2007ರಲ್ಲಿ ಹಿರಿತೆರೆ ಪ್ರವೇಶಿಸಿದ ನಟ ಯಶ್ 10 ವರ್ಷಗಳಲ್ಲಿ ಸೂಪರ್ ಡೂಪರ್ ಸ್ಟಾರ್ ಆಗಿ ಹೊರಹೊಮ್ಮಿದ್ರು. ಇಂದು ಭಾರತೀಯ ಚಿತ್ರರಂಗವನ್ನಾಳುತ್ತಿರುವ ಫೇಮಸ್ ಸ್ಟಾರ್. ರಾಕಿಂಗ್ ಸ್ಟಾರ್ ಮುಖ್ಯಭೂಮಿಕೆಯ ಕೆಜಿಎಫ್ ಚಾಪ್ಟರ್ 1 ಅವರ ವೃತ್ತಿಜೀವನದಲ್ಲೇ ಒಂದು ಮೈಲಿಗಲ್ಲಾಯಿತು. ಸದ್ಯ ಪ್ರಪಂಚದಾದ್ಯಂತ ಜನಪ್ರಿಯತೆ ಹೊಂದಿದ್ದಾರೆ. ಸ್ಯಾಂಡಲ್ವುಡ್ ರಾಕಿಂಗ್ ಸ್ಟಾರ್ನನ್ನು ಇಂಡಿಯನ್ ಕೆಜಿಎಫ್ ಸ್ಟಾರ್ ಮಾಡಿದ 'ಕೆಜಿಎಫ್ ಚಾಪ್ಟರ್ 1' ಬ್ಲಾಕ್ಬಸ್ಟರ್ ಚಿತ್ರವಿಂದು 6 ವರ್ಷಗಳ ಸಂಭ್ರಮದಲ್ಲಿದೆ.
ಕಿರುತೆರೆಯಲ್ಲಿ ಗುರುತಿಸಿಕೊಂಡಿದ್ದ ಯಶ್ 2007ರಲ್ಲಿ ಹಿರಿತೆರೆ ಪ್ರವೇಶಿಸಿದರು. ಪ್ರಸ್ತುತ ಭಾರತೀಯ ಚಿತ್ರರಂಗದಲ್ಲಿ ಎ ಗ್ರೇಡ್ ನಟ. ಕನ್ನಡ ಚಿತ್ರರಂಗದಲ್ಲಿ ಜನಪ್ರಿಯರಾಗಿದ್ದ ನಟ ಕೇವಲ 10 ವರ್ಷಗಳಲ್ಲಿ ವಿಶ್ವದಾದ್ಯಂತ ಪರಿಚಿತರಾದರು. 2018ರಲ್ಲಿ ಬಂದ ಪ್ರಶಾಂತ್ ನೀಲ್ ನಿರ್ದೇಶನದ 'ಕೆಜಿಎಫ್: ಅಧ್ಯಾಯ 1' ನಟನ ಚಿತ್ರಣವನ್ನೇ ಬದಲಿಸಿತು. ಸಿನಿಮಾದಲ್ಲಿ ಯಶ್ ಅವರ ವ್ಯಕ್ತಿತ್ವ, ಅಮೋಘ ಅಭಿನಯ ಮತ್ತು ಚಿತ್ರದ ಕಥೆ ಕೇವಲ ಸಿನಿಪ್ರಿಯರು ಮಾತ್ರವಲ್ಲದೇ ಸಿನಿರಂಗದ ಗಣ್ಯರ ಗಮನವನ್ನೂ ಸೆಳೆದಿತ್ತು. 'ಕೆಜಿಎಫ್: ಅಧ್ಯಾಯ 1' ಬಿಡುಗಡೆಯಾಗಿ ಇಂದಿಗೆ (ಡಿಸೆಂಬರ್ 21, 2024) 6 ವರ್ಷಗಳಾಗಿವೆ. ಈ ಸಂದರ್ಭದಲ್ಲಿ ಯಶ್ ಚಿತ್ರದ 6 ದೊಡ್ಡ ದಾಖಲೆಗಳು ಮತ್ತು ಚಿತ್ರದ ಪವರ್ ಫುಲ್ ಡೈಲಾಗ್ಗಳ ಬಗ್ಗೆ ತಿಳಿಯೋಣ..
ಕೆಜಿಎಫ್ ಅಧ್ಯಾಯ 1 ರ ಪ್ರಮುಖ ದಾಖಲೆಗಳು
ಅತಿ ಹೆಚ್ಚು ಕಲೆಕ್ಷನ್ ಮಾಡಿದ ಕನ್ನಡ ಸಿನಿಮಾ: ಈ ರೆಕಾರ್ಡ್ ಈಗ ಕೆಜಿಎಫ್ 2 ಹೆಸರಿನಲ್ಲಿದೆಯಾದರೂ, 'ಕೆಜಿಎಫ್: ಅಧ್ಯಾಯ 1' ಕನ್ನಡ ಚಿತ್ರರಂಗದಲ್ಲಿ ಅತಿ ಹೆಚ್ಚು ಗಳಿಕೆ ಮಾಡಿದ ಮೊದಲ ಚಿತ್ರವಾಗಿದೆ. ಕೆಜಿಎಫ್ 1 ಬಾಕ್ಸ್ ಆಫೀಸ್‌ನಲ್ಲಿ 2018ರಲ್ಲೇ ಸುಮಾರು 200 ಕೋಟಿ ರೂಪಾಯಿಗೂ ಅಧಿಕ ವ್ಯವಹಾರ ನಡೆಸಿದೆ. ಈವರೆಗೆ ಯಾವುದೇ ಕನ್ನಡ ಸಿನಿಮಾ ಈ ಸಾಧನೆಗೈಯಲು ಸಾಧ್ಯವಾಗಿಲ್ಲ.
100 ಕೋಟಿ ಗಡಿ ದಾಟಿದ ಕನ್ನಡ ಚಿತ್ರ: ಕನ್ನಡ ಚಿತ್ರರಂಗದಲ್ಲೇ ಮೊದಲ ಬಾರಿಗೆ 100 ಕೋಟಿ, 200 ಕೋಟಿ ರೂಪಾಯಿ ದಾಟಿ ದಾಖಲೆ ಮಾಡಿ ಸಿನಿಮಾವಿದು.
ಹಿಂದಿ ಮಾರುಕಟ್ಟೆಯಲ್ಲಿ ಕನ್ನಡ ಸಿನಿಮಾ ಸಾಧನೆ: ಕನ್ನಡ ಚಿತ್ರರಂಗದ ಸಿನಿಮಾವೊಂದು ಹಿಂದಿ ಮಾರುಕಟ್ಟೆಯಲ್ಲಿ ಸದ್ದು ಮಾಡಿ ಅತಿ ಹೆಚ್ಚು ಗಳಿಕೆ ಮಾಡಿದ ಮೊದಲ ಚಿತ್ರ 'ಕೆಜಿಎಫ್ 1'. ಬಾಹುಬಲಿ ಫ್ರಾಂಚೈಸಿ ನಂತರ ಅತಿ ಹೆಚ್ಚು ಹಣ ಗಳಿಸಿರುವ ಹಿಂದಿ ಡಬ್ಬಿಂಗ್ ಚಿತ್ರ ಇದಾಗಿದೆ. ಕೆಜಿಎಫ್ 2 ಹಿಂದಿ ಬೆಲ್ಟ್ನಲ್ಲಿ 435.33 ಕೋಟಿ ರೂ. ಗಳಿಸುವ ಮೂಲಕ ಮೂರನೇ ಸ್ಥಾನದಲ್ಲಿದೆ. ಪುಷ್ಪ 2 (632 ಕೋಟಿ ರೂ. ಸಿನಿಮಾ ಪ್ರದರ್ಶನ ಮುಂದುವರಿದಿದೆ). ಬಾಹುಬಲಿ 2 (510 ಕೋಟಿ ರೂ.) ಎರಡನೇ ಸ್ಥಾನದಲ್ಲಿದೆ.
ವಿದೇಶದಲ್ಲಿ ದಾಖಲೆ: 'ಕೆಜಿಎಫ್ ಚಾಪ್ಟರ್ 1' ಯುಎಸ್ನಲ್ಲಿ 5 ಲಕ್ಷ ಡಾಲರ್ ಗಳಿಸಿದ ಮೊದಲ ಕನ್ನಡ ಚಿತ್ರ.
ಪ್ರತಿಷ್ಠಿತ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ: 66ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಗಳಲ್ಲಿ ಒಂದಲ್ಲ ಎರಡು ಪ್ರಶಸ್ತಿಗಳನ್ನು ಕೆಜಿಎಫ್ ಗೆದ್ದುಕೊಂಡಿದೆ. ಸ್ಟಂಟ್ ಕೊರಿಯೋಗ್ರಾಫಿ ಮತ್ತು ಸ್ಪೆಷಲ್ ಎಫೆಕ್ಟ್ಸ್ಗಾಗಿ ಪ್ರತಿಷ್ಠಿತ ಪ್ರಶಸ್ತಿಗಳು ಈ ಚಿತ್ರದ ಪಾಲಾದವು.
ಫಿಲ್ಮ್ಫೇರ್ ಅವಾರ್ಡ್ಸ್ ಸೌತ್: 66ನೇ ಫಿಲ್ಮ್ಫೇರ್ ಅವಾರ್ಡ್ಸ್‌ನಲ್ಲಿ ಕೆಜಿಎಫ್ 1 ಅತ್ಯುತ್ತಮ ಚಿತ್ರ ಮತ್ತು ಯಶ್ ಅತ್ಯುತ್ತಮ ನಟ ಪ್ರಶಸ್ತಿಯನ್ನು ಪಡೆದುಕೊಂಡರು. ಇದು ಯಶ್ ಅವರಿಗೆ ಎರಡನೇ ಫಿಲ್ಮ್ ಫೇರ್ ಪ್ರಶಸ್ತಿ. ಈ ಹಿಂದೆ 2015ರಲ್ಲಿ ಮಿಸ್ಟರ್ ಅಂಡ್ ಮಿಸೆಸ್ ರಾಮಾಚಾರಿ ಚಿತ್ರಕ್ಕಾಗಿ ಯಶ್ ಅತ್ಯುತ್ತಮ ನಟ ಫಿಲ್ಮ್ಫೇರ್ ಪ್ರಶಸ್ತಿಯನ್ನು ಗೆದ್ದಿದ್ದರು.
ಕೆಜಿಎಫ್ ಚಿತ್ರದ ಫವರ್ಫುಲ್ ಡೈಲಾಗ್ಸ್:
- ತಾಯಿ ಈ ಜಗತ್ತಿನ ಮಹಾನ್ ಯೋಧ
- ಎಲ್ಲಿಗೆ ಹೋಗಿದ್ದೆ? ರಾಕಿ: ಖ್ಯಾತಿ ಗಳಿಸಲು.
- ಯಾರೋ 10 ಜನನ ಹೊಡ್ದು ಡಾನ್ ಆದವನಲ್ಲ ನಾನು, ನಾನು ಹೊಡ್ದಿರೋ ಹತ್ತೂ ಜನನೂ ಡಾನ್ಗಳೇ.
- ಪೊಲೀಸ್ನನ್ನು ಏಕೆ ಕೊಂದೆ?, ರಾಕಿ: ನೀವು ಯಾರನ್ನಾದರೂ ಹೊಡೆದ್ರೆ, ಪೊಲೀಸರು ನಿಮ್ಮನ್ನು ಹುಡುಕುತ್ತಾರೆ. ಪೊಲೀಸ್ನನ್ನೇ ಹೊಡೆದ್ರೆ..
- ಏನು ಬೇಕು? ರಾಕಿ: ''ವರ್ಲ್ಡ್.."
- ಜಗಳದಲ್ಲಿ ಯಾರು ಮೊದಲು ಸಾಯುತ್ತಾರೆ ಎಂಬುದು ಮುಖ್ಯವಲ್ಲ, ಯಾರು ಮೊದಲು ಕೆಳಗೆ ಬೀಳುತ್ತಾರೆ ಎಂಬುದೇ ಮುಖ್ಯ.
ಕೆಜಿಎಫ್ ಅಧ್ಯಾಯ 1 ಕಲೆಕ್ಷನ್: ಸಿನಿಮಾ ಇಂಡಸ್ಟ್ರಿ ಟ್ರ್ಯಾಕರ್ ಸ್ಯಾಕ್ನಿಲ್ಕ್ ಪ್ರಕಾರ, 80 ಕೋಟಿ ರೂಪಾಯಿಯ ಬಜೆಟ್‌ನಲ್ಲಿ ನಿರ್ಮಿಸಲಾದ ಕೆಜಿಎಫ್ ಭಾರತದಲ್ಲಿ 185.24 ಕೋಟಿ ರೂಪಾಯಿ ಮತ್ತು ವಿಶ್ವದಾದ್ಯಂತ 238.00 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿತ್ತು.
ಯಶ್ ಅವರ ಮುಂದಿನ ಸಿನಿಮಾಗಳು: ಕೆಜಿಎಫ್ ಸ್ಟಾರ್ ಯಶ್ ತಮ್ಮ ಮುಂದಿನ ಚಿತ್ರ 'ಟಾಕ್ಸಿಕ್'ನಲ್ಲಿ ಬ್ಯುಸಿಯಾಗಿದ್ದಾರೆ. ಗೀತುಮೋಹನ್ದಾಸ್ ನಿರ್ದೇಶನದ ಬಹುನಿರೀಕ್ಷಿತ ಚಿತ್ರ 2025ರ ಏಪ್ರಿಲ್ನಲ್ಲಿ ಬಿಡುಗಡೆಯಾಗಲಿದೆ. ನಿತೇಶ್ ತಿವಾರಿ ಅವರ ರಾಮಾಯಣ ಚಿತ್ರದಲ್ಲಿ ಯಶ್ ರಾವಣನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರದಲ್ಲಿ ರಣ್ಬೀರ್ ಕಪೂರ್ ರಾಮನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದು, ಸಾಯಿ ಪಲ್ಲವಿ ಸೀತೆಯ ಪಾತ್ರ ನಿರ್ವಹಿಸುತ್ತಿದ್ದಾರೆ.
ಇದನ್ನೂ ಓದಿ: ಬಹುಕೋಟಿಗಳೊಂದಿಗೆ ಬಾಕ್ಸ್ ಆಫೀಸ್ ಪ್ರಯಾಣ ಪ್ರಾರಂಭಿಸಿದ ಉಪೇಂದ್ರರ 'ಯುಐ': ಸಿನಿಮಾ ನೋಡಿದ್ರಾ?
ಇದನ್ನೂ ಓದಿ: ಮಿಲನಾ, ಹರ್ಷಿಕಾ, ಪ್ರಣಿತಾ TO ಅನುಷ್ಕಾ ಕೊಹ್ಲಿ, ದೀಪಿಕಾ ಪಡುಕೋಣೆ: 2024ರಲ್ಲಿ ಪೋಷಕರಾದ ಸೆಲೆಬ್ರಿಟಿ ಕಪಲ್ಸ್
