲಿ ಪಿಕ್ಚರ್ಸ್' ಅವಕಾಶ ನೀಡುವ ಮೂಲಕ ಕನ್ನಡ ಚಿತ್ರರಂಗದಲ್ಲಿ ತನ್ನದೇ ಹೆಸರು ಹೊಂದಿದೆ.
ಈ ವರ್ಷಅರಂಭ 'ಡಾಲಿ ಪಿಕ್ಚರ್ಸ್' ನಿರ್ಮಾಣದ 5ನೇ ಸಿನಿಮಾ ಸೆಟ್ಟೇರಿತು. 'ಜೆಸಿ' ಎಂಬ ವಿಭಿನ್ನ ಶೀರ್ಷಿಕೆ ಮೂಲಕ ಈ ಸಿನಿಮಾ ಗಮನ ಸೆಳೆದಿದೆ. 'ದಿ ಯೂನಿವರ್ಸಿಟಿ' ಎಂಬ ಟ್ಯಾಗ್ಲೈನ್ ಕೂಡಾ ಇದ್ದು, ಕಥೆ ಏನಿರಬಹುದು ಎಂಬ ಕುತೂಹಲ ಕೆರಳಿದೆ. 'ನಡುವೆ ಅಂತರವಿರಲಿ' ಸಿನಿಮಾ ಖ್ಯಾತಿಯ ಪ್ರಖ್ಯಾತ್ ಮುಖ್ಯಭೂಮಿಕೆಯಲ್ಲಿ ಅಭಿನಯ ಮಾಡುತ್ತಿದ್ದಾರೆ. ಫೆಬ್ರವರಿ ತಿಂಗಳಲ್ಲಿ ಮುಹೂರ್ತ ಸಮಾರಂಭ ನೆರವೇರಿಸಿಕೊಂಡಿದ್ದ ಚಿತ್ರತಂಡ ಇದೀಗ ಮೇಕಿಂಗ್ ವಿಡಿಯೋ ಅನಾವರಣಗೊಳಿಸಿದೆ.
ತಮ್ಮ ಅಧಿಕೃತ ಇನ್ಸ್ಟಾಗ್ರಾಮ್ನಲ್ಲಿ ಚಿತ್ರದ ಪೋಸ್ಟರ್ ಹಂಚಿಕೊಂಡ ಡಾಲಿ ಧನಂಜಯ್, "ಜೆಸಿ ಚಿತ್ರತಂಡದ ವತಿಯಿಂದ ಎಲ್ಲರಿಗೂ ಆಯುಧ ಪೂಜೆ ಹಾಗೂ ವಿಜಯದಶಮಿಯ ಶುಭಾಶಯಗಳು'' ಎಂದು ಬರೆದುಕೊಂಡಿದ್ದಾರೆ. ಜೊತೆಗೆ, ಸಿನಿಮಾದ ಮೇಕಿಂಗ್ ವಿಡಿಯೋ ಅನಾವರಣಗೊಳಿಸಿದ್ದಾರೆ.
ವಿಡಿಯೋದಲ್ಲಿ ಶೂಟಿಂಗ್ ಸೆಟ್, ತಂಡ, ನಟನೆ, ವಿಶೇಷವಾಗಿ ಆ್ಯಕ್ಷನ್ ಸೀನ್ಗಳನ್ನು ಕಾಣಬಹುದು. ಅಲ್ಲದೇ ಶೂಟಿಂಗ್ ಸ್ಪಾಟ್ಗೆ ನಿರ್ಮಾಪಕ ಡಾಲಿ ಧನಂಜಯ್ ಆಗಮನಿಸಿ ಎಲ್ಲವನ್ನೂ ಗಮನಿಸುತ್ತಿರುವ ದೃಶ್ಯಗಳೂ ಸಹ ಇದರಲ್ಲಿವೆ. ವಿಡಿಯೋ ಪ್ರೇಕ್ಷಕರ ಕುತೂಹಲ ಹೆಚ್ಚಿಸಿದೆ.